કોલકાતા નાઇટ રાઇડર્સમાં એકેય ગુજરાતી ક્રિકેટર નથી

IPL ના 2 ટાઇટલ જીતનાર આ ટીમમાં એક પણ ગુજરાતી ક્રિકેટર નથી

આ ટીમ બીજી કોઈ નથી શાહરુખ ખાન ફ્રેચાઈઝીની ટીમ કોલકાતા નાઈટ રાઈડર્સ છે. આ વર્ષે આ ટીમમાં એક પણ ગુજરાતી ક્રિકેટરને કોલકત્તાની ટીમમાં સ્થાન મળ્યું નથી. આ પહેલા શાહરુખ ખાનની ટીમ કોલકાતા નાઇટ રાઇડર્સમાં ગુજરાતી ક્રિકેટર તરીકે યુસુફ પઠાણનો સમાવેશ કરવામાં આવ્યો હતો. જો કે આ વર્ષે યુસુફ પઠાણને રિટેન ન કરાતા હૈદરાબાદ દ્વારા તેને ખરિદવામાં આવ્યો હતો. ઉલ્લેખનીય છે કે કોલકત્તા ટીમે ગૌતમ ગંભીરની આગેવાની હેઠળ બે આઇપીએલના ટાઇટલ જીત્યા હતા.

IPL 2019 ને હવે ગણતરીના દિવસો બાકી છે. ત્યારે તમામ ટીમોએ પોતાની તૈયારીઓને આખરી ઓપ આપી દીધો છે. પરંતુ આજે અમે તમને એક એવી વાતથી વાકેફ કરવા જઇ રહ્યા છીએ કે તમને જાણીને નવાઇ લાગશે. IPL માં ધમાલ મચાવનાર ખેલાડીઓની લિસ્ટમાં મોટા ભાગના ગુજરાતી ખેલાડીઓ છે. પરંતુ આ વખતે IPL માં એક એવી પણ ટીમ છે જેમાં એક પણ ગુજરાતી ખેલાડી નથી. તમે આ વાંચીને અજુગતું લાગ્યું ને, પણ આ વાત સાચી છે.

IPL માં અત્યાર સુધી આ ગુજરાતી ક્રિકેટર્સનું રહ્યું છે પ્રભુત્વ

ભારતીય ક્રિકેટ ટીમમાં અને આઇપીએલમાં પણ ગુજરાતી ક્રિકેટરોએ પ્રભુત્વ જમાવ્યું છે. બરોડાના પંડ્યા બ્રધર્સ, અમદાવાદનો જસપ્રિત બુમરાહ, પોરબંદરનો જયદેવ ઉનડકટ, રાજકોટનો રવિન્દ્ર જાડેજા સહીતના ખેલાડીઓએ અત્યાર સુધી તમામ આઇપીએલમાં ધમાલ મચાવી હતી. IPL 2019માં કુલ 10 ગુજરાતી ક્રિકેટરો રમી રહ્યા છે. પરંતુ IPLમાં આ વર્ષે એક ટીમ એવી પણ જેમાં એક પણ ગુજરાતી ક્રિકેટર નથી રમી રહ્યો.