જોખમનો સામનો કરવા માટે સહકારી બૅંકોને IFR ઉભું કરવા RBI નો આદેશ

રીઝર્વ બૅંકે સહકારી બૅંકોને બજારના જોખમનો સામનો કરવા માટે ઇનવેસ્ટમેન્ટ ફ્લક્ચ્યુએશન રીઝર્વ (આઇએફઆર) ઊભું કરવાનો આદેશ આપ્યો છે.

આ સાથે હવેથી બધી જ શહેરી સહકારી બૅંકોએ એમની લાયાબિલિટી ગમે એ હોય, પણ આઇએફઆર ઊભું કરવું પડશે. રીઝર્વ બૅંકને બધી જ સ્ટેટ કોઓપરેટિવ બૅંકો અને ડિસ્ટ્રિક્ટ સેન્ટ્રલ કોઓપરેટિવ બૅંકોએ પણ આઇએફઆર તૈયાર કરવું પડશે. રીઝર્વ બૅંક સહકારી બૅંકોની કામગીરી પર નજર રાખી રહી છે.

આ મહિનાની શરૂઆતમાં રીઝર્વ બૅંકે અપર્યાપ્ત મૂડી અને આવકને આધારે અલવર અર્બન કોઓપરેટીવ બૅંક, અલવર, રાજસ્થાનનું લાઇસન્સ રદ કર્યું હતું. આ બૅંકે બૅંકિંગ રેગ્યુલેશન એક્ટ, ૧૯૪૯નું પાલન પણ નહોતું કર્યું.