જો તમે કોઇપણ પ્રકારના કાપડના વિક્રેતા છો, તો ચેમ્બરના વીવનીટ એક્ષ્પોની એક વિઝીટ તમારા માટે આજીવન ફાયદેમંદ બની શકે

જયેશ બ્રહ્મભટ્ટ 98253 44944

જો તમે કોઇપણ પ્રકારના કાપડના વેપારી છો તો તા.11, 12 અને 13 સપ્ટેમ્બરના રોજ સરસાણા ઇન્ટરનેશનલ કન્વેન્શન સેન્ટર ખાતે સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીઝ આયોજિત વીવનીટ એક્ષ્પોની એક મુલાકાત તમારા માટે કાયમ માટે ફાયદો કરાવનારી બની રહેશે.

સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીઝ દ્વારા આયોજિત વીવનીટ એક્ષ્પોમાં સુરતમાં ઉત્પાદિત થતા 500થી વધુ જાતના કાપડની વેરાઇટી નિદર્શનમાં મૂકાશે એટલું જ નહીં પણ દરેક પ્રકારના કાપડના ઉત્પાદકો એટલેકે વીવર્સ અને નીટર્સને સીધા અને રૂબરૂ મળી શકશો.

SGCCI – Weave-Knitt Expo -2021

વણાટ ઉદ્યોગ માટે ભારતમાં સૌથી પહેલી વખત એક્ષ્પોનું આયોજન સુરતમાં તા.11થી 13 સપ્ટેમ્બરના રોજ થઇ રહ્યું છે : આશિષ ગુજરાતી, પ્રેસિડેન્ટ ચેમ્બર ઓફ કોમર્સ

સધર્ન ગુજરાત ચેમ્બર ઓફ કોમર્સ આયોજિત વીવનીટ એક્ષ્પોએ સુરતના જ ફેબ્રિક ઉત્પાદકો દ્વારા ઉત્પાદન કરવામાં આવતા દરેકે દરેક પ્રકારના કાપડના નિદર્શન અને વેચાણ માટેનું એક પ્લેટફોર્મ બની રહેશે. ભારતમાં પહેલી વખત વણાટ ઉદ્યોગ માટે આ પ્રકારના એક્ષ્પોનું આયોજન થયું છે.

ઉદ્દેશ શહેરના વિવિંગ, નીટિંગ, નેરો ફેબ્રિકસ અને ટેકનિકલ ટેક્ષટાઇલ જેવા ઉદ્યોગોને એક નવી દિશા અને ગતિ આપવાનો છે. અહીં ર૦૦૦ ચોરસ મીટરમાં પીલરલેસ એસી હોલમાં ૧રપ જેટલા એકઝીબીટર્સે ભાગ લીધો છે.

SGCCI – Weave-Knitt Expo -2021

પહેલો એક્ષ્પો હશે જેમાં તમામ 125 એક્ઝિબિટર્સ સુરતના : હિમાંશુ બોડાવાલા, વાઇસ પ્રેસિડેન્ટ, ચેમ્બર ઓફ કોમર્સ

ચેમ્બરના પ્રમુખ આશીષ ગુજરાતીએ જણાવ્યું હતું કે, દેશમાં પ્રથમ વખત યોજાનાર ‘વિવનીટ એકઝીબીશન’ એ વિવર્સ, નીટર્સ, ટેકનીકલ ટેકસટાઇલ્સ, ફેબ્રિક મેન્યુફેકચરર્સને બીટુબી પ્લેટફોર્મ પૂરું પાડનારો એકસકલુઝીવ ફેબ્રિક શો છે. આ એકઝીબીશનમાં ભાગ લેનારા આ તમામ કેટેગરીના ઉદ્યોગકારો વિવનીટ પ્રદર્શનના માધ્યમથી હોલસેલ ટ્રેડર્સ, રીટેલર્સ, ફેશન હાઉસિસ, ફેશન ડિઝાઇનર્સ, બ્રાન્ડ એપેરલ મેન્યુફેકચરર્સ, સ્પેશિયલ ઇન્ડસ્ટ્રીયલ પ્રોડકટ મેન્યુફેકચરર્સ અને માસ કન્ઝમ્પશન કરતા પ્રોડકટ મેન્યુફેકચરર્સની સાથે સીધા સંપર્કમાં આવી શકશે.

