OPEN THE SCHOOLS !!! ડોનાલ્ડ ટ્રમ્પનું Tweet, દુનિયાભરના લોકોએ ખરી ખોટી સંભળાવી

જયેશ બ્રહ્મભટ્ટ 98253 44944

ડોનાલ્ડ ટ્રમ્પે આજરોજ તા.4 ઓગસ્ટ 2020ના રોજ એક જ ટ્વીટ કરીને દુનિયાભરના લોકોની નારાજગી વહોરી લીધી છે. વિશ્વમાં જ્યાં સૌથી વધુ કોરોના કેસો છે, વિશ્વમાં જ્યાં સૌથી વધુ મૃત્યુ કોરોનાને કારણે થયા છે એ અમેરીકામાં સ્કુલો શરૂ કરવા માટે અમેરીકી પ્રેસિડેન્ટ ડોનાલ્ડ ટ્રમ્પે ટ્વીટ કર્યુ છે.

જ્યાં સૌથી વધુ કોરોના કેસ, જ્યાં સૌથી વધુ કોરોના મૃત્યુ છે એ અમેરીકામાં હવે ટ્રમ્પે સ્કુલો શરૂ કરાવવી છે

ડોનાલ્ડ ટ્રમ્પના ઓફિશ્યલ ટ્વીટર હેન્ડલ પરથી કરાયેલા ટ્વીટમાં ફક્ત ત્રણ શબ્દો પોસ્ટ કરવામાં આવ્યા છે. અને એ OPEN THE SCHOOLS !!! છે. ભારતીય સમય પ્રમાણે સવારે 8.52 કલાકે ડોનાલ્ડ ટ્ર્મ્પની ટ્વીટ પોસ્ટ થઇ અને જોતજોતામાં દુનિયાભરના લોકોએ તેના પર કમેન્ટ્સ કરીને અનેક ખરી ખોટી સંભળાવી. ઘણાંએ તો લખ્યું કે સપનાઓ જોયા કરો.