ઓસ્ટ્રેલિયાના વર્તમાન PM ટર્નબુલને અણચિતવ્યી વિદાય, નાણામંત્રી સ્કોટ મોરિસન નવા PM

ઓસ્ટ્રેલિયાના નાણામંત્રી સ્કોટ મોરિસન નવા વડાપ્રધાન તરીકે ચૂંટાયા છે. આ સાથે જ તેઓ માલ્કમ ટર્નબુલનું સ્થાન લેશે. પદ પરથી હટાવવામાં આવેલા માલ્કમ ટર્નબુલનના નજીકના સહયોગી મોરિસન પક્ષની અંદર બંધ બારણ થયેલા મતદાનમાં 45 મતોથી જીત્યા હતા જ્યારે આ રેસમાં રહેલા પ્રતિસ્પર્ધી એવા પૂર્વ ગૃહ મંત્રી પીટર ડુટ્ટોનને 40 મત મળ્યા હતા. મોરિસન સાથે તેમના જ સહયોગી વિદેશી મંત્રી જુલી બિશપ પણ આ રેસમાં હતા પરંતુ તેઓ પ્રથમ ચરણ બાદ બહાર થઈ ગયા હતા.

50 વર્ષીય સ્કોટ મોરિસન લિબરલ પાર્ટી જેને કન્ઝર્વેટિવ પાર્ટી તરીકે ઓળખાય છે તેનું આગામી સામાન્ય ચૂંટણીમાં નેતૃત્વ કરશે. આ સાથે જ ઓસ્ટ્રેલિયાના રાજકારણમાં ચાલી રહેલી અફરાતફરી શાંત પડે તેવી સંભાવના છે.