ઇન્ટરનેશનલ Archives - Page 36 of 49 - CIA Live

ફ્રાંસ, ઇટલી, સ્પેન, જર્મની, ઇંગ્લેન્ડ સહિત યુરોપના દેશોમાં હાલમાં પડી રહેલી ભારે ગરમીને લીધે અનેક લોકોનાં મૃત્યુ થયાં હતાં અને હજારો શાળા બંધ કરી દેવાઇ હતી.

ફ્રાંસ સહિત યુરોપના દેશોમાં તાજેતરમાં ભારે ગરમી પડી રહી છે. ફ્રાંસના હવામાન ખાતાએ પ્રથમ વખત ગરમીના જોખમની ચેતવણી આપી હતી અને દક્ષિણ ફ્રાંંસના માર્સેલી તેમ જ મોન્ટપીલરની આસપાસના ચાર વિસ્તારમાં ખાસ તકેદારી રાખવાની સૂચના આપી હતી. આ વિસ્તારમાં ગરમી 44 અંશ સેલ્સિયસ (111 ફેરનહીટ) રહેવાની આગાહી કરાઇ હતી.

ફ્રાંસમાં ભારે ગરમીને કારણે અંદાજે 4,000 શાળા બંધ કરી દેવાઇ છે અને સ્થાનિક સત્તાવાળાએ શાળામાં વર્ષાંતે યોજાનારા અનેક કાર્યક્રમ રદ કર્યા હતા.

વડા પ્રધાને સરકાર દ્વારા પૂરતાં પગલાં લેવાઇ રહ્યાં હોવાનો દાવો કરાયો હતો અને જણાવ્યું હતું કે ફ્રાંસમાં ગરમીને કારણે અંદાજે 15,000 લોકો મૃત્યુ પામ્યાં હતાં. ફ્રાંસમાં જે શાળા ખુલ્લી રખાઇ છે ત્યાં વિદ્યાર્થીઓને ઠંડક મળે તે માટે વિવિધ પગલાં લેવાઇ રહ્યા છે.

પેરિસની પાસે કોલમ્બસમાં વિક્ટર હ્યુગો પ્રાથમિક શાળામાં શિક્ષકોએ વિદ્યાર્થીઓને ગરમી ન લાગે એ માટે વર્ગોમાં ભણાવવાનું બંધ કર્યું છે અને તેઓને મેદાનમાં છાપરા નીચે ભણાવે છે. આ ઉપરાંત, શાળાઓમાં ઠંડક મળે એ માટે પાણી પણ છાંટવામાં આવે છે.

એક શિક્ષિકાએ જણાવ્યું હતું કે હું બાળકોને પાઠ્યપુસ્તકો સાથે મેદાનમાં લઇ જાઉં છું અને ત્યાં છાપરું ગોઠવીને તેની નીચે બેસાડું છું.

ઇટલીના 16 શહેરમાં ભારે ગરમીને લીધે પર્યટકોને જાહેરમાં પાણી વહેંચાયું હતું.

વાયવ્ય સ્પેનનમાં ભારે ગરમીથી એક વૃદ્ધનું મૃત્યુ થયું હતું.

બર્લિનમાં તોફાનીઓ સામે વપરાતી વૉટર કેનન (પાણીની તોપ)નો ઉપયોગ સાર્વજનિક વિસ્તારમાં ઠંડક વધારવા કરાય છે.

ક્વિન્સલૅન્ડ રાજ્યના વહીવટકર્તાઆએે દ્વારા ગ્રુપની ભૂમિગત પાણીની વ્યવસ્થાની યોજનાને મંજૂરી આપી દેતાં ભારતના ઊર્જા ક્ષેત્રના માંધાતા અદાણી જૂથે વિવાદમાં સપડાયેલા ઑસ્ટ્રેલિયાસ્થિત ગ્રૅટર બૅરિયર રિફ નજીક આવેલી કાર્મિકલ કોલસાની ખાણમાં કામ શરૂ કરવા આડે આવતા અંતિમ અવરોધને પણ ગુરુવારે દૂર કર્યો હતો.

વડા પ્રધાન સ્કૉટ મૉરિસનના વડપણ હેઠળની ઑસ્ટ્રેલિયાના કોલસા તરફી ગઠબંધનને ચૂંટણીમાં આશ્ર્ચર્યજનક રીતે વિજય મેળવ્યાના ગણતરીના અઠવાડિયાઓ બાદ લાંબા સમયથી વિલંબમાં પડેલા ગ્રુપની અબજો ડૉલરની કોલસા ખાણકામ યોજનાને અંતિમ મંજૂરી મળી ગઈ હતી. આ મામલે પ્રતિક્રિયા આપતા અમદાવાદ અદાણી ગ્રુપના અધ્યક્ષ ગૌતમ અદાણીએ કહ્યું હતું કે ઑસ્ટ્રેલિયામાં આજે અમારો દૃઢ, સ્થિતિસ્થાપક અને પ્રતિબદ્ધ પ્રવાસ નવા તબક્કામાં પ્રવેશ્યો છે.

