FDI આકર્ષનાર દેશોમાં ભારત ચોથા ક્રમે

ભારત ૨૦૦૪-૨૦૧૫ દરમિયાન નવા પ્રત્યક્ષ વિદેશી રોકાણ (ફોરેન ડાઇરેક્ટ ઇન્વેસ્ટમેન્ટ -એફડીઆઇ) આધારિત પ્રોજેક્ટ માટે ચોથો સૌથી મોટો દેશ બન્યો છે. ભારત ૨૦૦૪થી ૨૦૧૫ વચ્ચે નવા સીધા વિદેશી રોકાણ યોજનાઓને આકર્ષિત કરનારો ચોથો મુખ્ય દેશ બની

ગયો છે. આ દરમિયાન અન્ય દેશોમાં મર્જર અને અધિગ્રહણ કરવામાં પણ ભારત આઠમા સ્થાને રહ્યું છે. ફ્યુચર ઓફ રિજનલ કો-ઓપરેશન ઈન ઇન્ડિયા એન્ડ પેસિફિક શીર્ષકવાળું એક રિસર્ચ પેપર ગઈકાલે જારી કરવામાં આવ્યું હતું.એશિયન ડેવલપમેન્ટ બેન્કની વેબસાઈટ પર ઉપલબ્ધ આ રિપોર્ટ અનુસાર ૨૦૦૪-૨૦૧૫ વચ્ચે ભારતને ૮૦૦૪ એકદમ નવા એફડીઆઇ પ્રોજેક્ટ મળ્યા છે. બીજી તરફ મર્જર અને અધિગ્રહણની સંખ્યા પણ ૪૯૧૮ જેટલી છે. રિપોર્ટમાં કહેવામાં આવ્યું છે કે આ સમયગાળામાં નવી એફડીઆઈ યોજનાઓ પ્રાપ્ત કરવામાં અમેરિકા ટોચના ક્રમે રહ્યું છે.