આજે ભારત vs ન્યૂઝીલૅન્ડની બાકીની સેમી ફાઇનલ રમાશે

મંગળવારે જેનો ડર હતો એ જ થયું. ભારત અને ન્યૂ ઝીલૅન્ડ વચ્ચેની વર્લ્ડ કપની સેમી ફાઇનલ વરસાદને કારણે ખોરવાઈ ગઈ હતી અને વારંવાર વર્ષા થવાને લીધે છેવટે બાકીની રમત આજ પર (રિઝર્વ-ડે) મુલતવી રખાઈ હતી. ગઈ કાલે રમત જ્યાં અટકી હતી ત્યાંથી આજે (ભારતીય સમય મુજબ બપોરે ૩.૦૦થી) ફરી શરૂ કરાશે. ભારતને આજના રિઝર્વ-ડેએ રમવાનું આવતાં ફાયદો છે. આજે પણ વરસાદ પડવાની આગાહી છે જે જોતાં જો આજે મૅચ નહીં થાય તો પૉઇન્ટ્સ-ટેબલમાં ચડિયાતી સ્થિતિ હોવાને કારણે ભારત ફાઇનલમાં જશે. ટિકિટ આજના રિઝર્વ-ડેએ કાયદેસરની ગણાશે. ગઈ કાલની રમતને અંતે કિવીઓનો સ્કોર ૪૬.૧ ઓવરમાં પાંચ વિકેટે ૨૧૧ રન હતો. ભુવનેશ્ર્વર, બુમરાહ, હાર્દિક, જાડેજા, ચહલે એક-એક વિકેટ લીધી હતી.