ગુજરાત Archives

February 23, 2026

ગુજરાત હાઈકોર્ટે એક પિતાની હિબસ-કૉર્પ્સ પિટિશન ડિસમિસ કરી હતી અને કહ્યું હતું કે તેમની 18 વર્ષીય દીકરીએ પોતાની મરજીથી લગ્ન કર્યા છે અને કાયદાકીય દૃષ્ટિએ તેને પોતાનો જીવનસાથી પસંદ કરવાની છૂટ છે.

પિતાએ અરજીમાં જણાવ્યું હતું કે તેમની દીકરીને એક પુરુષે ગેરકાયદે પોતાની સાથે રાખી છે. જોકે દીકરીએ પરિવારની સંમતિ વિના પોતાની મરજીના પુરુષ સાથે લગ્ન કર્યા હતા. કોર્ટે આ મામલે નોંધ્યું હતું કે અરજદારની દીકરીને પૂરતી સુરક્ષા સાથે કોર્ટમાં બોલાવવામા આવી હતી અને તેણે જણાવ્યું હતું કે તેણે પોતાની ઈચ્છાથી આ પુરુષ સાથે લગ્ન કર્યા છે. યુવતીએ કોઈપણ પ્રકારના દબાણનો ઈનકાર કર્યો હતો. આ સમયે તેનાં માતા-પિતા પણ હાજર હતા.

પિતાએ પણ લગ્નનો ઈનકાર કર્યો ન હતો અને તેણે પોતાની અરજી સાથે મેરેજ રજિસ્ટ્રેશન સર્ટિફિકેટ પણ જોડ્યું હતું.
કોર્ટે એમ પણ નોંધ્યું કે અરજદાર પિતા તેમનાં પત્ની અને તેમની દીકરી સાથે વાતચીત કરી હતી, પરંતુ તેમની વચ્ચેનો મતભેદ ઉકેલી શકાયો ન હતો અને પિતા દીકરીને માફ કરવા તૈયાર ન હતા. દીકરીએ પણ સાફ કહ્યું હતું કે તે તેનાં પતિ સાથે જ રહેવા માગે છે. કોર્ટે પિતાની અરજીને ડિસમિસ કરી હતી અને 18 વર્ષની દીકરી 18 વર્ષની થઈ છે અને પોતાની મરજીથી પોતાનું લગ્નજીવન શરૂ કરી રહી છે.

February 23, 2026

રાજકોટ મહાનગરપાલિકા (RMC) સોમવારે (23મી ફેબ્રુઆરી) શહેરના ઈતિહાસનું સૌથી મોટું ડિમોલિશન ઓપરેશન હાથ ધરવા જઈ રહી છે. જંગલેશ્વર અને આજી નદીના પટમાં દાયકાઓથી સરકારી અને મનપાની જમીન પર ખડકાયેલા 1489 મકાનો તોડી પાડવા માટે તંત્રએ આખરી તૈયારીઓ પૂર્ણ કરી લીધી છે. સુરક્ષાના ભાગરૂપે સમગ્ર રાજકોટમાં કડક પોલીસ બંદોબસ્ત અને કલમ-163 લાગુ કરી દેવામાં આવી છે.

મહાપાલિકા દ્વારા આ ઓપરેશન માટે વિશાળ કાફલો તહેનાત કરવામાં આવ્યો છે. 1130થી વધુ મનપા કર્મચારીઓ (ખાસ એપ્રન અને હેલમેટ સાથે). 260થી વધુ વાહનો જેમાં જેસીબી, હિટાચી, બ્રેકર અને ડમ્પરનો સમાવેશ થાય છે. આજી નદી પટની 55,000 ચો.મી. અને ટી.પી. રોડની 32,000 ચો.મી. મળી કુલ 87,000 ચોરસ મીટર જમીન ખુલ્લી કરાશે.

વિસ્તારની સંવેદનશીલતાને જોતા પોલીસ કમિશનરે જાહેરનામું બહાર પાડી કડક નિયમો લાગુ કર્યા છે. 23મીથી 25મી ફેબ્રુઆરી સુધી સમગ્ર રાજકોટમાં ડ્રોન ઉડાડવા પર પ્રતિબંધ છે. આ ઉપરાંત 26મી ફેબ્રુઆરી સુધી શહેરમાં 4 થી વધુ વ્યક્તિઓના ભેગા થવા પર મનાઈ છે. 2500થી વધુ પોલીસ જવાનોનો ચુસ્ત પહેરો ગોઠવી દેવાયો છે. કોઈપણ પ્રકારના કાંકરીચાળા કે વિરોધના કિસ્સામાં તુરંત ધરપકડના આદેશો અપાયા છે.

તંત્રએ સ્પષ્ટ કર્યું છે કે અગાઉ આ વિસ્તારના અસરગ્રસ્તોને વૈકલ્પિક આવાસ આપવામાં આવ્યા હતા, જેનો પુરાવો વીડિયો દ્વારા જારી કરાયો છે. આથી, આ વખતે કોઈ પણ નવું આવાસ કે વૈકલ્પિક જગ્યા આપવામાં આવશે નહીં. રવિવાર સાંજ સુધીમાં અંદાજે 225 પરિવારોએ સ્વૈચ્છિક રીતે પોતાના મકાનો ખાલી કરી દીધા હતા.

February 19, 2026

ગુજરાતના દેવામાં ઉત્તરોતર વધારો થઈ રહ્યો છે. ગૃહમાં સરકારે માહિતી આપી હતી કે, છેલ્લા બે વર્ષમાં રાજ્યના દેવામાં નોંધપાત્ર વધારો થયો છે. વર્ષ 2023-24થી વર્ષ 2028-29 સુધીના અંદાજો સરકારના બજેટના દસ્તાવેજોમાં દર્શાવાયા છે. તે જોતા કહી શકાય કે, રાજ્યના જાહેર દેવામાં સતત અને મજબૂત વધારો થઈ રહ્યો છે. વર્ષ 2023-24માં ગુજરાત રાજ્યનું કુલ જાહેર દેવું રૂ. 3,52,717 કરોડ હતું. જે વર્ષ 2024-25ના સુધારેલા અંદાજ મુજબ વધીને રૂ. 4,30,320 કરોડ પર પહોંચ્યું હતું. આ માત્ર એક વર્ષના ગાળામાં આશરે ₹રૂ. 77,000 કરોડથી વધુનો ઉછાળો દર્શાવે છે.

નાણાં પ્રધાને ગુજરાત સરકારનું વર્ષ 2026-27 માટે જે બજેટ રજૂ કર્યું છે તેના દસ્તાવેજો મુજબ વર્ષ 2025-26માં 4,45,537 કરોડ અને વર્ષ 2026-27માં ગુજરાત સરકારનું કુલ દેવું વધીને 4,87,069 કરોડ થવાનો અંદાજ છે. જ્યારે, સરકારના દેવાનો આ આંકડો 2028-29 સુધીમાં વધીને રૂ. 5,66,845 કરોડ સુધી પહોંચે એવો અંદાજ મૂકાયો છે.

