ઈટલીના વધુ મૃત્યાંક અને Vitamin Dની ઊણપ વચ્ચે કડી

વિટામિન ડીની ઊણપ હોવાથી ઈટલી અને સ્પેનમાં મૃત્યાંક વધુ હતો તેવું વૈજ્ઞાનિકોએ અહેવાલમાં જણાવ્યું છે. વિટામિન ડીના ઓછા સ્તર અને એકયુટ રેસ્પિટરેટરી ટ્રેકટ ઈન્ફેકશન (શ્ર્વસન તંત્રમાં ચેપ) વચ્ચે સંબંધ છે તેવું સંશોધનકારોએ દાવો કર્યો છે.

ઈટલી અને સ્પેનમાં મૃત્યાંક વધુ હતો અને યુરોપના મોટા ભાગના દેશોની સરખામણીમાં આ બંને દેશના લોકોમાં વિટામિન ડીનું પ્રમાણ ઓછું હોય છે. દક્ષિણ યુરોપમાં વૃદ્ધો તડકામાં જવાનું ટાળતા હોય છે. આથી વિટામિન ડીનું પ્રમાણ ઓછું હોય છે તેવું સંશોધનકારો કહે છે.

ઉત્તરી યુરોપના રહેવાસીઓમાં વિટામિન ડીનું પ્રમાણ વધુ હોય છે. તેઓ તડકામાં બહાર નીકળતા હોય છે તથા તેમના આહારમાં કોડલિવર ઓઈલનો સમાવેશ થતો હોય છે. તેઓ વિટામિન ડીના સપ્લીમેન્ટસ પણ લેતા હોય છે. હોસ્પિટલો, વૃદ્ધાશ્રમોમાં રહેતા લોકોમાંથી ૭૫ ટકામાં વિટામીન ડીની ઊણપ હોય છે તેવું લી સ્મિથ નામના સંશોધનકારે જણાવ્યું હતું. સ્કેન્ડિનેવિયાના રાષ્ટ્રોનો સૌથી ઓછો મૃત્યાંક નોંધાયો છે તેવું સંશોધનકારોએ કહ્યું હતું.