આજથી JIO phone 2નું વેચાણ શરુ

રિલાયન્સ જીઓ ગુરુવારે તેની વેબસાઇટ પરથી જીઓફોન2નું વેચાણ શરૂ કરશે. રિલાયન્સ ઇન્ડસ્ટ્રીઝ તેના જીઓફનના યુઝર્સની સંખ્યા 10 કરોડે પહોંચાડવા માંગે છે. કંપનીએ એક યાદીમાં જણાવ્યું હતું કે, જીઓફોનનું નવું હાઈ-એન્ડ મોડલ જીઓફોન2 16 ઓગસ્ટે બપોરે 12 વાગ્યાથી ફ્લેશસેલમાં Jio.com પરથી ખરીદી શકાશે.

આ 4G ફોન QWERTY કી પેડ સાથે આવશે અને તેમાં ફેસબૂક, વ્હોટ્સએપ, યુ-ટ્યૂબ, ગૂગલ મેપ્સ જેવા એપ્સ ઉપરાંત જીઓ સિનેમા, જીઓચેટ, જીઓમ્યુઝિક જેવા વર્તમાન જીઓ એપ્સ હશે. રિલાયન્સ જીઓએ જીઓફોનનું પ્રથમ વર્ઝન ₹1,500ની રિફન્ડેબલ ડિપોઝિટમાં આપ્યું હતું પણ બીજું વર્ઝન ખરીદવા ગ્રાહકોએ સંપૂર્ણ રકમ આપવાની રહેશે.

ભારતમાં જીઓફોનના 2.5 કરોડથી વધુ યુઝર્સ છે. સાયબરમીડિયા રિસર્ચના જણાવ્યા પ્રમાણે 2017ના છેલ્લા ક્વાર્ટરમાં રિલાયન્સ જીઓની અમ્બ્રેલા બ્રાન્ડ LYF જીઓફોનને કારણે 27 ટકા બજારહિસ્સા સાથે માર્કેટ લીડર તરીકે ઊભરી આવી હતી. એ પછી 14 ટકા સાથે સેમસંગનો ક્રમ આવ્યો હતો.