આગામી 5 વર્ષમાં રાજ્યનું જાહેર દેવું આશરે ₹2.24 લાખ કરોડ જેટલું વધી જશે એટલે કે 2023ની સરખામણીએ 2029માં સરકારનું જાહેર દેવું 65 ટકા જેટલું વધારે હશે. દર વર્ષે સરેરાશ ₹45,000 કરોડનું નવું દેવું ઉમેરાય તેવો અંદાજ છે. જોકે, સારી બાબત એ છે કે રાજ્યનું કુલ ઉત્પાદન પણ 68 ટકાના દરે વધવાની ધારણા છે. દેવું વધવા છતાં, GSDPના પ્રમાણમાં દેવાની ટકાવારી 14.38 ટકાથી ઘટીને 13.74 થશે. આનો અર્થ એ છે કે રાજ્યની આવક વધવાની ક્ષમતા દેવા કરતા સહેજ વધુ ઝડપી છે.

સૌથી વધુ ચોંકાવનારો આંકડો રાજકોષીય ખાધનો છે, જે 251 ટકાનો વધવાનો અંદાજ છે. વર્ષ 2023-24માં આ ખાધ માત્ર 23,463 કરોડ હતી. જે 2028-29માં વધીને 82,518 કરોડ થઈ શકે છે. આ ખાધ સૂચવે છે કે સરકાર ખર્ચને પહોંચી વળવા માટે ઉધાર લેવા પર વધુ નિર્ભર રહેશે. વર્ષ 2023-24માં સરકાર પાસે રૂ. 33,477 કરોડની મહેસૂલી પુરાંત હતી. જે 2028-29 સુધીમાં ઘટીને રૂ. 22,000 કરોડ થવાની શક્યતા છે. આ ઘટાડો સૂચવે છે કે વહીવટી ખર્ચ અથવા વ્યાજની ચુકવણીમાં મોટો હિસ્સો વપરાઈ જશે.

February 15, 2026

: ગુજરાત વિધાનસભાના બજેટ સત્રનો આવતીકાલ 16 ફેબ્રુઆરીથી પ્રારંભ થશે. સત્રની શરૂઆત બપોરે 12:00 વાગ્યે રાજ્યપાલ આચાર્ય દેવવ્રતના સંબોધનથી થશે. જે બાદ ગૃહમાં ટૂંકો વિરામ રહેશે. સત્રના પ્રથમ દિવસે શોક દર્શક ઉલ્લેખ થશે, જે બાદ મોટું આકર્ષણ વિધાનસભાના ઉપાધ્યક્ષ પદની ચૂંટણી રહેશે.

વિધાનસભાના ઉપાધ્યક્ષ પદ માટે ભાજપ અને વિપક્ષ કોંગ્રેસ સામ સામે છે. કોંગ્રેસ તરફથી શૈલેષ પરમારે ઉમેદવારી નોંધાવી છે જેનો પ્રસ્તાવ ધારાસભ્ય દિનેશ ઠાકોર રજૂ કરશે. બીજી તરફ ભાજપ તરફથી મંત્રી જીતુ વાઘાણી પૂર્ણેશ મોદીને ઉપાધ્યક્ષ તરીકે ચૂંટવા માટેનો પ્રસ્તાવ રજૂ કરશે. આ ચૂંટણી ‘ધ્વનિ મત’ દ્વારા કરવામાં આવશે.

બજેટ સત્રનું શિડ્યુલ અને મહત્ત્વની વિગતો

કુલ સમયગાળો: 16 ફેબ્રુઆરીથી 25 માર્ચ
કામકાજના દિવસો: 23 દિવસ
સામાન્ય બજેટ: 17 ફેબ્રુઆરીએ સામાન્ય બજેટ રજૂ થશે
કુલ બેઠકો: 26 બેઠકોનું આયોજન

આ સત્રમાં શું ખાસ હશે?

નવા વિધેયકો: સરકાર આ સત્રમાં સાત જેટલા નવા બિલ (વિધેયકો) રજૂ કરવાની તૈયારીમાં છે.
સમાન નાગરિક સંહિતા (UCC): આ સત્ર દરમિયાન ‘યુનિફોર્મ સિવિલ કોડ’ સંબંધિત મહત્ત્વના વિધેયકો રજૂ થાય તેવી પ્રબળ શક્યતા છે.
કેન્દ્ર-રાજ્ય પ્રોજેક્ટ્સ: કેન્દ્ર સરકાર સાથે જોડાયેલા રાજ્યના પડતર અને ચાલુ પ્રોજેક્ટ્સની સમીક્ષા કરવામાં આવશે.

સૂત્રો પાસેથી મળતી માહિતી મુજબ, નાણામંત્રી કનુભાઈ દેસાઈ આ વર્ષે ગુજરાતનું અત્યાર સુધીનું સૌથી મોટું બજેટ રજૂ કરી શકે છે. ગત વર્ષના બજેટની સરખામણીએ આ વર્ષે 15 ટકાનો વધારો જોવા મળી શકે છે. અંદાજવામાં આવી રહ્યું છે કે રાજ્ય સરકાર 3.90 લાખ કરોડ રૂપિયાનું બજેટ રજૂ કરશે. નાણાં વિભાગે આ અંગેની તમામ તૈયારીઓ તેજ કરી દીધી છે.

February 14, 2026

રાજ્ય સરકારના મહેસૂલ વિભાગે વહીવટી માળખામાં મોટો ફેરફાર કર્યો છે. સમગ્ર રાજ્યમાં 37 મામલતદારોની બદલીનો આદેશ આપ્યો છે. આ ઉપરાંત નાયબ મામલતદાર તરીકે ફરજ બજાવતા 165 લોકોને મામલતદાર તરીકે બઢતી સાથે બદલી પણ આપી છે. આ અંગે ગાંધીનગરથી અધિકારીક આદેશ આપવામાં આવ્યો છે. બઢતી તથા બદલીના આદેશ કરવામાં આવ્યા છે.

