સુરતમાં બાળકોના જાતિય શોષણ જાગૃતિ અભિયાન ઘનિષ્ઠ રીતે હાથ ધરાયું, 110 કાર્યક્રમો યોજાયા

તાજેતરમાં ઉમરા પોલીસ મથકના કોન્ફરન્સ હોલ ખાતે યોજાયેલા એક ખાસ કાર્યક્રમમાં સુરત શહેર પોલીસ કમિશનર દ્વારા પેરન્ટિંગ ફોર પીસની ટીમમાં ચાઇલ્ડ સેક્સ્યુઅલ એબ્યુઝની રોકથામ માટે બિલકુલ સ્વૈચ્છીક અને સમાજસેવી રીતે કાર્ય કરી રહેલા તમામ ટ્રેઇનર્સનું પ્રશસ્તિ આપીને જાહેર બહુમાન કરવામાં આવ્યું હતું. આ સમારોહ એટલા માટે ખાસ બની રહ્યો કેમકે પેરેન્ટિંગ ફોર પીસની આ ટીમે 25000 જેટલા વિદ્યાર્થીઓની સીધી જ ચાઇલ્ડ એબ્યુઝ અંગેની ઉપયોગી ટીપ્સ આપી હતી.

સુરત શહેરના પેરેન્ટિંગ ફોર પીસના સુરક્ષા (સુરત સિટીઝન્સ અગેન્સ્ટ ચાઇલ્ડ સેક્સ એબ્યુઝ) સેફ હોમ-સેફ સ્ટ્રીટ પ્રોજેક્ટ થકી કુલ 25000 બાળકો અને 3000 પુખ્ત વયના લોકોમાં બાળકોની શોષણવૃત્તિ અંગે જાગૃતિ આવે અને આવા ગુનાઓની રોકથામ કરી શકાય તે માટે ખાસ ઉપયોગી માહિતી પ્રત્યક્ષ રીતે આપવામાં આવી હતી.

સુરત શહેરના પેરેન્ટિંગ ફોર પીસના સુરક્ષા (સુરત સિટીઝન્સ અગેન્સ્ટ ચાઇલ્ડ સેક્સ એબ્યુઝ) સેફ હોમ-સેફ સ્ટ્રીટ પ્રોજેક્ટ ગ્રુપના ડો.કેતન ભરડવાએ જણાવ્યું હતું કે શહેર પોલિસ કમિશ્નર શ્રી સતીષ શર્મા, ડીસીપી શ્રી વિધી ચૌધરીના પ્રોત્સાહન અને શહેર ચાઇલ્ડ વેલ્ફેર ઓફિસરો, ચાઇલ્ડ લાઇન વર્કર્સના સહકારથી 110 જેટલા કાર્યક્રમો કરવામાં આવ્યા હતા. બાળ જાતિય સતામણી અનેક રીતે જટિલ સમસ્યા હોવાની વાતનો સામનો કરતા તેને કેવી રીતે નિવારી શકાય તે માટે જાગૃતિ અભિયાન કારગત નિવડ્યું છે.

(સુરત શહેર પોલીસ, સેતુ સુરક્ષા તેમજ પેરન્ટિંગ ફોર પીસ સંગઠન દ્વારા સેફ હોમ મિશન અંતર્ગત ચાઇલ્ડ અબ્યુઝની વિરુદ્ધમાં હાથ ધરવામાં આવેલી ઝુંબેશ અન્વયે યોજાયેલા ખાસ સમારોહની તસ્વીર.)