સુરતીઓની દુનિયા Archives - Page 32 of 76 - CIA Live

તા.21મી ઓક્ટોબર 2020ની રાત્રે સુરત ભાજપાના ઉપપ્રમુખ અને પૂર્વ ઇન્કમટેક્સ અધિકારી પી વી એસ શર્માનેના નિવાસે Income Tax ડિપાર્ટમેન્ટે કરેલી કાર્યવાહીના ઘેરાપ્રત્યાઘાત આપતા પી.વી.એસ. શર્મા આજે તા.22મી ઓક્ટોબરે સવારે રસ્તા પર જ ધરણા પર બેસી ગયા હતા. તેમણે આરોપ મૂક્યો હતો કે તેમની સામે બદલાની રાજનીતિ થઇ રહી છે અને તેમને મળેલા મૌલિક અધિકારોનું હળાહળ હનન થઇ રહ્યું છે. ઇન્કમ ટેક્સ ડિપાર્ટમેન્ટે સુરત પોલીસની ટીમને પણ સાથે રાખી હતી.

પોતાના નિવાસની બહાર જ રોડ પર ધરણા પર બેસી ગયેલા પીવીએસ શર્માએ મિડીયાકર્મીઓને કહ્યું હતું કે હું મારી લડત આગળ ચલાવીશ. મારા મૌલિક અધિકારોનું હનન કરવામાં આવી રહ્યું છે. હું મારો અવાજ નહીં દબાવી દેવાના થઇ રહેલા પ્રયાસોથી વિપરીત હું લડત ચાલુ રાખીશ. તેમણે આક્ષેપ કર્યો કે ઇન્કમટેક્સની કાર્યવાહી દરમિયાન છેલ્લા 10 કલાકથી મોબાઇલ ફોન પણ જપ્ત કરી લેવાયો છે. મને વાત કરવા દેવામાં આવતી નથી. ક્યા કાયદા હેઠળ મને આ પ્રકારે વાત કરવા દેવામાં આવી રહી નથી. મારા સમયમાં હું 300 રેડ પાડી ચૂક્યો છું, મને ખબર છે કે કેવી રીતે કાર્યવાહી થાય છે.

આઇ.ટી.ની કાર્યવાહીથી નારાજ પીવીએસ શર્માએ મિડીયા કર્મીઓને જણાવ્યું હતું કે તેમને આપવામાં આવેલી નોટિસનો જવાબ આપવા માટે તા.27 ઓક્ટોબરે કચેરી આવવા જણાવ્યું હતું. આમ છતાં એ પહેલા તા.21મીની રાત્રે રેડ પાડવાની શું જરૂર હતી. મારી પાસે જે ડોક્યુમેન્ટ છે જે આ લોકોના ભ્રષ્ટાચારને ઉજાગર કરી શકે છે, તેનાથી એ લોકો ફફડી રહ્યા છે. તા.21મી ઓક્ટોબરની રાત્રે 10:30થી 22મી ઓક્ટોબરે સવારે 5 વાગ્યા સુધી ઇન્કમટેક્સ વિભાગે પીવીએસ શર્માના ઘરે સર્ચ કર્યું હતું. પીવીએસ શર્માએ કહ્યું કે તેમણે આઇટી કાર્યવાહીમાં સહયોગ આપ્યો છે. તેમણે કહ્યું કે હું પણ પૂર્વ અધિકારી છું અને 300 જેટલી રેડ પાડી ચૂક્યો છું જેથી મને પણ ખ્યાલ છે કે કાયદો કઈ રીતે કામ કરે છે.

