શરદપૂનમની પૂર્વ સંધ્યાએ ઉકાઇ ડેમમાં પાણીનું લેવલ 345.12 ફૂટ, પાણીના આવરા પર તંત્રની ચાંપતી નજર

શરદ પૂર્ણિમાની પૂર્વ સંધ્યાએ આજે તા.8મી ઓક્ટોબર 2022ના રોજ સુરત શહેરની વચ્ચેથી પસાર થતી તાપી નદીના ઉપરવાસમાં આવેલા ઉકાઇ ડેમની પાણીની સપાટી 345 (ભયજનક)ને આંબીને 345.12 હોવાની વિગતો સત્તાવાર રીતે સરકારના માહિતી ખાતા દ્વારા જારી કરવામાં આવી હતી. ઉકાઇ ડેમમાં કરવામાં આવી રહેલા વોટર મેનેજમેન્ટ અંતર્ગત 345 ફૂટની સપાટીને આજની તારીખનું રૂલ લેવલ ગણવામાં આવી રહ્યું છે અને આ રૂલ લેવલને ભયજનક સપાટી પણ ગણવામાં આવે છે. જોકે 345.12 ફૂટ પાણીની સપાટી હોવા છતાં સુરતમાંથી પસાર થતી તાપી નદીમાં પૂર આવવાની કોઇ શક્યતા નથી. સુરતીઓએ કોઇપણ પ્રકારની અફવા કે ખોટી માહિતીથી દોરવાવું નહીં.

મળતી માહિતી મુજબ પાછોતરા વરસાદને કારણે હાલમાં ઉકાઇ ડેમમાં પાણીનો આવરો 66 હજાર ક્યુસેક્સ જેટલો છે જ્યારે 52 હજાર ક્યુસેક જેટલું પાણી ઉકાઇ ડેમમાંથી તાપી નદીમાં છોડવામાં આવી રહ્યું છે.

ઉકાઇ ડેમમાં આજની પાણીની સપાટી સાથે જ ડેમ 100 એ 100 ટકા ભરાઇ ગયો હોવાનું પણ જણાવવામાં આવી રહ્યું છે. સુરત શહેર જિલ્લા સહિત તાપી જિલ્લામાં પણ ખેતી સિંચાઇ સહિતના વપરાશ માટેનો મુખ્ય જળસ્ત્રોત ઉકાઇ ડેમ છે.

શનિવારે સાંજે 7 કલાકે સરકારના માહિતી ખાતા દ્વારા આપવામાં આવેલી સત્તાવાર માહિતી આ મુજબની હતી

• Ukai Dam Data:
  Dt. 08.10.2022 @ 19:00 Hrs.
  Rule Level: 345.00 ft.
  Present Level: 345.12 ft.
  Inflow: 66050.00 cusec
  Outflow: 52414.00 cusec
  Present Live Storage: 6746.57 MCM (100.25 %)
  Present Capacity: 7430.96 MCM (100.22 %)

• Kakrapar Weir Position @ 19:00 Hrs. on Date: 08.10.2022
  Kakrapar Weir Level is………………….. 164.00 feet
  Overflow Discharge in Cusecs is……. 50900.00 Cusec
  Moticher Level is………………………….152.70 feet
  Moticher Discharge is…………………… 0.00 Cusec
  Total Discharge in River Tapi is…………50900.00 Cusec

• Date: 08.10.2022 Time 19:00 Hrs.
  Singanpore Weir Cum Causeway level: 7.35 meter
  Discharge: 77255.00 Cusec.