ઉંમર 5 વર્ષ : સમય 2 કલાક 25 મિનિટ : કર્યા ૪૧૦૫ પુશ-અપ્સ

રશિયામાં રહેતા પાંચ વર્ષના બાળકે ભલભલા મોંઢામાં આંગળા નાંખી દે તેવું પરાક્રમ કરી દેખાડ્યું છે. 5 વર્ષના ટાબરીયાએ ૧૦૦, ૨૦૦ કે ૫૦૦ નહીં પૂરાં ૪૧૦૫ પુશ-અપ્સ કર્યા છે.

વાત એમ છે કે પાંચ વર્ષના રાખીમ કુરાયેવ નામના ટેણિયાએ રશિયન પ્રેસિડન્ટ વ્લાદિમીર પુતિનના ઘનિષ્ઠ ગણાતા લેફ્ટનન્ટ રમઝાન કદિરોવને ચૅલેન્જ આપી હતી કે તે રોકાયા વિના તેમના કરતાં વધુ પુશ-અપ્સ કરી શકે છે. ખરેખર રમઝાન સાથેની ચૅલેન્જમાં તે જીતી ગયો એટલું જ નહીં, વિશ્વવિક્રમ બનાવી દીધો. તેણે લગાતાર કોઈ બ્રેક વિના ૪૧૦૫ પુશઅપ્સ કર્યા અને એ માટે બે કલાક અને પચીસ મિનિટનો સમય તેને લાગ્યો. બાળપણથી જ એક્સરસાઇઝ કરવાના શોખીન રાખીમનું આ કારનામું જોઈને રમઝાન કદિરોવ પણ ચકિત રહી ગયા અને તેમણે ૨૬ લાખ રૂપિયાની સફેદ મર્સિડિઝ તેને ગિફ્ટમાં આપી દીધી. રમઝાને તેને કારની ચાવી હાથમાં આપતાં કહ્યું કે તારા પપ્પાને આ કાર ચલાવવા આપજે અને તું એમાં સફર કરવાની મજા લેજે.