2017માં બ્રાઝિલમાં 65602 હત્યા થઈ હતી. આરોહ્ય મંત્રાલયે આપેલી વિગત પ્રમાણે 65602 એટલે કે પ્રતિ કલાક સાતથી વધુ વ્યક્તિની હત્યા થઈ હતી. યુવાન, અશ્ર્વેત પુરુષોની મોટા પ્રમાણમાં હત્યા થઈ હતી. 4936 મહિલાઓની હત્યા થઈ હતી જેમાં બે તૃતીયાંશથી વધુ અશ્ર્વેત મહિલા હતી.

બોલિવિયા અને પેરુથી થતા ડ્રગ સ્મગલિંગના નિયંત્રણ માટે હરીફ ગેંગ વચ્ચેના સંઘર્ષમાં મોટા ભાગના યુવાનો માર્યા ગયા હતા. નિષ્ણાતો માને છે કે બ્રાઝિલના પ્રમુખ જૈર બોલ્સીનારે ગન કાયદા હળવા કર્યા છે. તે જોતા પરિસ્થિતિ હજુ વધુ વણસે તેવી સંભાવના છે.

ટ્રક ડ્રાઈવરો, રાજકારણીઓ, શિકારીઓ અને પત્રકારોને ગન ધરાવવાની પરમિટ મળશે. પ્રમુખ બોલસોનારેના ઓર્ડરને સુપ્રીમ કોર્ટમાં પડાકરવામાં આવ્યો છે. એક સંસ્થાના અહેવાલમાં જણાવવામાં આવ્યું છે કે એક દશક અગાઉ એક વર્ષમાં જેટલી હત્યા થઈ હતી તેની સરખામણીમાં હત્યાનો આંકડો 36.1 ટકા વધ્યો છે.

ચીને પોતાના નાગરિકોને અમેરિકાનો પ્રવાસ કરવા સામે મંગળવારે ચેતવણી આપી હતી.

ચીન અને અમેરિકા વચ્ચે વ્યાપારયુદ્ધ ઉગ્ર બન્યું છે ત્યારે બીજિંગે પોતાના નાગરિકોને અમેરિકામાં સતામણી થવાની અને તેઓની જાહેરમાં સલામતીને લગતી સમસ્યા ઊભી થવાની ચેતવણી આપી હતી. ચીને પોતાના વિદ્યાર્થીઓને અમેરિકા ભણવા જવા સામે પણ ચેતવણી આપી હતી.

ચીનના સાંસ્કૃતિક અને પર્યટન મંત્રાલયે પોતાના પર્યટકોને અમેરિકાના પ્રવાસે નહિ જવાની સલાહ આપી હોવાથી તેની માઠી અસર અમેરિકાના પર્યટન ઉદ્યોગ પર થઇ શકે છે.

અમેરિકાની મુલાકાત લેનારા ચીની પર્યટકોની સંખ્યા ગયા વર્ષે ઘટીને છેલ્લાં 15 વર્ષમાંની સૌથી ઓછી થઇ હતી. ચીનના અંદાજે 45.8 લાખ વિદ્યાર્થી 1998 પછી વિદેશમાં ભણવા ગયા હતા અને તેમાંના 32.2 લાખ વિદ્યાર્થી સ્વદેશ પાછા ફર્યા હતા. ચીન અને અમેરિકા વચ્ચે હાલમાં મોટા પાયે વ્યાપારયુદ્ધ ચાલી રહ્યું છે અને એકબીજાના માલસામાનની આયાત પરની જકાતમાં વધારો કરી રહ્યા છે.

અમેરિકા ચીનને દ્વિપક્ષી વ્યાપારમાંની મોટી ખાધ ઘટાડવા કહી રહ્યું છે અને જો તેમ નહિ થાય તો ચીનથી આયાત કરાતા માલસામાન પરની જકાત વધારવા ચીમકી આપે છે. ચીનના વિદેશ મંત્રાલયના પ્રવક્તાએ જણાવ્યું હતું કે અમેરિકા સાથેના હાલના સંબંધ અને સંજોગને ધ્યાનમાં રાખીને આ પગલું ભરાયું છે.