શિક્ષણ સર્વદા Archives - Page 53 of 55 - CIA Live

આજે જાહેર થયેલા ધો.12 કોમર્સના પરીણામો પર નજર કરીએ તો ગુજરાતી વિદ્યાર્થીઓ ખાસ કરીને ગુજરાતી માધ્યમની ઉચ્ચતર માધ્યમિક શાળાઓમાંથી ધો.12 કોમર્સ ભણીને બોર્ડની માર્ચ 2018ની પરીક્ષા આપનારા વિદ્યાર્થીઓનું આજે જ્યારે પરિણામ જાહેર થયું ત્યારે એક વિકનેસ (નબળાઇ) પણ સપાટી પર આવી. ગુજરાતી માધ્યમમાં ભણતા વિદ્યાર્થીઓની એ વિકનેસ હતી ઇંગ્લિશ.

ગુજરાતી માધ્યમની ઉચ્ચતર માધ્યમિક શાળાઓમાં ઇંગ્લિશ વિષયને સેકન્ડ લેંગ્વેજ તરીકે ભણાવવામાં આવે છે અને ગુજરાત બોર્ડ દ્વારા લેવાયેલી વિષયવાર પરીક્ષાઓના પરીણામમાં સૌથી ઓછું પરીણામ ઇંગ્લિશ સેકન્ડ લેંગ્વેજ કે જે ગુજરાતી માધ્યમની શાળાઓમાં જ ભણાવવામાં આવે છે. ઇંગ્લિશ સેકન્ડ લેંગ્વેજનું પરીણામ અન્ય તમામ વિષયો કરતા ઓછું 64.53 ટકા આવ્યું છે. ગુજરાતી માધ્યમની ઉચ્ચતર માધ્યમિક શાળામાંથી પરીક્ષા આપનારા કુલ 4.03 લાખ વિદ્યાર્થીઓ પૈકી 1.43 લાખ વિદ્યાર્થીઓ ઇંગ્લિશ સેકન્ડ લેંગ્વેજમાં નાપાસ થયા છે.

ગુજરાત બોર્ડની જ ઇંગ્લિશ મિડીયમની સ્કુલ્સ કે જ્યાં ઇંગ્લિશ વિષય ફર્સ્ટ લેંગ્વેજ તરીકે ભણાવવામાં આવે છે. આ વિષયનું પરીણામ 94.25 ટકા જેટલું તોતિંગ આવ્યું છે.

ઇંગ્લિશ લેંગ્વેજ પહેલેથી જ ગુજ્જુઓની નબળાઇ રહી છે. અગાઉ સાયન્સ સ્ટ્રીમમાં પણ જેઇઇ, નીટ જેવી પ્રવેશ પરીક્ષાઓ ગુજરાતી ભાષામાં લેવા માટે ગુજરાતમાં વાલીઓએ આંદોલન કરવા પડી રહ્યા હતા.

ધો.12 પછી વ્યવસાયલક્ષી પ્રવાહના અભ્યાસક્રમોમાં પ્રવેશ માટે લેવામાં આવતી પ્રવેશ પરીક્ષાઓનું માધ્યમ અંગ્રેજી હોવા ઉપરાંત આર્ટસને બાદ કરતા મોટા ભાગના કોલેજ-યુનિવર્સિટી ખાતેના અભ્યાસક્રમોમાં મિડીયમ ઓફ ટીચીંગ અંગ્રેજી  જ હોવાના કારણે રાજ્યમાં હાલ અંગ્રેજી માધ્યમમાં ભણવાનો ક્રેઝ વધતો જાય છે. દરેક માતા-પિતા પોતાના બાળકો અંગ્રેજી માધ્યમમાં ભણે એવી અદમ્ય ઇચ્છા ધરાવતા હોય છે.

સુરતમાં દર વર્ષે નવરાત્રીથી જાન્યુઆરી સુધીના સમયગાળામાં બાળમંદિરોમાં પ્રવેશ પ્રક્રિયા હાથ ધરવામાં આવે છે. ત્યારે સામાન્યમાં સામાન્ય પરિવારમાંથી આવતા માબાપ પોતાના સંતાનને સી.બી.એસ.સી. (સેન્ટ્રલ બોર્ડ) અગર તો ગુજરાત બોર્ડની અંગ્રેજી મિડીયમની શાળામાં પ્રવેશ અપાવવા માટે દોડધામ મચાવી મૂકતા જોવા મળે છે. અંગ્રેજી માધ્યમની શાળાઓની વધેલી માગને લીધે જ અંગ્રેજી માધ્યમની સ્વનિર્ભર શાળાઓની સંખ્યામાં પણ વધારો થયો છે.

