ગર્વ છે આ ગુજ્જુ ગર્લ પર

ICSE બોર્ડની બારમાની પરીક્ષામાં કથીડ્રલ ઍન્ડ જૉન કૉનન સ્કૂલની તાનસા કાર્તિક શાહે ૯૯.૫૦ ટકા મેળવીને સ્કૂલ સાથે મહારાષ્ટ્ર રાજ્યનું ગૌરવ વધાર્યું છે. દેશભરના સાત વિદ્યાર્થીઓને ૯૯.૫૦ ટકા મળ્યા છે જેમાં બે વિદ્યાર્થીઓ મુંબઈના છે અને એમાંની એક તાનસા શાહ છે.

નૅશનલ લૉ સ્કૂલ ઑફ ઇન્ડિયા યુનિવર્સિટીમાં ઍડ્મિશન લઈને ઍડ્વોકેટ બનવાની મારી ઇચ્છા છે એમ જણાવીને નેપિયન સી રોડ પર રહેતી તાનસા શાહે કહ્યું હતું કે ‘વર્ષની શરૂઆતથી જ દરરોજ બેથી ત્રણ કલાક ફરજિયાત સ્ટડીને આપતી હતી. હું દર અઠવાડિયે મારો ગોલ સેટ કરતી હતી અને એનો મને સ્ટડીમાં ઘણો લાભ થયો હતો. શરૂઆતથી જ ભણવાની કન્સિસ્ટન્સી બની ગઈ હતી અને ડિસિપ્લિન જાળવીને ભણતી હતી. હંમેશાં પ્રેપરેશન પર ધ્યાન આપ્યું હતું એથી છેલ્લી ઘડીએ પરીક્ષા સમયે ડરી નહોતી. એકદમ શાંત મને અને એકચિત્તે પરીક્ષા આપી હતી. એ ઉપરાંત CETની પરીક્ષા આપી હતી. ભણવા માટે મને ક્યારેય દબાણ કરવામાં નહોતું આવતું. મારા પેરન્ટ્સ અને ટીચરોએ મને પ્રોત્સાહન આપી એન્કરેજ કરી હતી.’