નોબેલ શાંતિ પુરસ્કાર માટે ડોનાલ્ડ ટ્રમ્પનું નામાંકન

અમેરિકી રાષ્ટ્રપતિ ડોનાલ્ડ ટ્રમ્પને 2021ના નોબલ શાંતિ પુરસ્કાર માટે નોમિનેટ કરવામાં આવ્યા છે. ઈઝરાયલ અને યુએઈ વચ્ચે ઐતિહાસિક શાંતિ વાર્તા કરાવવા માટે ડોનાલ્ડ ટ્રમ્પનું નામાંકન કરવામાં આવ્યું છે. અમેરિકી મીડિયા અનુસાર નોર્વે સંસદના ક્રિશ્ચિયન તાઇબ્રિંગ તરફથી ટ્રમ્પનું એવોર્ડ માટે નામાંકન કરવામાં આવ્યું છે.

તાઇબ્રિંગ તરફથી ટ્રમ્પની પ્રશંસા પણ કરવામાં આવી હતી અને દાવો કરવામાં આવ્યો હતો કે, ડોનાલ્ડ ટ્રમ્પે દુનિયામાં શાંતિ સ્થાપિત કરવાના ઘણા પ્રયાસો કર્યા છે.

ટાઇબ્રિંગે કહ્યું હતું કે, ડોનાલ્ડ ટ્રમ્પે બે દેશ વચ્ચે ચાલી આવતી લાંબી દુશ્મનીને ખતમ કરાવી છે. જે કોઈપણ પ્રકારના નોબલ પુરસ્કાર માટે પૂરતી છે. ક્રિશ્ચિયન તાઇબ્રિંગ નોર્વેની સંસદમાં ચાર વખતની સભ્ય છે અને નાટોની સંસદીય એસેમ્બલીનો પણ હિસ્સો છે.’