દુબઇ એરપોર્ટ પરથી દોઢ કિલો કોકેઇન સાથે નાઇજિરીયન અમદાવાદ કેવી રીતે પહોંચી શક્યો?
દુબઇ એરપોર્ટ પરથી કેવી રીતે નાઇજીરીયન નાગરિક દોઢ કિલો જેટલા કોકેઇન સાથે પ્લેનમાં બેસી શક્યો એ સવાલનો જવાબ સમગ્ર કૌભાંડને ઉજાગર કરે તેમ છે
અમદાવાદ એરપોર્ટ પરથી દોઢેક કિલો કોકેઇન સાથે નાઇજિરીયન યુવાન જોહુ ની ધરપકડ કરવામાં આવી છે. સવાલ એ છે કે દુબઇથી અમદાવાદ એરપોર્ટ પર ઉતર્યા બાદ અમદાવાદથી ડોમેસ્ટીક ફ્લાઇટમાં દુબઇ જઇ રહેલા નાઇજિરીયન જોહુને જો અમદાવાદ એરપોર્ટ પર પકડી શકાયો તો દુબઇ એરપોર્ટ પરથી એ કેવી રીતે પ્લેનમાં બેસી શક્યો, નશીલા પદાર્થોની હેરાફેરી માટે સખત કાયદાઓ ધરાવતા દુબઇના એરપોર્ટમાં દોઢ કિલો કોકેઇન સાથે ઘૂસી જ કેવી રીતે શકાય એ સવાલ ઉપસ્થિત થાય છે. નાઇજિરીયન નાગરિકની પાછળ આંતર રાષ્ટ્રીય ડ્રગ માફિયાઓ કામ કરતા હોવાના દાર્શનિક પુરાવાઓ મળી રહ્યા છે.
ગુજરાતમાં છેલ્લા કેટલાક સમયથી ડ્રગ્સની હેરાફેરી કરવાના કિસ્સા વધી રહ્યા છે. આવા જ એક કિસ્સામાં અમદાવાદના ઇન્ટરનેશનલ એરપોર્ટ પરથી કોકેઇનની હેરાફેરીનું કૌભાંડ ઝડપી પાડવામાં આવ્યું છે. દુબઈથી આવેલા અને મુંબઈ જઈ રહેલા એક નાઇજિરિયન મુસાફરના પેટમાંથી કોકેઇનની 23 કેપ્સ્યુલ મળી આવી હતી. જેનું વજન 448 ગ્રામ અને જેની કિંમત રૂ.67 લાખ 20 હજાર મનાય છે.
નાઇજરીયન નાગરિકની ઘનિષ્ઠ તપાસ દરમિયાન તેના સામાનમાંથી કોકેઇનની 29 કેપ્સ્યુલ મળી આવી હતી જેનું વજન 580 ગ્રામ 750 મિલીગ્રામ અને જેની કિંમત 87,11,250 ગણાય છે. આમ આ નાઇજિરિયન નાગરિક ઝોહુ એલેક્સિસ પાસેથી કોકેઇનનો કુલ 1 કિલો 450 ગ્રામ 480 મિલીગ્રામ જથ્થો મળી આવ્યો હતો. જેની કુલ બજાર કિંમત રૂ.2 કરોડ 17 લાખ ,57,200 થવા જાય છે. આ નાઇજિરિયન નાગરિકની ધોરણસર અટક કરી તા.27 ઓગસ્ટ સુધીના રિમાન્ડ મેળવવામાં આવ્યા છે.
એલેક્સિઝ નામનો એક નાઇજિરિયન નાગરિક રાત્રે દુબઈની ફ્લાઇટમાં અમદાવાદ આવ્યો હતો અને મંગળવારે સવારે જેટ એરવેઝની ફ્લાઇટમાં મુંબઈમાં જવા માટે નીકળ્યો હતો. મુંબઈ જવા માટે સિક્યોરિટી એરિયામાંથી ચેકિંગ કરાવીને બહાર નીકળતો હતો, તે સમયે તેની મેટલ ડિટેક્ટર દ્વારા તપાસ કરવામાં આવી હતી.
એ મુસાફરના પેટમાં કઇંક શંકાસ્પપદ વસ્તુ હોવા અંગે શંકા જતા મેડિકલ તપાસની કાર્યવાહી માટે સી.આઇ.એસ.એફ.ના ઇન્સ્પેક્ટર સતીશ્રા ચૌધરીને સોંપ્યો હતો. એરપોર્ટ પોલીસ સ્ટેશનના પીએસઆઇ ડી.બી.પ્રજાપતિ આ નાઇજિરિયન નાગરિકને મેડિકલ ચેકઅપ માટે સિવિલ હોસ્પિટલ લઇ ગયા હતા. જ્યાં તબીબો દ્વારા તેના શરીરની ચકાસણી કરવામાં આવી હતી.
આ ચકાસણી દરમિયાન તેના ગુદાના ભાગેથી પ્રથમ ઇંડા આકાર જેવી સફેદ કલરની 9 મોટી કેપ્સ્યુલ કાઢી હતી. ત્યારબાદ જરૂરી દવાઓ આપી થોડીવાર પછી ગુદાના ભાગેથી જ બીજી 14 મોટી કેપ્સ્યુલ કાઢી હતી. આ બધી કેપ્સ્યુલની અંદર ડ્રગ્સ હોવાનું શકદાર નાઇજિરિયન ઝોહુ એલેક્સિસે જણાવ્યું હતું. જેથી એસઓજીના એસીપી, એફએસએલ અને એનસીબીના અધિકારીઓનો કાફલો સિવિલ હોસ્પિટલ દોડી ગયો હતો. એફએસએલના અધિકારીઓની ચકાસણીમાં આ કેપ્સ્યુલમાં માદક પદાર્થ કેકોઇન હોવાનું ખૂલ્યું હતું. આ અંગે એસ.ઓ.જી.ક્રાઇમ બ્રાન્ચ અમદાવાદે ગુનો દાખલ કરી તપાસ હાથ ધરી છે.
આપના કે આપની સંસ્થાના કોઇપણ પ્રકારના સમાચાર, ઇવેન્ટ કવરેજ, ઇન્વિટેશન, બ્લોગ રાઇટિંગ વગેેરે માટે સંપર્ક કરો : 98253 44944
For any News, Event coverage, Reporting, Invitations etc, Please Feel Free to contact on : 98253 44944
आपके किसी भी प्रकार के न्युज, इवेन्ट कवरेज, इन्विटेशन्स आदि के लिए कृपया संपर्क करें : 98253 44944
You Can Find us on Google Play store too : Download Now
