બજેટથી ટેક્સટાઇલ ઉદ્યોગને સીધો ફાયદો નથી : ગીરધરગોપાલ મુંદડા

બજેટ બ્રિફિંગ બાદ તેની સમીકા કરતા સુરત ટેક્સટાઇલ ઉદ્યોગના અગ્રણી ગિરધર ગોપાલ મુંદડાએ બજેટની જણાવ્યું હતું કે ઇન્ટ્રીમ બજેટમાં ટેક્સટાઇલ ઉદ્યોગને સ્પેશિફિક કોઇ સીધો લાભ મળી રહેલો જણાતો નથી. ચીન, વિયેતનામથી વાયા બાંગ્લાદેશ થઇને સુરતમાં જે કાપડ ડમ્પ થાય છે, તથા અન્ય જે સસ્તા ઇલેક્ટ્રોનિક ગેડજેટ્સ ભારતમાં ખડકાય રહ્યા છે, માલ પ્રેક્ટિકસીસ થઇ રહી છે, તેને અટકાવવા માટે પોઇન્ટ ઓફ ઓરિજિનનો મુદ્દો બજેટમાં સાંકળવાની જરૂરીયાત હતી. આ સાથે ડબલ્યુ.ટી.ઓ.ની ગાઇડલાઇનના કારણે ફાર ઇસ્ટ અને યુરોપિયન કન્ટ્રીઝમાં જે કાપડ આપણે એક્સપોર્ટ કરીએ છીએ તેને ડ્યુટી ડ્રો બેકનો લાભ મળી શકતો નથી. જેમાં પણ સુધારાની આશા હતી. અંદાજે 6 બિલિયન અમેરિકન ડોલરનું એમએમએફ કાપડ વૈશ્વિક બજારમાં વેચાય છે જેમાંથી 40 ટકા હિસ્સો સુરત એકલાનો છે. ત્યારે સ્પેશિયલ રેટ ઓફ ડ્યૂટી મળવી જોઇતી હતી.