પ્રધાનમંડળમાં ભાજપના રાષ્ટ્રીય અધ્યક્ષ અને ગાંધીનગરની હાઇપ્રોફાઇલ તેમજ વીવીઆઇપી બેઠક પર જંગી લીડ સાથે જીતેલા અમિત શાહ સહિત પૂર્વ પ્રધાન મનસુખ માંડવિયા અને પરસોત્તમ રૂપાલાનો સમાવેશ થાય છે. જ્યારે 2014ના નરેન્દ્ર મોદીના પ્રધાનમંડળના સભ્ય જશવંતસિંહ ભાભોરને પડતા મુકવામાં આવ્યા છે.’ રૂપાલા અને માંડવિયાને રિપીટ કરાયા અને એ કારણે કોઇ નવા ચહેરાનો સમાવેશ થયો નથી. આ બન્ને સૌરાષ્ટ્રના નેતા છે.

2019ની લોકસભા ચૂંટણીમાં ગુજરાતમાં ભાજપે 26 એ 26 બેઠક પર વિજય પ્રાપ્ત કર્યો હતો ત્યારબાદ આજે મોદી પ્રધાનમંડળમાં કોને સ્થાન મળશે તેની ચર્ચાએ રાજકારણમાં ગરમાવો લાવી દીધો હતો. જેમાં નવસારીના સી.આર. પાટીલ, બનાસકાંઠાની બેઠક’ પર પ્રથમવાર ચૂંટાયેલા પરબત પટેલનો સમાવેશની ચર્ચા ચાલતી રહી હતી પરંતુ આ ચર્ચાને આખરી સ્વરૂપ ન મળી શક્યું અને પ્રધાનમંડળ કાર્યાલય તરફથી માત્ર બે જ સાસંદોને ફોન કરીને પ્રધાન પદના શપથ લેવા માટે આમંત્રિત કરાયા હતા.