નાયબ મામલતદારમાંથી મામલતદારમાં બઢતી

ક્રમ	અધિકારીનું નામ	હાલનો જિલ્લો	નિમણૂંકની જગ્યા (મામલતદાર તરીકે)
1	ડિમ્પલબેન પી. સાંગાણીયા	વલસાડ	ડિઝાસ્ટર મેનેજમેન્ટ સેલ, પાટણ
2	વિશાલ એચ. જેપીવાલા	નવસારી	ચૂંટણી મામલતદાર, મોરબી
3	પુલિન ટી. ઠાકર	મહેસાણા	કચ્છ
4	વિશાલ ડી. ત્રિવેદી	ભાવનગર	ચૂંટણી મામલતદાર, અમરેલી
5	જયેશકુમાર વી. ધોકિયા	જૂનાગઢ	ચૂંટણી મામલતદાર, ગીર સોમનાથ
6	એચ. એમ. સોમાણી	ભાવનગર	ડેપ્યુટી રજીસ્ટ્રાર-GRT, અમદાવાદ
7	કેતનભાઈ પી. ત્રિવેદી	ભાવનગર	કલેક્ટર કચેરી, બોટાદ
8	મહેન્દ્રસિંહ પી. ઝાલા	ભાવનગર	ચૂંટણી મામલતદાર, જૂનાગઢ
9	મેહુલકુમાર એચ. રાવલ	સુરેન્દ્રનગર	કોટડા-સાંગાણી, રાજકોટ
10	હિતેન્દ્રસિંહ એન. ગોહિલ	સુરેન્દ્રનગર	ચીફ ઓફિસર, થાનગઢ (ડેપ્યુટેશન)
11	ભગીરથસિંહ ડી. ચુડાસમા	અમદાવાદ	AUDA, આણંદ
12	નિશા કે. લાખાણી	રાજકોટ	મૂળી, સુરેન્દ્રનગર
13	યતિનકુમાર પી. ભાડજા	આણંદ	જનસંપર્ક અધિકારી (PRO), ડાંગ
14	જયદીપ એસ. પટેલ	અમદાવાદ	અધિક ચિટનીસ, ખેડા
15	દીપમાલા જી. બચાણી	અમદાવાદ	ડિઝાસ્ટર મેનેજમેન્ટ સેલ, ગાંધીનગર
16	પુષ્પરાજ જી. ઓલીક્ષ્ત્રિયા	ગાંધીનગર	AUDA, અમદાવાદ
17	પરેશ એ. દેસાઈ	અમદાવાદ	જનસંપર્ક અધિકારી (PRO), ગાંધીનગર
18	ચિરાગ એચ. પ્રજાપતિ	અમદાવાદ	શામળાજી, અરવલ્લી
19	હિતેશકુમાર જે. ચૌહાણ	ગાંધીનગર	SSRD-1, અમદાવાદ
20	રણજિતસિંહ આઈ. રાઠોડ	અમદાવાદ	ફાગવેલ, ખેડા
21	વનરાજસિંહ એચ. બારડ	અરવલ્લી	જનસંપર્ક અધિકારી (PRO), પંચમહાલ
22	હરેશકુમાર બી. પટેલ	સાબરકાંઠા	હડાદ, બનાસકાંઠા
23	નિલેશ એ. રાઠોડ	અમદાવાદ	ડિઝાસ્ટર મેનેજમેન્ટ સેલ, ગાંધીનગર
24	વિશાલભાઈ એ. મકવાણા	અમદાવાદ	મહેસૂલ નિરીક્ષણ કમિશનર કચેરી, ગાંધીનગર
25	નરેન્દ્રસિંહ ડી. ચાવડા	અમદાવાદ	માતર, ખેડા
26	અલ્પેશ એન. રાવલ	બનાસકાંઠા	એક્સ્ટ્રા ચિટનીસ, વડોદરા
27	ચૈતન્ય બી. સંઘાણી	આણંદ	NRG ફાઉન્ડેશન, ગાંધીનગર
28	કિરણસિંહ એ. વિહોલ	મહેસાણા	પોશિના, સાબરકાંઠા
29	ઉપેન્દ્રસિંહ કે. વાઘેલા	અમદાવાદ	ચોટીલા, સુરેન્દ્રનગર
30	મીનલબેન વી. પટેલ	સાબરકાંઠા	કલેક્ટર કચેરી, અરવલ્લી
31	રામદેવસિંહ જે. ઉમટ	અમદાવાદ	ચૂંટણી મામલતદાર, બોટાદ
32	ચંદ્રેશ એન. પોરાધિયા	પાટણ	સ્પીપા (SPIPA), અમદાવાદ
33	ગૌતમકુમાર એસ. દરજી	મહેસાણા	કાંકરેજ, બનાસકાંઠા
34	રામાજી વી. બારી (રાજપૂત)	કચ્છ	ધરણિધર, વાવ-થરાદ
35	હરદેવસિંહ આર. પઢિયાર	સુરેન્દ્રનગર	જનસંપર્ક અધિકારી (PRO), કચ્છ
36	ભાવના એલ. રબારી	અમદાવાદ	નડિયાદ અર્બન ડેવલપમેન્ટ ઓથોરિટી
37	મુકેશભાઈ એમ. દેસાઈ	ખેડા	ચિટનીસ, આણંદ
38	કુલદીપસિંહ એ. મોડ	અમદાવાદ	ધોલેરા SIR ઓથોરિટી
39	હરદીપસિંહ બી. સોલંકી	સુરત	ચિટનીસ-TASP-રાજપીપળા, નર્મદા
40	માનસી એન. પારેખ	સુરેન્દ્રનગર	જનસંપર્ક અધિકારી (PRO), જૂનાગઢ
41	યોગેશકુમાર એમ. પટેલ	સાબરકાંઠા	રાહ, વાવ-થરાદ
42	કિરણકુમાર કે. ગોસ્વામી	પાટણ	ઓગડ, બનાસકાંઠા
43	રાજેશકુમાર આર. દેસાઈ	અમદાવાદ	સેટલમેન્ટ કમિશનર કચેરી, ગાંધીનગર
44	સમ્રાટ કે. બ્રહ્મભટ્ટ	અમદાવાદ	આણંદ શહેર
45	કિરીટસિંહ આર. વાઘેલા	ગાંધીનગર	સેટલમેન્ટ કમિશનર કચેરી, ગાંધીનગર
46	તકદીરકુમાર યુ. સોલંકી	સાબરકાંઠા	કલેક્ટર કચેરી, અરવલ્લી
47	શૈલેષકુમાર બી. પ્રજાપતિ	ખેડા	ગોવિંદ ગુરુ લીમડી, દાહોદ
48	ભાવેશ એસ. ધાનાણી	કચ્છ	મજુરા, સુરત શહેર
49	આકાશકુમાર એમ. શ્રીમાળી	મહેસાણા	ચૂંટણી મામલતદાર, બનાસકાંઠા
50	નિલયકુમાર એચ. પટેલ	ખેડા	ઘાટલોડિયા, અમદાવાદ
51	સંકેતકુમાર એ. શાહ	સાબરકાંઠા	વડગામ, બનાસકાંઠા
52	પ્રિયંકકુમાર બી. પટેલ	સાબરકાંઠા	મહેસૂલ નિરીક્ષણ કમિશનર કચેરી
53	શાહીના એમ. દિવાન	અમદાવાદ	વિજિલન્સ સેલ, આદિજાતિ વિકાસ
54	નિકુંજ વી. સાવલા	વડોદરા	ભરૂચ (શહેર)
55	મોહમદજાબીર એસ. ઘોરી	બનાસકાંઠા	મહેસૂલ નિરીક્ષણ કમિશનર કચેરી
