આજરોજ તા.4 એપ્રિલ 2019ને ગુરુવાર લોકસભાની ચૂંટણીમાં ગુજરાતમાં ઉમેદવારી કરવાની અંતિમ મુદત છે. આજે બપોરે 3 વાગ્યા સુધીમાં જે ઉમેદવારી પત્રો મળશે, તેની ચકાસણી કર્યા બાદ ઉમેદવારીપત્રક ભરવાની અંતિમ મુદતે સમગ્ર ગુજરાતની 26 બેઠકોનું ચિત્ર જાહેર થયું હતું.

ગુજરાતની લોકસભાની 26 બેઠકો પૈકી કોંગ્રેસના બે બાકી ઉમેદવારો જેમાં ભરૂચ ખાતે શેરખાન પઠાણ જ્યારે દાહોદ ખાતે બાબુ કટારાની જાહેરાત કરવામાં આવી હતી. ગુજરાતમાં મુખ્ય જંગ ભાજપા અને કોંગ્રેસ વચ્ચે રહેશે. પ્રસ્તુત છે બેઠક વાઇઝ ભાજપ અને કોંગ્રેસા ઉમેદવારોની યાદી.

કોણ કોની સામે ?

ગુજરાતમાં મતદારો કેટલા ?

ગુજરાતની 26 લોકસભાની બેઠકો માટે 23મી એપ્રિલે યોજાનારી ચૂંટણીના મતદારોમાં છેલ્લા થોડા દિવસેમાં જ છ લાખ જેટલા નવા મતદારોનો ઉમેરો થતા હવે કુલ 4.51 કરોડ મતદારો નોંધાયા છે. જેમાં 2.34 કરોડ પુરૂષ અને 2.16 કરોડ મહિલા તથા 990 થર્ડજેન્ડર મતદારોનો સામાવેશ થાય છે.

સૌથી વધુ મતદારો નવસારી મતવિસ્તારમાં 19.71 કરોડ અને સૌથી ઓછા ભરૂચ મતવિસ્તારમાં 15.64 કરોડ મતદારો નોંધાયા છે.

રાજ્યના મુખ્ય ચૂંટણી અધિકારી શ્રીનિવાસને જણાવ્યું હતું કે, લોકસભા ચૂંટણી -2019 દરમ્યાન ઉપયોગમાં લેવાનાર મતદારયાદીમાં પુરુષ મતદારો 2,34,28,119 અને સ્ત્રી મતદારો 2,16,96,571 છે જ્યારે ત્રીજી જાતિના 990 મળીને કુલ મતદારો 4,51,25,680 નોંધાયા છે. તા. 01.01.2019ની લાયકાતની તારીખ સંદર્ભમાં મતદાર યાદી ખાસ સંક્ષિપ્ત સુધારણા-2019 અંતર્ગત તા. 01-09-2018 ના રોજ મતદાર-યાદીનો મુસદ્દો પ્રસિદ્ધ કરવામાં આવ્યો હતા. તેમજ મતદાર યાદી ખાસ સંક્ષિપ્ત સુધારણા-2019 અંતર્ગત તા.31.01.2019 ના રોજ મતદારયાદીની આખરી પ્રસિદ્ધિ કરવામાં આવી હતી અને પુરવણી-1 તૈયાર કરવામાં આવી હતી. તા. 01.09.2018 ના રોજ પ્રસિદ્ધ કરેલ મુસદ્દાની સ્થિતિએ મતદારો જોઇએ તો 2,29,18,894 પુરુષ મતદારો, સ્ત્રી મતદારો 2,11,55,545 અને ત્રીજી જાતિના 834 મતદારો નોંધાયા હતા.

આમ કુલ મતદારો 4,40,75,273 હતા. ત્યારબાદ મતદાર યાદી ખાસ સંક્ષિપ્ત સુધારણા-2019 દરમ્યાન પુરવણી-1માં ઉમેરાયેલા મતદારો (તા. 01-09-2018 થી તા. 31.01.2019 દરમ્યાન) જોઇએ તો પુરુષ 3,37,61 સ્ત્રી 3,33,069 અને ત્રીજી જાતિના 219 મળીને કુલ મતદારો 6,70,906 ઉમેરાયાં છે.