અતુલ બેકરીના માલિકનું બેફામ ડ્રાઇવિંગ, મહિલાનું મોત

શહેરના વેસુ વિસ્તારમાં એક ગંભીર અકસ્માતની ઘટના સામે આવી છે. જ્યાં મોડી રાત્રે એક લક્ઝુરિયસ કાર ચાલકે 3 મોપેડને અડફેટે લીધા છે. જેમાં એક મહિલાનું મોત થયું હોવાનું સામે આવી રહ્યું છે. આ કાર અતુલ બેકરીના માલિક અતુલ વેકરીયા નીકળ્યા હતા. વાણી વર્તન પરથી અતુલ બેકરીને માલિક અતુલ વેકરીયા ફુલ પીધેલો જણાયો હતો.

અકસ્માત થયા બાદ મોટી સંખ્યામાં લોકો એકઠા થઈ ગયા હતા અને કાર માલિકને પકડી પોલીસને હવાલે કર્યો હતો. પોલીસને કારમાંથી દારૂની બોટલો પણ મળી હોવાની સ્થાનિકોમાં ચર્ચા ચાલી રહી છે.

ઘટના સ્થળેથી મળેલી માહિતી અનુસાર સુરતમાં જાણિતી અતુલ બેકરીનો માલિક અતુલ વેકરીયા પોતાની કાર નં. GJ 05 RM 1863 બેફામ અને પૂર ઝડપે હંકારતા વેસુ વિસ્તારમાંથી પસાર થઇ રહ્યો હતો. ફુલ પીધેલી હાલતમાં જણાયેલા અતુલ વેકરીયાએ સ્ટીયરીંગ પરથી કાબુ ગુમાવતા વેસુ વિસ્તારમાં એક સાથે ત્રણ મોપેડ ચાલકોને અડફેટે લીધા હતા. જેમાં બેથી ત્રણ લોકોને ઈજા પહોંચતા તેમને સારવાર માટે હોસ્પિટલમાં ખસેડવામાં આવ્યા છે. આ અકસ્માતમાં એક મહિલાનું પણ મોત થયું છે.