SGCCI – Weave-Knitt Expo -2021

કોવીડ-19ની પરિસ્થિતિ ન હોત તો કદાચ એક્ઝિબિશન માટે જગ્યા નાની પડી ગઇ હોત, એક્સક્લ્યુસિવ ડિઝાઇનના સ્ટોલ્સ જોવા મળશે વીવનીટ એક્ષ્પોમાં : દિનેશ નાવડીયા, ઇમિડીયેટ પાસ્ટ પ્રેસિડેન્ટ, ચેમ્બર ઓફ કોમર્સ

આ પ્રદર્શન થકી એકઝીબીટર્સને વુવન, નીટેડ, ટેકનીકલ ટેકસટાઇલ્સ, ઇન્ડસ્ટ્રીયલ અને સ્પેશિયલ ફેબ્રિક મેન્યુફેકચરર્સને સમગ્ર ભારતમાંથી આ પ્રદર્શનને જોવા માટે આવનારા બાયર્સ સામે પોતાની પ્રોડકટ રજૂ કરવા માટેની ઉત્તમ તક મળી છે. મેન્યુફેકચરર્સ માટે આ વન સ્ટોપ શોપ એકઝીબીશન હશે કે જેમાં ઉત્પાદકો પોતાના વિવિધ ફેબ્રિકસના આધુનિક કલેકશન્સ જેવા કે પ્લેન, ટવીલ, સાટીન, એપેરલ, હોમ ફર્નિશીંગ, સિંગલ જર્સી, ડબલ જર્સી, નેટ્‌સ અને ટેકનીકલ ટેકસટાઇલ્સ વિગેરે પ્રદર્શિત કરી શકશે.

SGCCI – Weave-Knitt Expo -2021

દુબઇ, યુકે, બાંગ્લાદેશ અને ઇન્ડોનેશિયાથી સુરતનું ફેબ્રિક જોવા-જાણવા-ખરીદવા માટે બાયર્સ આવી રહ્યા છે : મયુર ગોળવાલા, ચેરમેન વીવનીટ એક્ષ્પો

‘વિવનીટ એકઝીબીશન’સુરતનું સૌપ્રથમ એવું એકઝીબીશન બની રહેશે કે જેમાં યાર્નમાંથી કાપડનું ઉત્પાદન કરતા વિવર, નીટર, ટેકનીકલ ટેકસટાઇલ અને નેરો ફેબ્રિકસના ઉત્પાદકો ભાગ લેનારા છે. જેમાં સુરત સહિત સમગ્ર દક્ષિણ ગુજરાતમાંથી જ નહીં પણ ભારતભરની મુખ્ય કાપડની મંડીઓ જેવી કે ઇન્દોર, કટક, જયપુર, પૂણે, બનારસ, ગ્વાલિયર, હૈદરાબાદ, બેંગ્લોર, મદ્રાસ, ચંડીગઢ, લુધિયાના, કોલકાતા, લખનઉ, ચેન્નાઇ, મુંબઇ અને દિલ્હીથી ફેબ્રિકસના મોટા ગજાના બાયર્સને આમંત્રિત કરવામાં આવ્યા છે. આ તમામની મુલાકાતથી એકઝીબીટર્સને સ્થળ પર બિઝનેસ મળી રહેશે.

આ પ્રદર્શનમાં ભાગ લેનારા એકઝીબીટર્સ તેઓની પ્રોડકટને પ્રદર્શિત કરીને ઉત્પાદનોને વ્યાપારીઓ સુધી પહોંચાડી શકશે. નવી પ્રોડકટને લોન્ચ કરી શકશે અને બ્રાન્ડ વિશે અવેરનેસ લાવવાની તક ઝડપી શકશે. સાથે જ કોર્પોરેટ ઇમેજ ઉભી કરી શકશે અને નેટવર્કીંગ પણ ગોઠવી શકશે. તદુપરાંત પ્રોડકટ અને ટેકનોલોજીના માધ્યમથી નવી એપ્લીકેશન્સ અને સોલ્યુશન્સ મેળવી શકશે.