શહેરમાં તપાગચ્છાધિપતિની નિશ્રામાં બેંગ્લુરુનો 14 વર્ષના મુમુક્ષુ દીક્ષા લેશે

વિક્રમ સંવત-૨૦૭૪માં દેશભરમાં ૧૫૦થી વધુ દીક્ષા સંપન્ન થઈ ચૂકી છે ત્યારે અમદાવાદમાં બેંગ્લૂરુનો ૧૪ વર્ષીય કિશોર મુમુક્ષુ કૌશિક રાઠૌડ તપાગચ્છાધિપતિ આચાર્ય મનોહરકીર્તિસાગરસૂરીશ્વરજી મ.સા.ની નિશ્રામાં તા.૧૨મી મેના રોજ દીક્ષિત થઈ આચાર્ય અરવિંદસાગરસૂરીશ્વરજીના ચરણે જીવન સમર્પણ કરશે. અમદાવાદમાં ગચ્છાધિપતિ આચાર્ય કૈલાસસાગરસૂરિજી સમાધિભૂમિ, કૈલાસ તીર્થ, અંકુર જૈન સંઘ, અંકુર રોડ, નારણપુરા ખાતે ત્રિદિવસીય ‘રજોહરણ દાનોત્સવ’નો પ્રારંભ તા.૧૦મી મેથી થશે. જેમાં વિવિધ ક્ષેત્રના અગ્રણીઓ ઉપસ્થિત રહેશે અને દેશ-વિદેશથી પણ ગુરુભક્તો આવી રહ્યા છે.