ઇન્ટ્રીમ બજેટ લોકાભિમુખ : કેતન દેસાઇ SGCCI Vice President

શુક્રવાર, તા.1લી ફેબ્રુઆરીએ જાહેર થયેલા વચગાળાના બજેટમાં સૌથી મોટી રાહત સમાન રૂ.5 લાખ સુધીની આવકને ટેક્સ ફ્રી કરવાના સરકારના આ પગલાંને કારણે ઉદ્યોગ જગતમાં નવા વેપારની આશાનું કિરણ જોવા મળશે એવું માનવામાં આવે છે. સ્થાનિક ઉદ્યોગકારોને મત મુજબ ટેક્સની જવાબદારી દૂર થતાં લોકોની ખરીદ શક્તિ વધે અને ડાયમંડ ટેક્સટાઇલ ઉદ્યોગમાં ગતિની આશા જોવા મળી રહી છે.

(SGCCI Vice President Ketan Desai)

બજેટ બ્રિફિંગ બાદ સધર્ન ગુજરાત ચેમ્બર ઓફ કોમર્સ ખાતે ઉપપ્રમુખ શ્રી કેતન દેસાઇએ સ્થાનિક પત્રકારો તેમજ સ્થાનિક નિષ્ણાંતો વચ્ચે વિચાર સેતુ રચ્યો હતો. બજેટ અંગે પોતાનું મંતવ્ય આપતા ચેમ્બરના વાઇસ પ્રેસિડેન્ટ શ્રી કેતન દેસાઇએ જણાવ્યું હતું કે નાના અને મધ્યમ કક્ષાના ઉદ્યોગોને કમ્પોઝિશન સ્કીમનો લાભ આપવામાં આવ્યો છે તેમજ 36 કોમોડિટીઝને ઇમ્પોર્ટ એક્ષપોર્ટ ડ્યૂટીમાંથી મુક્ત કરવામાં આવતા આશા છે કે ટેક્સટાઇલ અને ડાયમંડ ઉદ્યોગને આ જોગવાઇનો લાભ મળશે. તેમણે ઉમેર્યું કે પ્રાથમિક રીતે ઉપરછલ્લી માહિતી ઉપલબ્ધ છે, જેમ જેમ ડિટેઇલ્ડ નોટિફિકેશન આવતા જશે તેમ તેમ ક્લેરિટી આવતી જશે. શ્રી કેતન દેસાઇએ આ સમગ્ર બજેટને વિકાસ લક્ષી તેમજ ઇન્ડિયા અને ભારત એટલે કે અર્બન અને રૂરલ બન્ને માટે ઉપયોગી ગણાવ્યું હતું.

આજે સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીઝના પ્રમુખ શ્રી હેતલ મહેતા બહારગામ ગયા હોવાથી બજેટ વિચાર વિમર્શમાં ઉપસ્થિત રહી શક્યા ન હતા, તેમની અનઉપસ્થિતિમાં વાઇસ પ્રેસિડેન્ટ શ્રી કેતનભાઇ દેસાઇએ બેઠકનું પ્રતિનિધિત્વ કર્યું હતું. શ્રી કેતન દેસાઇ ઉપરાંત શ્રી રૂપિભાઇ પચ્ચીગર, શ્રી શાહ, શ્રી ગીરધરગોપાલ મુંડદા વગેરેએ બજેટ અંગે પોતાના મંતવ્યો રજૂ કર્યા હતા.