10 માર્ચે થશે રાજ્યની નગરપાલિકાઓની પેટાચૂંટણી

રાજ્યની નગરપાલિકાઓની પેટાચૂંટણીની તારીખો જાહેર કરવામાં આવી છે. 10 માર્ચે રાજ્યની અલગ અલગ નગરપાલિકાઓની પેટાચૂંટણી થશે.

ગુજરાતની નગરપાલિકાઓમાં થનારી પેટાચૂંટણીની તારીખો જાહેર કરવામાં આવી છે. નગરપાલિકાના વિવિધ વોર્ડની પેટા ચૂંટણી 10 માર્ચે યોજાશે. જ્યારે 12 માર્ચે ગણતરી છે. વિવિધ કારણોથી રાજ્યની મહાનગરપાલિકાઓની અનેક બેઠકો ખાલી પડી હતી. જેના માટે તારીખોની જાહેરાત કરવામાં આવી છે.

રાજ્યમાં બનાસકાંઠાના થરા નગરપાલિકાના વોર્ડ નંબર ત્રણની ચૂંટણી થશે. સુરતના બારડોલી નગરપાલિકાના વોર્ડ નંબર એકની ચૂંટણી 10 માર્ચે થશે. જ્યારે પોરબંદરની રાણાવાવ નગરપાલિકાના વોર્ડ નંબર ચાર માટે ચૂંટણી યોજાવા જઈ રહી છે. જે માટે ચાર માર્ચે મતદાન થશે. કચ્છની ભૂજ નગરપાલિકા માટે પણ પેટાચૂંટણી થઈ રહી છે. ભૂજ નગરપાલિકાના વોર્ડ નંબર 6 માટે પણ ચૂંટણી થઈ રહી છે. આ તમામ નગરપાલિકાઓ માટે મતદાન 10 માર્ચે થશે અને  પરિણામ 12 માર્ચે થશે. લોકસભા ચૂંટણી નજીક હોવાથી આ સ્થાનિક ચૂંટણીના પરિણામો પણ મહત્વના રહેશે.