56	હિરેન બી. મકવાણા	રાજકોટ	ડિઝાસ્ટર મેનેજમેન્ટ સેલ, ગાંધીનગર
57	અરવિંદ એ. રાઠોડ	જામનગર	PSO-IORA કલેક્ટર કચેરી, રાજકોટ
58	કલ્પેશકુમાર કે. દવે	ભાવનગર	અમરેલી (શહેર)
59	સુનીલકુમાર જી. મહેતા	અમદાવાદ	સ્પીપા (SPIPA), અમદાવાદ
60	નિકુલકુમાર એ. પટેલ	મહેસાણા	PSO-IORA કલેક્ટર કચેરી, અમદાવાદ
61	વૈભવ કે. વ્યાસ	કચ્છ	ચીફ ઓફિસર, મુન્દ્રા (ડેપ્યુટેશન)
62	આશિયાનાબાનુ એસ. શેખ	અમદાવાદ	ડેપ્યુટી મેનેજર (લેન્ડ), TCGL
63	વનરાજસિંહ કે. રાજપૂત	અમદાવાદ	સાયલા, સુરેન્દ્રનગર
64	રંજન વી. સોલંકી	આણંદ	ચૂંટણી મામલતદાર, ખેડા
65	પ્રકાશચંદ્ર એન. પટેલ	મહેસાણા	હક્કપત્રક મામલતદાર, બનાસકાંઠા
66	સંદીપ જી. રૈયાણી	વડોદરા	હાલોલ, પંચમહાલ
67	અમિતા એન. ભાવસાર	વડોદરા	ડિઝાસ્ટર મેનેજમેન્ટ સેલ, પંચમહાલ
68	પ્રણવકુમાર એચ. આચાર્ય	રાજકોટ	જમીન સંપાદન અધિકારી કચેરી, રાજકોટ
69	શ્વેતા ટી. પટેલ	સુરત	ભરૂચ-અંકલેશ્વર એરિયા ડેવલપમેન્ટ ઓથોરિટી
70	નિકી એચ. પ્રજાપતિ	ખેડા	ચિટનીસ ટુ એડિશનલ કલેક્ટર, વડોદરા
71	સવસીભાઈ આર. પટેલ	ગાંધીનગર	ઇરીગેશન સેસ રિકવરી, ખેડા
72	શૈલેષભાઈ ડી. બારૈયા	ભાવનગર	બોટાદ (શહેર)
73	સુવિધાબા જે. રાઠોડ	રાજકોટ	A.T.V.T. મહેસૂલ વિભાગ, ગાંધીનગર
74	કિરણકુમાર આર. દેસાઈ	મહેસાણા	લોથલ એરિયા ડેવલપમેન્ટ ઓથોરિટી
75	જૈમિનીબેન કે. ગોસ્વામી	સાબરકાંઠા	ચિટનીસ ટુ કમિશનર, મધ્યાહન ભોજન
76	કલ્પેશ એ. રાયકા	અમદાવાદ	જમીન સંપાદન અધિકારી કચેરી, સુરત
77	પ્રણવ કે. પારેખ	ભાવનગર	બાબરા, અમરેલી
78	રીતેષકુમાર ટી. શ્રોફ	અમદાવાદ	એક્સ્ટ્રા ચિટનીસ, પંચમહાલ
79	જલ્પા બી. બાલ્ધા	રાજકોટ	ડિઝાસ્ટર મેનેજમેન્ટ સેલ, જામનગર
80	સ્નેહલ એમ. જાડેજા	અમદાવાદ	PSO-IORA, મહેસૂલ નિરીક્ષણ કમિશનર કચેરી
81	અમરતભાઈ એમ. ચૌધરી	મહેસાણા	એસ્ટેટ ઓફિસર, અંબાજી મંદિર
82	નીરવ વી. દવે	ભાવનગર	વડિયા, અમરેલી
83	અભિષેક એ. ગોહિલ	બનાસકાંઠા	દિયોદર, વાવ-થરાદ
84	કિંજલ કે. ભટ્ટ	અમદાવાદ	PSO-IORA, મહેસૂલ નિરીક્ષણ કમિશનર કચેરી
85	ધવલ એમ. બેંકર	વડોદરા	અંબિકા, સુરત
86	ચારુલાતાબેન એમ. પાનારા	વડોદરા	મામલતદાર (પ્રોટોકોલ), નર્મદા
87	હીર એ. વંજની	રાજકોટ	અધિક ચિટનીસ, જૂનાગઢ
88	જીગ્નેશકુમાર એચ. પટેલ	વડોદરા	સંખેડા, છોટાઉદેપુર
89	બીજલભાઈ એમ. ત્રામટા	સુરેન્દ્રનગર	અમરેલી (ગ્રામ્ય)
90	તેજલ પી. જોશી	ગીર સોમનાથ	ચુડા, સુરેન્દ્રનગર
91	અંકિત એન. પરમાર	દાહોદ	ગોધર, મહીસાગર
92	અશ્વિનકુમાર કે. ચાવડા	અમદાવાદ	GUDA, ગાંધીનગર
93	નિધિ જી. જોશી	પાટણ	RERA-1, ગાંધીનગર
94	કવિતાબેન એન. પાટીલ	વલસાડ	આસિ. પ્રોજેક્ટ એડમિનિસ્ટ્રેટર, વાંસદા
95	ધવલકુમાર કે. પરમાર	સાબરકાંઠા	PSO-IORA, મહેસૂલ નિરીક્ષણ કમિશનર કચેરી
96	તૃષા જે. સોની	વડોદરા	ચિટનીસ, દાહોદ
97	જય એલ. રાજવઢા	રાજકોટ	ચૂંટણી મામલતદાર, સુરેન્દ્રનગર
98	વિશાલકુમાર એચ. શુક્લા	જૂનાગઢ	ચીફ ઓફિસર, સિહોર (ડેપ્યુટેશન)
99	હર્ષદકુમાર એલ. મકવાણા	પાટણ	PSO-IORA, મહેસૂલ નિરીક્ષણ કમિશનર કચેરી
100	હિતેશ વી. દુધાત	સુરત	ઉકાઈ, તાપી
101	નિખિલ આર. જોશી	મોરબી	ચિટનીસ, સુરેન્દ્રનગર
102	જીગ્નેશકુમાર વી. જાની	મહેસાણા	ભાભર, વાવ-થરાદ
103	હીના વી. શાહ	ગાંધીનગર	ચૂંટણી મામલતદાર, અમદાવાદ
104	રાજેન્દ્રસિંહ એ. રાવ	ગાંધીનગર	ચૂંટણી મામલતદાર, આણંદ
105	નિધિ પી. ચાવડા	સુરેન્દ્રનગર	હળવદ, મોરબી
106	વિજયકુમાર એમ. મકવાણા	મહેસાણા	જનસંપર્ક અધિકારી (PRO), અમદાવાદ
107	જયેશ ડી. જકાસણિયા	વડોદરા	અરેઠ, સુરત
108	મિતેશ એસ. કનેજિયા	ખેડા	કડવાલ, છોટાઉદેપુર
109	વિરંગકુમાર બી. વ્યાસ	પંચમહાલ	ડિઝાસ્ટર મેનેજમેન્ટ સેલ, દેવભૂમિ દ્વારકા
110	અજયસિંહ પી. રાણા	ભાવનગર	ડિઝાસ્ટર મેનેજમેન્ટ સેલ, ગીર સોમનાથ
111	મહેન્દ્ર ડી. ભાલોડી	રાજકોટ	ખાંભા, અમરેલી