નોટબંધી બાદ જ્વેલર્સે કરેલા વેપાર સામે પીવીએસ શર્માએ આંગળી ઉઠાવી અને વિવાદ શરૂ થયો

પૂર્વ ઇન્કમટેક્સ અધિકારી પીવી શર્માએ બે દિવસ અગાઉ મંગળવારે ટ્વીટર હેન્ડલ પર નોટબંધી દરમિયાન એક જવેલર્સ દ્વારા કરાયેલા કરોડો રૂપિયા વ્યવહારો અંગે પોસ્ટ મૂકી હતી. પીવીએસ શર્માએ વડાપ્રધાન નરેન્દ્ર મોદી અને નાણામંત્રીને ટ્વીટ કરી ED અને CBI તપાસની માંગ કરી હતી. એ પછી કોંગ્રેસના નેતા અર્જુન મોઢવાડીયાએ પણ આ મુદ્દો પકડીને સીધા જ્વેલર્સના નામ સાથે ટ્વીટ કરતા મામલો બિચક્યો હતો.

આ ઘટના ક્રમ આગળ વધતા તા.21મીએ મોડી રાત્રે સુરતના અત્યંત પોશ એરીયા, પીપલોદ નદી કિનારે સ્થિત ફોર સિઝન્સ નામના વૈભવી હાઇરાઇઝ એપાર્ટમેન્ટના સી વિંગના ચોથા માળે આવેલા પીવીએશ શર્માના નિવાસે પોલીસ બંદોબસ્ત સાથે આઈટી વિભાગના અધિકારીઓએ રેડ પાડી હતી.

Jayesh Brahmbhatt 98253 44944

ધ સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીઝ SGCCI ના વર્તમાન અધ્યક્ષ શ્રી દિનેશ નાવડીયા અને તેમની ટીમ આજરોજ તા.21મી ઓક્ટોબરે SGCCIનો 81મો સ્થાપના દિન શાનદાર રીતે ઉજવી રહી છે. આજે ચેમ્બર ઓફ કોમર્સના સ્થાપના દિને ચેમ્બર ઓફ કોમર્સના પૂર્વ પ્રમુખો સમેત ગણ્યમાન્ય ઉદ્યોગપતિઓ સાથે સ્નેહમિલન સમારોહનું પણ આયોજન કરવામાં આવ્યું હતું.

SGCCI has a strong base of more than 9000+ direct members, 100+ associations & indirect membership more than approx 65,000+ from a wide spectrum of trade and industry.

સ્થાપના દિને પ્રેસિડેન્ટ દિનેશ નાવડીયાએ સંકલ્પ વ્યક્ત કર્યો

SGCCI સધર્ન ગુજરાત ચેમ્બર ઓફ કોમર્સના વર્તમાન પ્રેસિડેન્ટ શ્રી દિનેશ નાવડીયાએ કહ્યું કે SGCCI એ સધર્ન ગુજરાત, સમગ્ર દક્ષિણ ગુજરાતનું કાર્યક્ષેત્ર ધરાવતી સંસ્થા છે. 81મા સ્થાપના દિને મારી ટેન્યોરે મેં અને મારી ટીમે સંકલ્પ કર્યો છે કે SGCCIની પ્રેઝન્સ એકલા સુરત શહેર કે જિલ્લામાં નહીં અને એકલા ટેક્સટાઇલ, ડાયમંડ કે બાંધકામ ઉદ્યોગમાં નહીં બલ્કે દક્ષિણ ગુજરાતમાં વિસ્તાર પામેલા દરેક પ્રકારના ઉદ્યોગો, ધંધાઓ, રોજગારોના પ્રશ્નોના નિરાકરણોમાં, નવીનતમ તકો સર્જવામાં, કામદારોના વેલ્ફેર વગેરેમાં જોવા મળશે.

દિનેશ નાવડીયાએ કહ્યું કે ચેમ્બર ઓફ કોમર્સ દરેક પ્રકારના ઉધોગ ધંધાના વેલ્ફેર માટે, પ્રશ્નોના નિરાકરણ માટે કટિબદ્ધ છે. અને અમે એ દિશામાં આગળ વધી રહ્યા છે. ચેમ્બરનું પ્લેટફોર્મ દરેક ઉધોગધંધાના વિકાસ માટે ઉપલબ્ધ બને એ માટે દક્ષિણ ગુજરાતમાં તબક્કાવાર રીતે તમામ ઉદ્યોગ ધંધાઓને સાંકળી લઇને આખું નેટવર્ક ઉભું કરવામાં આવશે.