2012-13ના શૈક્ષણિક વર્ષથી અત્યાર સુધીમાં રાજ્યમાં અંગ્રેજી માધ્યમની 1226 ખાનગી શાળાઓને મંજૂરી આપવામાં આવી હતી તેની સામે સરકારી અંગ્રેજી માધ્યમની માત્ર 32 શાળાઓને મંજૂરી આપવામાં આવી છે. આથી મધ્યમ પરિવારના બાળકોને પણ ઊંચી ફી આપીને ખાનગી શાળાઓમાં ભણાવવાની ફરજ પડી રહી છે. ટૂંકમાં, કહીએ તો ગુજરાત રાજ્યમાં અંગ્રેજીમાં ભણવું હોય તો મોટા ભાગે ખાનગી, સેલ્ફફાઇનાન્સ સ્કુલોના શરણે જ જવું પડે છે. રાજ્ય સરકાર અંગ્રેજી માધ્યમની સ્કુલોને પ્રોત્સાહન આપતી નથી. એવું કહેવામાં કોઇ અતિશયોક્તિ નથી કે રાજ્યમાં અંગ્રેજી માધ્યમમાં ભણવું હોય તો રાજ્ય સરકારે કોઇ માળખાગત સુવિધા કે ઢાંચો તૈયાર કર્યો નથી. મોટા ભાગે અંગ્રેજી માધ્યમની સ્કુલોનો ઇજારો ખાનગી ધંધાદારી સંચાલકોને સોંપી દેવામાં આવ્યો છે.

લમાં અંગ્રેજી શિક્ષણની માગ દિવસેને દિવસે વધતી જાય છે ત્યારે અંગ્રેજીથી ગરીબ બાળકો વંચિત રહે તેના માટે અંગ્રેજી માધ્યમની સરકારી સ્કૂલો ખોલવામાં સરકારની ભારે ઉદાસીનતા જોવા મળી છે.

રાજ્યની પ્રાથમિક શાળાઓનો સિનારીયો શું બયાં કરે છે

ગુજરાત રાજ્યમાં 33,788 સરકારી પ્રાથમિક શાળાઓ કાર્યરત છે જેમાં 33,281 પ્રાથમિક શાળા ગુજરાતી માધ્યમની છે, જ્યારે અંગ્રેજી માધ્યમની માત્ર 120 પ્રાથમિક શાળાઓ આવેલી છે તેમજ અન્ય માધ્યમની 387 શાળાઓ કાર્યરત છે.

રાજ્યમાં ખાનગી પ્રાથમિક શાળાઓ 10,579 જેમાં 6,974 શાળાઓ ગુજરાતી માધ્યમની છે જ્યારે 3,098 શાળાઓ અંગ્રેજી માધ્યમની છે તથા અન્ય માધ્યમની ખાનગી પ્રાથમિક શાળાઓ 507 કાર્યરત છે. આમ રાજ્ય સરકાર ખુદ સરકારી અંગ્રેજી માધ્યમની શાળાઓ શરૂ ન કરી ખાનગી સ્કૂલોને પ્રાત્સાહિત કરે છે.

સૌથી મહત્ત્વની વાત તો એ છે કે, સીબીએસઈ બોર્ડ સાથે સંલગ્ન કેન્દ્રીય વિદ્યાલયો અને સરકારી સ્કૂલોનું બોર્ડની પરીક્ષાઓના પરિણામમાં ખાનગી સ્કૂલોની સરખામણીમાં પર્ફોર્મન્સ ટોપ પર હોય છે. જ્યારે ગુજરાત બોર્ડમાં સરકારી સ્કૂલોનું જ પર્ફોર્મન્સ નબળું જોવા મળે છે. આમ બોર્ડનાં પરિણામો પરથી જ સીધો ભેદ જોવા મળે છે અને રાજ્યનો શિક્ષણ વિભાગ સરકારી સ્કૂલોના શિક્ષણને સુધારવામાં નબળું પુરવાર થાય છે.

ગુજરાતના વિદ્યાર્થીઓ ગુજરાતીમાં પણ પરફોર્મન્સ આપી શક્તા નથી

એ પણ એક વરવી વાસ્તવિક્તા છે કે ગુજરાતના વિદ્યાર્થીઓ ગુજરાતી વિષયમાં પણ પરફોર્મન્સ આપી શક્તા નથી. માર્ચ 2018માં લેવાયેલી ગુજરાત બોર્ડની ધો.10ની પરીક્ષાના પરીણામમાં ગુજરાતી વિષયમાં નાપાસ થયેલા વિદ્યાર્થીઓની સંખ્યા 1.07 લાખની છે.

ગુજરાતી માધ્યમ કરતા અંગ્રેજી માધ્યમનું પરીણામ 25 ટકા ઉંચુ

ધો.10ના પરીણામમાંથી એ બાબત પણ ઉડીને આંખે વળગે તેવી છે કે ગુજરાત બોર્ડના ધો.10ના પરીણામમાં ગુજરાતી માધ્યમની શાળાઓનું ઓવરઓલ પરીણામ 65.16 ટકા જ્યારે અંગ્રેજી માધ્યમની શાળાઓનું પરીણામ 90.69 ટકા આવ્યું છે. આ જોતા રાજ્યમાં અંગ્રેજી માધ્યમનો ક્રેઝ તો વધ્યો છે પણ ત્યાં માહોલ પણ ભણવા માટેનો યોગ્ય હોવાનું પુરવાર થઇ રહ્યું છે.