112	ભાવિકા કે. મોદી	સાબરકાંઠા	આસિ. મેનેજર, હેન્ડલૂમ કોર્પોરેશન
113	દીપકકુમાર જી. ગઢવી	બનાસકાંઠા	ઊંઝા, મહેસાણા
114	અનિરુદ્ધસિંહ બી. ઝાલા	દેવભૂમિ દ્વારકા	ચીફ ઓફિસર, ભચાઉ (ડેપ્યુટેશન)
115	સુરેન્દ્રસિંહ એમ. રાજપૂત	બનાસકાંઠા	ધોલેરા SIR ઓથોરિટી
116	જનાર્દન પી. દવે	અરવલ્લી	PSO-IORA, મહેસૂલ નિરીક્ષણ કમિશનર કચેરી
117	હિતેન્દ્રકુમાર એમ. ચૌધરી	મહેસાણા	આસિ. પ્રોજેક્ટ એડમિનિસ્ટ્રેટર, ખેડબ્રહ્મા
118	શિલ્પાકુમારી એલ. રાઠોડ	સુરેન્દ્રનગર	ચિટનીસ ટુ એડિશનલ કલેક્ટર, અમદાવાદ
119	ધવલ એમ. પરમાર	પાટણ	સેટલમેન્ટ કમિશનર કચેરી, ગાંધીનગર
120	પ્રકાશકુમાર કે. ચૌધરી	બનાસકાંઠા	ડિઝાસ્ટર મેનેજમેન્ટ સેલ, કચ્છ
121	જ્યોતિકાબેન કે. પરમાર	પાટણ	સ્પીપા (SPIPA), અમદાવાદ
122	મમતા આર. ચૌહાણ	અમદાવાદ	સેટલમેન્ટ કમિશનર કચેરી, ગાંધીનગર
123	અખિલભાઈ એ. દેસાઈ	અમદાવાદ	કોઠંબા, મહીસાગર
124	જોગીદાન બી. ગઢવી	રાજકોટ	ડિઝાસ્ટર મેનેજમેન્ટ સેલ, ગાંધીનગર
125	સંદીપકુમાર એ. ઝવેરી	અમદાવાદ	ચીફ ઓફિસર, ચકલાસી (ડેપ્યુટેશન)
126	કિશોરકુમાર બી. બારિયા	સુરત	જનસંપર્ક અધિકારી (PRO), તાપી
127	સુહાગ કે. બારોટ	ખેડા	જમીન સંપાદન, ગાંધીનગર
128	મંજુ કુમારી આર. ચૌધરી	મહેસાણા	PSO-IORA, મહેસૂલ નિરીક્ષણ કમિશનર કચેરી
129	હર્ષદકુમાર વી. ચાવડા	સાબરકાંઠા	ચિટનીસ ટુ એડિશનલ કલેક્ટર, ગાંધીનગર
130	પ્રમિલા વી. ગજરે	ખેડા	VUDA, વડોદરા
131	કાર્તિકસિંહ એ. વિહોલ	મહેસાણા	ઇરીગેશન સેસ રિકવરી, આણંદ
132	ગીતાબેન એમ. માલવી	બનાસકાંઠા	કલેક્ટર કચેરી, વાવ-થરાદ
133	પ્રણવકુમાર બી. પુરોહિત	ગાંધીનગર	જમીન સંપાદન અધિકારી કચેરી, અમદાવાદ
134	મિહિર એ. શાહ	મહીસાગર	જનસંપર્ક અધિકારી (PRO), દાહોદ
135	જીજ્ઞા એચ. ત્રિવેદી	અમદાવાદ	આસિ. ઇલેક્શન કમિશનર, SEC
136	વિપુલકુમાર એન. સોલંકી	આણંદ	એક્ઝિક્યુટિવ મેજિસ્ટ્રેટ-કોર્ટ ૨, અમદાવાદ
137	મેહુલકુમાર આઈ. પરમાર	આણંદ	ચીફ ઓફિસર, કપડવંજ (ડેપ્યુટેશન)
138	તેજલ એન. માલવિયા	વડોદરા	સાપુતારા એરિયા ડેવલપમેન્ટ ઓથોરિટી
139	બિપિન એમ. શાહ	આણંદ	કલેક્ટર કચેરી, મહીસાગર
140	વીરેન્દ્રકુમાર એ. વામદેવ	મહેસાણા	સમી, પાટણ
141	પરિક્ષિત આર. પરમાર	જામનગર	ધારી, અમરેલી
142	કિરણકુમાર કે. કરોલિયા	વડોદરા	સુખસર, દાહોદ
143	ભાવેશકુમાર ડી. પટેલ	સાબરકાંઠા	સાઠંબા, અરવલ્લી
144	દિપેન કે. દેસાઈ	પાટણ	જનસંપર્ક અધિકારી (PRO), સુરેન્દ્રનગર
145	મહેશકુમાર ડી. માળી	બનાસકાંઠા	હક્કપત્રક મામલતદાર, કચ્છ
146	વિજયસિંહ પી. પરમાર	ભરૂચ	ચીકદા, નર્મદા
147	દેવાંગ આર. મેવાણી	અમદાવાદ	વિજિલન્સ સેલ, વડોદરા
148	જીજ્ઞાશાબેન કે. ભટ્ટ	પોરબંદર	ચીફ ઓફિસર, રાણાવાવ (ડેપ્યુટેશન)
149	સોનલ યુ. સાંગાણી	સુરત	ડેડિયાપાડા, નર્મદા
150	શૈલેષકુમાર એચ. દેસાઈ	ગાંધીનગર	સેટલમેન્ટ કમિશનર કચેરી, ગાંધીનગર
151	અશ્વિનકુમાર કે. બારૈયા	ભાવનગર	જૂનાગઢ (શહેર)
152	આદિત્ય એસ. ત્રિવેદી	અમદાવાદ	ખેડા
153	હેમા એન. દેસાઈ	ખેડા	કલેક્ટર કચેરી, છોટાઉદેપુર
154	અંકુર એમ. લાડાણી	જૂનાગઢ	ડિઝાસ્ટર મેનેજમેન્ટ સેલ, પોરબંદર
155	અર્જુનસિંહ જે. ચૌહાણ	વડોદરા	વઘઈ, ડાંગ
156	સંગીતાબેન એમ. દેસાઈ	અમરેલી	વિજયનગર, સાબરકાંઠા
157	કામિની જી. રાઠોડ	બનાસકાંઠા	ચૂંટણી મામલતદાર, પાટણ
158	પંકજકુમાર એસ. પરમાર	અરવલ્લી	ડિઝાસ્ટર મેનેજમેન્ટ સેલ, મહીસાગર
159	નરેન્દ્રસિંહ એ. રાવ	ગાંધીનગર	ભિલોડા, અરવલ્લી
160	પ્રવિણભાઈ જી. સોલંકી	કચ્છ	થાનગઢ, સુરેન્દ્રનગર
161	રજનીભાઈ એમ. વૈષ્ણવ	સુરત	આહવા, ડાંગ
162	મહેશ કે. બાલિયા	બોટાદ	જસદણ, રાજકોટ
163	વનરાજસિંહ ડી. બારિયા	અમદાવાદ	સેટલમેન્ટ કમિશનર કચેરી, ગાંધીનગર
164	હાર્દિકકુમાર એસ. જોશી	દાહોદ	મોરવા હડફ, પંચમહાલ
165	ભાવેશકુમાર પી. ઇટાલિયા	સુરત	વડોદરા શહેર-પૂર્વ

