શાંતિ એશિયાટિક સ્કૂલની ટ્રી પ્લાંટેશન ડ્રાઇવ

સુરત, ઓક્ટોબર, 2018 :શહેરની અગ્રણી શાંતિ એશિયાટિક સ્કૂલ હંમેશાથી વિવિધ પ્રકારના ઉમદા અને લોકકલ્યાણના કાર્યો માટે અગ્રેસર રહી છે. શાળાના આ પ્રયાસો અંતર્ગત તાડવાડી, અડાજણ ખાતે સુરત મ્યુનિસિપલ કોર્પોરેશન સાથે મળીને વિદ્યાર્થીઓ દ્વારા ટ્રી પ્લાંટેશન ડ્રાઈવનું આયોજન કરવામાં આવ્યું હતું.

પ્રિન્સિપાલ શ્રીમતી વિજય ચૌધરીએ જણાવ્યું હતું કે આપણાં ભવિષ્યને સુરક્ષિત રાખવા માટે વૃક્ષનું અસ્તિત્વ જરૂરી છે અને આપણાં ભવિષ્યને સુરક્ષિત રાખવુંએ આપણાં જ હાથમાં છે, ચાલો તેના તરફ કામ કરીએ. શિક્ષણની સાથે-સાથે સામાજિક જવાબદારી પૂર્ણ કરવાની દરેક સંસ્થાઓની પણ ફરજ છે જેને ધ્યાને લઇ શાળા દ્વારા આ ટ્રી પ્લાંટેશન ડ્રાઈવનું આયોજન કરવામાં આવ્યો હતો.

ઉલ્લેખનીય છે કે શાંતિ એશિયાટિક સ્કૂલ હંમેશાથી બાળકના સર્વાંગી વિકાસ ઉપર ધ્યાન કેન્દ્રિત કરતી આવી છે અને શાળાના પ્રયાસોને વાલીઓએ વખાણ્યાં હતાં.