ચીન સમેતના દેશો મંદીમાં સસ્તામાં માર્કેટ કબજે ન કરી જાય તે માટે FDIના નિયમ બદલાયા

ચાઈનીઝ સેન્ટ્રલ બેંકે HDFCના કરોડો શેર ખરીદ્યા હતા. જેના કારણે કંપનીમાં તેમનો ભાગ 1 ટકાને પાર કરી ગયો. તે સમયે એવા રિપોર્ટ આવ્યા હતા કે સમગ્ર દુનિયામાં ચીન તેનું રોકાણ ઝડપથી વધારી રહી છે. કોરોના વાયરસના કારણે આખી દુનિયાનું શેર માર્કેટ ક્રેશ થઈ ગયું છે અને શેરના ભાવમાં ઘણો ઘટાડો થયો છે. ચીન તેને એક તક તરીકે જોઈ રહ્યું છે અને ઝડપથી રોકાણ વધારી રહ્યું છે.

કોરોના વાયરસની મહામારીના સંકટ દરમિયાન કેન્દ્ર સરકારે FDI (Foreign direct investment)ના નિયમમાં બદલાવ કર્યો છે. જે હેઠળ ભારતની સરહદ જે 3 દેશો સાથે જોડાયેલી છે તેના રોકાણકાર સરકારની પરવાનગી વિના અહીં રોકાણ કરી શકશે નહીં. મતલબ કે ચીન, બાંગ્લાદેશ અને પાકિસ્તાનના રોકાણકારો અથવા કંપનીઓને જો ભારતમાં રોકાણ કરવું હશે તો સરકારની પરવાનગી લેવી પડશે. આ જાણકારી DPIITએ આપી છે. સરકારના આ નિર્ણયની અસર ચીનના રોકાણકારો પર થશે. અત્યાર સુધી માત્ર બાંગ્લાદેશ અને પાકિસ્તાનમાંથી આવનાર FDI માટે સરકારની પરવાનગી લેવી પડતી હતી.