February 13, 2026

મહાશિવરાત્રિ દરમિયાન સોમનાથ મંદિર ટ્રષ્ટ દ્વારા મહત્વપૂર્ણ નિર્ણય લેવામાં આવ્યો છે. મહાશિવરાત્રિ હોવાથી આગમી 48 કલાક માટે સોમનાથ મંદિરના દ્વાર ભક્તો માટે ખુલ્લા રાખવામાં આવશે.

પ્રથમ જ્યોતિર્લિંગ સોમનાથ મહાદેવના મંદિરમાં મહાશિવરાત્રિનો પર્વ ધામધૂમ રીતે ઉજવવામાં આવે છે. સોમનાથ ટ્રસ્ટ અને ગીર સોમનાથ જિલ્લા વહીવટીતંત્રના અંદાજ મુજબ આ મહાશિવરાત્રિ દરમિયાન 5 લાખથી વધુ શ્રદ્ધાળુઓ સોમનાથ આવી શકે છે.

સોમનાથ મંદિર ટ્રષ્ટનો મહત્વપૂર્ણ નિર્ણય

સોમનાથ મંદિરના દ્વાર આગામી 15 ફેબ્રુઆરી, 2026ના રોજ સવારે 04:00 વાગ્યે ખુલશે જે સતત 42 કલાક સુધી એટલે કે 16 ફેબ્રુઆરીની રાત સુધી ખુલ્લા રહેશે. જેથી શિવ ભક્તો કોઇપણ સમયે દર્શનનો લ્હાવો લઈ શકશે.

સોમનાથમાં ભક્તોની ભારે ભીડ આવતી હોવાથી તેમની સુરક્ષા અને સુવિધાઓનું પણ ખાસ ધ્યાન રાખવામાં આવે છે, જેની પણ સંપૂર્ણ તૈયારી કરવામાં આવી છે. ભક્તોની સુરક્ષા માટે પોલીસ દ્વારા બંદોબસ્ત પણ ગોઠવી દેવામાં આવ્યો છે.

સુરક્ષાની વાત કરીએ તો, પ્રવેશદ્વાર પર સિક્યુરિટી ગેટની સંખ્યા 6 થી વધારીને 10 કરી દેવામાં આવી છે. અહીં 500થી પણ વધારે પોલીસ કર્મચારીઓ અને ઉચ્ચ અધિકારીઓ સતત તૈનાત રહેશે. આ સાથે ઇમરજન્સી માટે 24 કલાક મેડિકલ ટીમ અને એમ્બ્યુલન્સ તૈનાત રાખવામાં આવશે.

સૂત્રોના જણાવ્યાં પ્રમાણે ભક્તોની અવરજવર માટે વન-વે વ્યવસ્થા કરવામાં આવી છે, જેથી અહીં આવતા ભક્તોને કોઈ મુશ્કેલીનો સામનો ના કરવો પડે! અત્રે નોંધનીય છે કે, સોમનાથમાં મહાશિવરાત્રિ નિમિત્તે ત્રિ-દિવસીય સોમનાથ મહોત્સવનું આયોજન કરવામાં આવ્યું છે. જેમાં કૈલાશ ખેર પણ હાજર રહેશે. મહાશિવરાત્રિ દરમિયાન સોમનાથ આવતા શિવભક્તોને અદ્ભૂત અનુભવ થશે.

February 12, 2026

ત્રણ મિનિટ અને 10 સેકન્ડના છ છંદોવાળા વંદે માતરમનો દેશભરમાં અમલ
જ્યારે જન ગણ મન અને વંદે માતરમ સાથે ગાવાના થાય ત્યારે વંદે માતરમને પ્રાથમિકતા આપવાના આદેશથી વિવાદની શક્યતા
સ્કૂલ-કોલેજોમાં પણ સંપૂર્ણ વંદે માતરમ ફરજિયાત, થીયેટરોને છૂટછાટ : ગ્રહ મંત્રાલયે ગાઇડલાઇન જાહેર કરી

હવેથી દેશભરમાં રાષ્ટ્રગાન વંદે માતરમ સંપૂર્ણ ગવાશે, એટલુ જ નહીં હવેથી રાષ્ટ્રગીત જન ગણ મન અને રાષ્ટ્રગાન વંદેમાતરમ બન્ને સાથે ગાવાના થાય કે વગાડવામાં આવે તો તેવી સ્થિતિમાં વંદે માતરમને પ્રાથમિકતા આપવાની રહેશે, એટલે કે પહેલા રાષ્ટ્રગાન વંદે માતરમ ગવાશે કે વગાડાશે પછી રાષ્ટ્રગીત જન ગણ મન ગવાશે. વંદે માતરમ રાષ્ટ્રગાનનું અખંડ એટલે કે પૂર્ણ વર્ઝન ત્રણ મિનિટ અને ૧૦ સેકન્ડનું માનવામાં આવે છે.

કેન્દ્રીય ગૃહ મંત્રાલયે એક આદેશ જારી કરીને કહ્યું છે કે રાષ્ટ્રગાન વંદે માતરમના તમામ છ છંદો ગાવા કે વગાડવા ફરજિયાત રહેશે, અધુરુ વંદે માતરમ વગાડવું કે ગાવું નહીં. આ દરમિયાન તમામ નાગરિકોએ વંદે માતરમના સન્માનમાં ઉભા રહેવાનુ રહેશે, જોકે જ્યારે કોઇ ફિલ્મમાં ગાવામાં આવે કે સમાવેશ કરવામાં આવે ત્યારે દર્શકો પાસેથી ઉભા થવાની અપેક્ષા ના રાખી શકાય.

વંદે માતરમના ૧૫૦ વર્ષની દેશભરમાં ઉજવણી ચાલી રહી છે. સાથે જ સ્કૂલ પ્રશાસનને તિરંગો, રાષ્ટ્રગાન, રાષ્ટ્રગીત પ્રત્યે વિદ્યાર્થીઓમાં જાગૃકતા આવે તેવા પ્રયાસો કરવા પણ કહ્યું છે. આ તમામ નવા આદેશો સાથે કેન્દ્રીય ગૃહ મંત્રાલય દ્વારા ગાઇડલાઇન જાહેર કરવામાં આવી છે. વંદે માતરમની રચના બંકિમ ચંદ્ર ચટ્ટોપાધ્યાય દ્વારા કરવામાં આવી હતી, પ્રથમ વખત ૧૮૯૬માં કલકત્તામાં કોંગ્રેસના અધિવેશનમાં રવીન્દ્રનાથ ટાગોરે વંદે માતરમ ગાયું હતું, જે બાદમાં દેશની સ્વતંત્રતાનો એક હિસ્સો બની ગયું અને સ્વતંત્રતા સેનાનીઓ, ક્રાતિકારીઓએ પણ તેને આઝાદીની ચળવળમાં અપનાવ્યું. અત્યાર સુધી રાષ્ટ્રગીત જન ગણ મન અને પછી રાષ્ટ્રગાન વંદે માતરમ એવો ક્રમ ચાલતો આવ્યો છે પરંતુ હવે કેન્દ્ર સરકારે રાષ્ટ્રગાન વંદે માતરમને રાષ્ટ્રગીત જન ગણ મન પહેલા પ્રાથમિકતા આપી છે. જેને કારણે રાજકીય વિવાદ છેડાય તેવી પણ શક્યતાઓ છે.

વંદે માતરમ અંગે કેન્દ્રની ગાઇડલાઇન

તમામ સરકારી કાર્યક્રમો, સ્કૂલોમાં સંપૂર્ણ વંદે માતરમ ગાવા કે વગાડવામાં આવશે.
જ્યારે પણ વંદે માતરમ ગાવા કે વગાડવામાં આવે ત્યારે તમામ લોકોએ ઉભા થવાનું રહેશે.
પદ્મ એવોર્ડ કાર્યક્રમોમાં પણ હવેથી વંદે માતરમ ફરજિયાત ગાવાનું રહેશે.
રાષ્ટ્રપતિ જે પણ કાર્યક્રમમાં હાજર રહે ત્યાં વંદે માતરમ ફરજિયાત કરવામાં આવ્યું છે.
થીયેટરોમાં વંદે માતરમ ફરજિયાત વગાડવાનું રહેશે પરંતુ ઉભા થવું ફરજિયાત નહીં રહે.

