First in UK : મુંબઈના હરિ શુકલે કોરોનાની રસી લેનાર પ્રથમ ફેમિલી
મુંબઈના મૂળ વતની ડો. હરિ શુકલ (૮૭ વર્ષ) અને તેમના પત્ની રંજન (૮૩ વર્ષ) બ્રિટન (યુકે)માં કોરોનાની રસી લેનારું પ્રથમ દંપતી બન્યું હતું. તેમણે મંગળવારે ન્યૂકેસ્ટલની એક હોસ્પિટલમાં ફાઇઝરની વેક્સિન લીધી હતી.

વિશ્ર્વમાં સૌપ્રથમ વેક્સિન લેનાર ટાયને એન્ડ વિઅર ખાતેના હરિ શુકલે જણાવ્યું હતું કે મને લાગી રહ્યું છે કે બે ડોઝની વેક્સિનનો પ્રથમ ડોઝ લેવાની મારી ફરજ છે. બ્રિટનના વડા પ્રધાન બોરિસ જોહ્ન્સને તેમના આ પગલાંના વખાણ કર્યા હતા જ્યારે બ્રિટનમાં મંગળવારે વેક્સિન-ડે અથવા વિ-ડે તરીકે ઉજવવામાં આવ્યો હતો.
‘મને ઘણો આનંદ છે અને આશા છે કે આ મહામારીનો જલદીથી અંત આવશે. મારું માનવું છે કે આ મારી ફરજ હતી અને મદદ કરવા માટે મારે કંઇ પણ કરવું જોઇએ’, એમ શુકલે જણાવ્યું હતું.
‘નેશનલ હેલ્થ સર્વિસ (એનએચએસ)ના સંપર્કમાં હું હતો એટલે મને ખબર છે કે તેઓ કેટલી મહેનત કરતા હતા. મને તેમના પર ગર્વ છે. તેમની પાસે સુવર્ણ હૃદય છે અને મહામારીમાં અમને સુરક્ષિત રાખવા માટે તેમને જે કંઇ કર્યું તે માટે હું તેમનો આભારી છું’, એમ તેમણે વધુમાં કહ્યું હતું.
આ દરમિયાન ૯૦ વર્ષના એક વૃદ્ધા ફાઈઝર કોવિડ-૧૯ વેક્સિન લેનાર વિશ્ર્વના પ્રથમ મહિલા બની ગયાં છે. માર્ગરેટ કીનાન નામની આ મહિલાને સેન્ટ્રલ ઈંગ્લેન્ડના કોન્વેન્ટ્રીની સ્થાનિક હોસ્પિટલમાં આ ડોઝ આપવામાં આવ્યો છે. વેક્સિન લીધા પછી તેમણે જણાવ્યું હતું કે વેક્સિનેશનમાં પ્રથમ મહિલા હોવાનું મને ગૌરવ છે. બ્રિટનમાં અત્યાર સુધીમાં કોરોનાના ૧૭ લાખ ૩૭ હજાર ૯૬૦ કેસ નોંધાયા છે અને ૬૧ હજાર ૪૩૪ લોકોનાં મોત થયાં છે.
આપના કે આપની સંસ્થાના કોઇપણ પ્રકારના સમાચાર, ઇવેન્ટ કવરેજ, ઇન્વિટેશન, બ્લોગ રાઇટિંગ વગેેરે માટે સંપર્ક કરો : 98253 44944
For any News, Event coverage, Reporting, Invitations etc, Please Feel Free to contact on : 98253 44944
आपके किसी भी प्रकार के न्युज, इवेन्ट कवरेज, इन्विटेशन्स आदि के लिए कृपया संपर्क करें : 98253 44944
You Can Find us on Google Play store too : Download Now
