Snow Fall : લેહ-લદ્દાખ -11.4 ડિગ્રી : કાશ્મીરમાં કડકડતી ઠંડી : તાપમાન શૂન્યથી નીચે ઊતર્યું

સામાન્ય રીતે એવું બને છે કે જમ્મી કાશ્મીરમાં હિમવર્ષા થાય એટલે ભારતના અન્ય પ્રદેશોમાં વાતાવરણમાં તાપમાનનો પારો નીચે ઉતરવા માંડે છે. છેલ્લા બે દિવસ દરમિયાન જમ્મુ કાશ્મીરમાં ભારે બરફ વર્ષા થઇ છે અને તેને લઇને ભારતના ઉત્તરીય વિભાગોમાં તાપમાન ગગડવા માંડ્યું છે, ક્રમશઃ મધ્ય ભારત તેમજ મહારાષ્ટ્ર સુધી આ બરફ વર્ષાની અસર આગામી દિવસોમાં જોવા મળશે. કાશ્મીર સેક્ટરમાં સૌથી ઓછું તાપમાન  લેહ-લદ્દાખમાં નોંધાયું છે. લેહ-લદ્દાખમાં -11.4 ડિગ્રી સે. તાપમાન નોંધાયું છે. સામાન્ય જનજીવન પર આ બરફ વર્ષાએ ઘેરી અસર કરી છે. લેહ-લદ્દાખમાં આટલી બરફ વર્ષા પછી પણ કેટલાક ટુરિસ્ટસ મોજ મનાવી રહ્યા છે

કાશ્મીરના અનેક પ્રાંતોમાં ઉષ્ણતામાન શૂન્ય ડિગ્રી સેલ્સિયસથી નીચે ઊતર્યું છે. તા.5મી ડિસેમ્બર 2018ના રોજ જમ્મુ કાશ્મીરના પ્રતિસ્થિત હેલ્થ રિસૉર્ટ તરીકે જાણીતા અમરનાથ યાત્રાના બેઝ-કૅમ્પના સ્થળ પહલગામમાં માઇનસ ૫.૧ ડિગ્રી સેલ્સિયસ, સ્કીઇંગ રિસૉર્ટ તરીકે જાણીતા ગુલમર્ગમાં માઇનસ ૪.૦ ડિગ્રી સેલ્સિયસ, કાઝીગુંડમાં ૨.૬ ડિગ્રી સેલ્સિયસ અને કુપવાડામાં માઇનસ ૩.૦ ડિગ્રી સેલ્સિયસ ઉષ્ણતામાન નોંધાયું હતું.

કાશ્મીરની રાજધાની શ્રીનગરમાં ઉષ્ણતામાન માઇનસ ૩.૨ ડિગ્રી સેલ્સિયસ નોંધાયું હતું. સૌથી વધારે ઠંડો લેહ-લદ્દાખનો પ્રાંત છે. તા.5મી ડિસેમ્બરના રોજ લેહ-લદ્દાખમાં માઇનસ ૧૧.૪ ડિગ્રી સેલ્સિયસ અને કારગિલમાં માઇનસ ૧૦.૯ ડિગ્રી સેલ્સિયસ ઉષ્ણતામાન નોંધાયું હતું.

• પહલગામમાં માઇનસ ૫.૧ ડિગ્રી સેલ્સિયસ
• ગુલમર્ગમાં માઇનસ ૪.૦ ડિગ્રી સેલ્સિયસ
• કાઝીગુંડમાં ૨.૬ ડિગ્રી સેલ્સિયસ
• કુપવાડામાં માઇનસ ૩.૦ ડિગ્રી સેલ્સિયસ
• શ્રીનગરમાં ઉષ્ણતામાન માઇનસ ૩.૨ ડિગ્રી સેલ્સિયસ
• લેહ-લદ્દાખમાં માઇનસ ૧૧.૪ ડિગ્રી સેલ્સિયસ
• કારગિલમાં માઇનસ ૧૦.૯ ડિગ્રી સેલ્સિયસ