February 8, 2026

વધતા અકસ્માતોનું એક કારણ આંખો આંજી દેતી સફેદ એલઈડી લાઈટ્સને પણ માનવામાં આવે છે, આવી લાઈટ્સના ઉપયોગને રોકવા માટે રાજ્ય પરિવહન વિભાગે નિર્દેશ જાહેર કર્યા હતા. પોતાના વાહનોમાં લગાવેલી ગેરકાયદે LED લાઇટ્સ સામે કાર્યવાહી કરવામાં આવી હતી. જેમાં અમદાવાદ સહિત સમગ્ર રાજ્યમાં કરવામાં આવેલી કાર્યવાહીમાં 3094 વાહનચાલકો દંડાયા હતા.

સમગ્ર ગુજરાતમાં હાઇ-ઇન્ટેન્સિટી એલઇડી લાઇટનો ઉપયોગ વધ્યો છે, જેના કારણે અન્ય લોકો વિઝિબિલિટી ઓછી થઈ જાય છે અને અકસ્માતનું જોખમ વધી રહ્યું છે. ત્યારે રાજ્ય સરકારના વાહન વ્યવહાર વિભાગ દ્વારા ઝુંબેશ શરૂ કરવામાં આવી હતી. 22 જાન્યુઆરીથી 3 ફેબ્રુઆરી સુધી ચલાવવામાં આવેલી આ ઝુંબેશમાં રાજ્યના 3094 વાહનચાલકોને દંડ ફટકારવામાં આવ્યો હતો.

આ દરમિયાન અમદાવાદમાં સૌથી વધુ વાહનચાલકોને દંડ ફટકારવામાં આવ્યો હતો. અમદાવાદમાં 260 વાહનચાલકોને, અમદાવાદ પૂર્વમાં 85 વાહનચાલકોને, આણંદમાં 40 વાહનચાલકોને, ARTO બાવળામાં 133 વાહનચાલકોને, ARTO મોડાસામાં 104 વાહનચાલકોને, વલસાડમાં 288 વાહનચાલકોને, સાબરકાંઠામાં 20 વાહનચાલકોને, ખેડામાં 46 વાહનચાલકોને, મહેસાણામાં 170 વાહનચાલકોને, વડોદરામાં 168 વાહનચાલકોને, ગાંધીનગરમાં 95 વાહનચાલકોને, સુરેન્દ્રનગરમાં 48 વાહનચાલકોને અને કચ્છમાં 136 વાહનચાલકોને ચલણ મોકલવામાં આવ્યું છે.

ઉલ્લેખનીય છે કે થોડા દિવસ પહેલા અમદાવાદમાં વ્હાઇટ એલઈડી લાઈટ્સ રાખનાર વાહનચાલકો વિરુદ્ધ કાર્યવાહી હાથ ધરવામાં આવી હતી. અમદાવાદના સુભાષબ્રિજ આરટીઓ અનુસાર વર્ષ 2026ના આરંભના 28 દિવસમાં 275 કેસ નોંધવામાં આવ્યા હતા અને રૂ. 2.75 લાખ જેટલો દંડ વસૂલવામાં આવ્યો હતો.

January 30, 2026

દેશમાં નશીલા પદાર્થોના વધતા જતા દૂષણ વિરુદ્ધ નાર્કોટિક્સ કંટ્રોલ બ્યુરો (NCB)એ મોટી સફળતા મેળવી છે. સુરતના પલસાણા નજીકથી પસાર થતી એક લક્ઝુરિયસ ફોર્ચ્યુનર કારમાંથી રૂ.10 કરોડની કિંમતનું 35 કિલો મેફેડ્રોન (MD) ડ્રગ્સ ઝડપી પાડ્યા બાદ, આ રેકેટના છેડા કર્ણાટકના મૈસૂર સુધી પહોંચ્યા છે. NCBએ મૈસૂરમાં ગુપ્ત રીતે ચાલતી ડ્રગ્સ બનાવવાની લેબોરેટરી (ફેક્ટરી) પર દરોડો પાડી આંતરરાજ્ય ડ્રગ્સ સિન્ડિકેટનો પર્દાફાશ કર્યો છે.

પલસાણા હાઈવે પર ફિલ્મી ઢબે ઓપરેશન

ચોક્કસ બાતમીને આધારે, NCBની ટીમે 28 જાન્યુઆરીએ સુરત જિલ્લાના પલસાણા પાસે કર્ણાટક પાસિંગની એક ટોયોટા ફોર્ચ્યુનર કારને આંતરી હતી. કારની તલાશી લેતા તેમાંથી આશરે 35 કિલોગ્રામ અત્યંત શુદ્ધ કક્ષાનું MD ડ્રગ્સ મળી આવ્યું હતું. આ ઓપરેશનમાં સુરત પોલીસની પણ મદદ લેવામાં આવી હતી.

ત્યારબાદ પલસાણામાં આવેલી ‘દાસ્તાન રેસીડેન્સી’ માં મુખ્ય સૂત્રધાર મહિન્દ્રા કુમાર વિશ્નોઈના મકાન પર દરોડો પાડતા 1.8 કિલોગ્રામ અફીણ, રૂ. 25.6 લાખની રોકડ અને મોટી માત્રામાં કેમિકલનો જથ્થો મળી આવ્યો હતો.

પકડાયેલા આરોપીઓની પૂછપરછમાં જાણવા મળ્યું હતું કે, આ ડ્રગ્સ કર્ણાટકના મૈસૂર સ્થિત હેબ્બલ ઇન્ડસ્ટ્રીયલ એરિયામાં તૈયાર કરવામાં આવતું હતું. ક્લિનિંગ કેમિકલ બનાવવાની આડમાં અહીં હાઈટેક સાધનોથી સજ્જ ડ્રગ્સની ફેક્ટરી ચલાવવામાં આવતી હતી. NCBએ આ લેબોરેટરીને સીલ કરી ત્યાંથી 500 કિલોથી વધુ કેમિકલ જપ્ત કર્યું છે.

મુખ્ય આરોપી મહિન્દ્રા વિશ્નોઈ રીઢો ગુનેગાર છે અને તેના વિરુદ્ધ અગાઉ રાજસ્થાન અને ગુજરાતમાં NDPSના કેસ નોંધાયેલા છે. ચોંકાવનારી વિગત એ છે કે, વિશ્નોઈએ અગાઉના કેસમાં જ્યારે તે જેલમાં હતો, ત્યારે અન્ય કેદીઓ સાથે મળીને ડ્રગ્સ બનાવવાની પ્રક્રિયા, બજારની માગ અને સપ્લાય ચેઈન વિશે માહિતી મેળવી હતી. વર્ષ 2024માં જામીન પર મુક્ત થયા બાદ તેણે આ ગુપ્ત લેબ શરૂ કરી હતી અને અત્યાર સુધીમાં ડ્રગ્સના અનેક કન્સાઈનમેન્ટ રાજસ્થાનમાં સપ્લાય કર્યા હોવાની કબૂલાત કરી છે.