કઇ સ્કુલના કેટલા વિદ્યાર્થીઓ એ-વન રેન્કમાં

આશાદીપ ગ્રુપ ઓફ સ્કુલ્સ      100

સંસ્કારભારતી અડાજણ           28

એક્સપેરિમેન્ટલ ગુજરાતી        32

ભૂલકાવિહાર શાળા                 22

ભૂલકાભવન શાળા                  28

એલ.પી.સવાણી ગ્રુપ               50

સ્વામીનારાયણ ગુરુકુળ           20

એલ.પી.ડી.શાળા, પૂણા           16

અર્ચના વિદ્યાલય                      09

સંસ્કારદીપ વિદ્યાસંકુલ             09

શારદા વિદ્યામંદિર                    07

કૌશલ વિદ્યાભવન                     30

માધવબાગ વિદ્યાભવન             04

દિપદર્શન વિદ્યાસંકુલ                06

પંચશીલ બેંક સ્કુલ                     03

કે.સી.કોઠારી સ્કુલ, વરાછા        06

સંસ્કાર વિદ્યાલય                       02

પ્રેરણા વિદ્યાલય, પૂણા              04

સરસ્વતી વિદ્યાલય,અડાજણ    01

પ્રેસિડેન્સી સ્કુલ                        01

આશાદીપ ગ્રુપ ઓફ સ્કુલ્સના 100થી વધુ એ-વન રેન્કર્સ

સુરતના નાના વરાછા ખાતે આવેલી આશાદીપ સાયન્સ એન્ડ કોમર્સ ભવનમાં આજે સુરતના 100 જેટલા ગુજરાત બોર્ડની ધો.10ની પરીક્ષા પાસ કરનાર એ-વન રેન્કર્સ એકત્રિત થતાં આ પ્રકારની ભવ્ય તસ્વીર ઉપસી આવી હતી. આશાદીપ ગ્રુપ ઓફ સ્કુલ્સ પૈકીની આશાદીપ વિદ્યાલય-3ના 22 એ-વન રેન્કર્સ, આશાદીપ વિદ્યાલયના કુલ 22 એ-વન રેન્કર્સ, સીમાડા ખાતે આવેલા આશાદીપ વિદ્યાલયના કુલ 13 એ-વન રેન્કર્સ અને કૃષ્ણકુંજ સોસાયટી નાના વરાછા ખાતે આવેલા આશાદીપ વિદ્યાલયના કુલ 42 એ-વન રેન્કર્સ મળીને કુલ 100 જેટલા એ-વન રેન્કર્સ સાથે તસ્વીરમાં શાળાના સંચાલકો સર્વ શ્રી મહેશભાઇ રામાણી, શ્રી શૈલેષભાઇ રામાણી, શ્રી મહેશભાઇ શ્યાની વગેરે દ્રશ્યમાન છે.

રૂસીમા પુણાવાલા એક્સપેરિમેન્ટલ સ્કુલના રેન્કર્સનો ગ્રુપ ફોટો

શહેરના પાર્લે પોઇન્ટ સ્થિત સાર્વજનિક એજ્યુકેશન સોસાયટી સંચાલિત રૂ.સી.મા. પૂણાવાળા એક્સપેરિમેન્ટલ સ્કુલના ધો.10ના કુલ 32 વિદ્યાર્થીઓએ ગુજરાત માધ્યમિક શિક્ષણ બોર્ડની માર્ચ 2018ની પરીક્ષામાં એ-વન રેન્ક હાંસલ કરતા શાળા સંચાલકો અને સ્ટાફ ખુશીથી ઝૂમી ઉઠ્યા હતા. પરીણામના દિવસે તા.28મી મે ના રોજ શાળા ખાતે ઉપસ્થિત રેન્કર્સ સાથે શાળાના આચાર્યા શ્રીમતી મિનાક્ષીબેન વખારીયાએ સમૂહ તસ્વીર ક્લીક કરાવી હતી.

ભૂલકાવિહાર સ્કુલના 22 વિદ્યાર્થીઓ ધો.10માં એ-વન રેન્કર બન્યા

શહેરના પાલ-ભાઠા રોડ પર આવેલી ભૂલકાવિહાર શાળાના 22 વિદ્યાર્થીઓએ આજે ગુજરાત માધ્યમિક  શિક્ષણ બોર્ડના ધો.10ના પરીણામમાં એ-વન રેન્ક હાંસલ કરીને શાળાનું ગૌરવ વધાર્યું છે. શાળાના ટ્રસ્ટી-પ્રિન્સીપાલ શ્રીમતી મીતાબેન વકીલે દરેક વિદ્યાર્થીઓને તેમણે કરેલી મહેનત બદલ શુભેચ્છા પાઠવી હતી.

કોસાડ રોડની માધવબાગ શાળામાંથી 4 વિદ્યાર્થીઓ ધો.10માં એ-વન રેન્કર્સ બન્યા