સબસિડીવાળા ગેસ સિલિન્ડરની કિંમતમાં સતત ત્રીજા મહિને વધારો : ₹25નો વધ્યા

નવા મહિનાની શરુઆત થતાની સાથે ગરીબ અને મધ્ય પરીવારની કમર તૂટી જાય તેવી ખબર આવી છે. ફરી એકવાર ઘર વપરાશના ગેસના બાટલાના ભાવમાં વધારો થયો છે.

LPG સિલિન્ડરના ભાવમાં સતત ત્રીજા મહિને વધારો થયો છે. સરકારી ઓઈલ કંપની (Oi lPSUs)એ LPG સિલિન્ડરની કિંમતમાં 25 રૂપિયાનો વધારો કર્યો છે. દિલ્હીમાં હવે સબસિડીવાળા 14.2 કિલોગ્રામ સિલિન્ડરની કિંમત 884.50 પર પહોંચી ગઈ છે. આ પહેલા રાજધાની દિલ્હીમાં સિલિન્ડરની કિંમત 859.20 રૂપિયા હતી. પહેલી જુલાઈથી સિલિન્ડરની કિંમતમાં 75.50 રૂપિયાનો વધારો થયો છે. જુલાઈમાં તેની કિંમતમાં 25.50 રૂપિયા અને ઓગસ્ટમાં 25 રૂપિયાનો વધારો થયો હતો. આ ભાવ વધારાની અસર ગુજરાત પર પણ પડી છે.

સબસિડીવાળા એલપીજીની કિંમત 1 જાન્યુઆરીથી કુલ 190 રૂપિયા પ્રતિ સિલિન્ડર વધી છે. કોલકાતામાં 14.2 કિલોગ્રામ સબસિડીવાળા સિલિન્ડરની કિંમત 911 રૂપિયા અને મુંબઈમાં 884.50 રૂપિયા તથા ચેન્નાઈમાં 900.50 રૂપિયા થઈ ગઈ છે. સરકારે દર મહિને કિંમતોમાં વધારો કરીને એલપીજી પર મળતી સબસિડીને ખતમ કરી દીધી છે. ઘરેલુ રસોઈ ગેસની કિંમત પાછલા સાત વર્ષમાં બમણી કરતા વધુ થઈ ગઈ છે. 1 માર્ચ 2014ના રોજ ઘર વપરાશના ગેસના બાટલાની કિંમત 410.5 રૂપિયા હતી.

સબસિડીવાળા ગેસના બાટલા ગેસના બાટલાની સાથે 19 કિલોના કર્મસિયલ સિલિન્ડર પર પણ 75 રૂપિયાનો વધારો થયો છે, હવે તેની કિંમત વધીને દિલ્હીમાં 1693 રૂપિયા થઈ ગઈ છે.