પોલીસે આ મામલે મહિન્દ્રા વિશ્નોઈ સહિત કુલ ચાર આરોપીઓની ધરપકડ કરી છે. આ ચારેય આરોપીઓ મૂળ રાજસ્થાનના જાલોર જિલ્લાના વતની છે.

શું જપ્ત કરાયું?

35 કિલો MD ડ્રગ્સ (કિંમત આશરે 10 કરોડ)
1.8 કિલોગ્રામ અફીણ
રૂ. 25.6 લાખ રોકડ
500 કિલોગ્રામથી વધુ કેમિકલ
ટોયોટા ફોર્ચ્યુનર કાર

હાલમાં NCB આ ડ્રગ્સ કાર્ટેલના અન્ય સભ્યો અને કેમિકલ સપ્લાય કરનારાઓના મૂળ સુધી પહોંચવા તપાસ તેજ કરી રહી છે.

January 30, 2026

ગુજરાતમાં ‘સ્પેશિયલ ઇન્ટેન્સિવ રિવિઝન’ (SIR)ની કામગીરી વિવાદમાં રહી છે કેમકે, મતદારોના નામ રદ કરવા માટે લાખોની સંખ્યામાં વાંધા લેવાયાં છે. ચોંકાવે તેવી વાત એછેકે, ખોટા નામ, સહી હોવા છતાં ચકાસણી વિના ફોર્મ-7 સ્વિકારી લેવાયાં છે. એટલુ જ નહીં, ગુજરાતમાં 9.88 લાખ મતદારોના નામ રદ કરવાના ઇરાદે ફોર્મ-7 ભરાયાં છે. આ જોતાં કોંગ્રેસે રાજ્ય ચૂંટણીપંચ સમક્ષ ઉગ્ર રજૂઆત કરી વિરોધ નોધાવ્યો છે. સાથે સાથે એવી માંગ કરવામાં આવી છેકે, ખોટા ફોર્મ-7 ભરનારાં સામે ફોજદારી રાહે ગુનો નોધવો જોઇએ.

રાજ્યમાં મતદાર યાદી સુધારણાની કામગીરી ચાલી રહી છે ત્યારે 70 લાખથી વઘુ મતદારોનું મેપિંગ થઇ શક્યુ નથી. ત્યાં મતદારોના નામ બારોબાર કરવાની પેરવી થઇ રહી છે, ત્યારે વિપક્ષોએ રાજ્ય ચૂંટણીપંચને નિશાન બનાવ્યુ છે કેમકે,ગુજરાતમાં એકે પણ વિધાનસભા બેઠક એવી નથી જ્યાં દસ હજારથી વઘુ ફોર્મ-7 ભરાયાં ન હોય. મહત્ત્વની વાત એછેકે, મતદારનું નામ રદ કરવા માટે ફોર્મ-7 ભરનારાં વ્યક્તિએ પુરાવા રજૂ કરવા ફરજિયાત છે છતાંય કોઈ ચોકસાઇ દાખવવામાં આવી નથી. એવો આક્ષેપ કરાયો છેકે, ખોટા નામ, ખોટી સહી હોવા છતાંય પણ ફોર્મ-7 સ્વિકારી લેવાયાં છે જે ગંભીર બેદરકારી છે. ગત વખત કરતાં આ વખતે લાખો વાંધા રજૂ થતાં શંકા જન્મી છે. આ ઉપરાંત બીએલઓ ના પાડી હોવા છતાંય અધિકારીઓએ ફોર્મ સ્વિકારી લીધા છે. 18મી જાન્યુઆરી અંતિમ તારીખ હોવાથી છેલ્લાં ત્રણેક દિવસમાં લાખો ફોર્મ-7 ભરાયાં છે જેના સીસીટીવી ફુટેજ જાહેર કરવા માંગ ઊઠી છે.

કેન્દ્રીય ચૂંટણી પંચનો નિયમ છેકે, એકથી વધુ સ્થળે મતદાર તરીકે નામ હોય, ખોટા ફોર્મ-7 ભરાય તો જેલ-દંડની જોગવાઇ છે. આમ છતાંય લાખો ફોર્મ ભરાયાં છે. કોંગ્રેસના પ્રતિનિધીમંડળે રાજ્ય ચૂંટણીપંચમાં રજૂઆત કરી કે, ખોટા ફોર્મ-7 ભરનારાની યાદી જાહેર કરો. એટલુ જ નહી, ખોટુ ફોર્મ-7 ભરાયુ હોય તો ફોજદારી રાહે પગલાં ભરો.

ઉલ્લેખનીય છેકે, મતદાર તરીકે નામ ઉમેરવા માટે 6.88 લાખ ફોર્મ-6 ભરાયાં છે. ટૂંકમાં નવા મતદારોના નામ ઉંમેરવા કરતાં મતદારોના નામ રદ કરવા માટે ફોર્મ વધુ ભરાયાં છે. જોકે, રાજ્ય ચૂંટણીપંચ ફોર્મ-7ને લઇને કોઈ ફોડ પાડવા તૈયાર નથી.

વાંધો ઉઠાવનાર અરજદાર પુરાવા રજૂ ન કરે તો, ફોર્મ-7 દફતરે થાય તેવી જોગવાઇ છે તેમ છતાંય રાજ્ય ચૂંટણીપંચ બીએલઓને ઘેર ઘેર મોકલી ચકાસણી કરાવે છે. પુરાવા વિનાના ફોર્મ-7 રદ કરવા માટે કાર્યવાહી થતી નથી. કોંગ્રેસનો આરોપ છેકે, રાજ્ય ચૂંટણીપેચનું કહેવુ છેકે,9 લાખથી વધુ ફોર્મ-7 મળ્યા છે ત્યારે દોઢ લાખ ફોર્મની એન્ટ્રી કરાઇ છે. તેનો અર્થ એકે, અન્ય લાખો ફોર્મ ખોટા છે.

Older Posts

ગુજરાત Archives - CIA Live

Gujarat 18 વર્ષની વ્યક્તિને પોતાની મરજીથી લગ્ન કરવાનો હક: High Court

23/02/26: Rajkotમાં આજથી મેગા ડિમોલિશન, જંગલેશ્વરના 1400થી વધુ મકાનો તોડી પડાશે

ગુજરાત સરકારના માથે 4,45,537 કરોડનું દેવું

16/02/2026થી ગુજરાત વિધાનસભાનું બજેટ સત્ર

Gujarat: 165 ડેપ્યુટી મામલતદારને મામલતદારનું Promotion

મહાશિવરાત્રિ દરમિયાન સોમનાથ મંદિરના દ્વાર આગમી 42 કલાક માટે ખુલ્લા રહેશે

હવેથી જન ગણ મન પહેલા સંપૂર્ણ વંદે માતરમ ફરજિયાત ગાવાનું રહેશે

Gujarat: White LED લાઈટ્સ સામે 12 દિવસની ડ્રાઈવમાં 3000થી વધુ વાહનચાલકોને દંડ

Surat: પલસાણામાં 10 કરોડનું MD ડ્રગ્સ ઝડપાયું, મૈસૂરમાં ચાલતી ફેક્ટરીનો પર્દાફાશ

SIR in Gujarat: મતદારોના નામ રદ કરવા 9.88 લાખ ફોર્મ-7 ભરાયા