મેનકા ગાંધી અને પુત્ર વરુણના મતક્ષેત્રની અદલાબદલી

ભાજપે મંગળવારે વધુ 39 બેઠક માટે ઉમેદવારના નામની યાદી જાહેર કરી હતી જેમાં પક્ષના ભૂતપૂર્વ પ્રમુખ મુરલી મનોહર જોશીને કાનપુર મતદારક્ષેત્રની બેઠક પરથી પડતા મૂક્યા હતા તો વરુણ ગાંધી અને મેનકા ગાંધીના મતદારક્ષેત્રની અદલાબદલી કરી હતી.

મેનકા ગાંધી પિલિભીતથી ચૂંટાતા હતા આ વખતે એમને સુલતાનપુર આપવામાં આવ્યું છે જ્યારે તેમના પુત્ર વરુણ ગાંધીને પિલિભીત આપવામાં આવ્યું છે.

કેન્દ્રના પ્રધાન મનોજ શર્માને ભાજપે ગાઝીપુર, સાધ્વી નિરંજના જ્યોતીને ફતેહપુર અને ઉત્તર પ્રદેશના પ્રમુખ મહેન્દ્રનાથ પાંડેને ચાંદોલીથી ફરી ઉમેદવારી આપી હતી.

રીટા બહુગુણા અને સત્યદેવ પાચોરીને અનુક્રમે અલાહાબાદ અને કાનપુરની પ્રતિષ્ઠિત બેઠક પરથી ઉમેદવારી આપી હતી.

ભાજપે ઉત્તર પ્રદેશના 29 ઉમેદવાર અને પ. બંગાળના 10 એમ કુલ મળીને 39 ઉમેદવારના નામની યાદી જાહેર કરી હતી.