આજે ચેમ્બરનો ૮૧મો સ્થાપના દિવસ.૨૧ ઓક્ટોબર, ૧૯૪૦ના રોજ માત્ર ૧૬ સભ્યોથી શરૂ થયેલી ચેમ્બર ઓફ કોમર્સ આજે ૯૫૦૦થી વધુ સભ્યો ધરાવે છે અને ૧૫૦થી વધુ એસોસિએશનોનું પીઠબળ ધરાવે છે. આ નિમિત્તે બુધવાર, તા. ૨૧ ઓક્ટોબર, ૨૦૨૦ના રોજ સાંજે ૬:૦૦ કલાકે પ્લેટીનમ હોલ, સુરત એક્ઝીબીશન એન્ડ કન્વેન્શન સેન્ટર, સરસાણા, સુરત ખાતે ચેમ્બરના હયાત તમામ ભૂતપૂર્વ પ્રમુખશ્રીઓ અને સ્વર્ગસ્થ ભૂતપૂર્વ પ્રમુખશ્રીઓના પરિવારજનોનો સન્માન સમારોહ આયોજિત કરવામાં આવ્યો છે. આ ઉપરાંત, ૮૧ મા સ્થાપના દિન નિમિત્તે ૮૧ નવા સભ્યો ચેમ્બરમાં ઉમેરાશે. પરંતુ સભ્ય બનવા માટેનો ઉત્સાહ તેની પરાકાષ્ઠાએ હોવાને કારણે ૧૧૨ આજીવન સભ્યો, ૧ પેટ્રન સભ્ય અને ૩ વાર્ષિક સભ્યો આમ કુલ ૧૧૬ સભ્યોને વિધિવત પ્રવેશ આપવામાં આવશે.

આ પ્રસંગે વાત કરતા ચેમ્બર ઓફ કોમર્સના પ્રમુખ શ્રી દિનેશભાઈ નાવડીયાએ જણાવ્યું હતું કે કોઈપણ સંસ્થાની મજબૂત ઈમારતના પાયામાં તેના શિલ્પીઓનો ફાળો ખૂબ અગત્યનો અને મહત્વનો રહેતો હોય છે. આજે તો ચેમ્બર ૪૦થી વધુ સભ્યોનો સ્ટાફ ધરાવે છે પરંતુ એક સમય એવો હતો જયારે માત્ર ત્રણ કર્મચારીઓ સાથે આ ચેમ્બરનું સંચાલન થતું હતું. પરંતુ જેમ જેમ વર્ષો વિતતા ગયા તેમ તેમ ચેમ્બરની પ્રવૃત્તિઓ વિસ્તરતા આવક વધતી ગઈ અને તેને કારણે સ્ટાફ અને ઈન્ફ્રાસ્ટ્રક્ચર પણ વધતું ગયું. જેના કારણે આજે આ નાનકડો છોડ મોટું વૃક્ષ બની ગયું છે.

ચેમ્બર ઓફ કોમર્સના ઉપ પ્રમુખ શ્રી આશીષભાઈ ગુજરાતીએ જણાવ્યું

ચેમ્બર ઓફ કોમર્સના ઉપ પ્રમુખ શ્રી આશીષભાઈ ગુજરાતીએ આ દિવસે પોતાના દિલની વાતો કરતા જણાવ્યું હતું કે આ ચેમ્બર એક એવી ચેમ્બર છે કે ૮૦ વર્ષ પૂરા થઇ ગયા હોવા છતાં પણ તેને રાજકીય રંગ લગાડવાનો પ્રયાસ કોઈએ કર્યો નથી. એટલું જ નહિ, રાજકીય પક્ષોએ પણ પુખ્તતા રાખીને ચેમ્બરમાં રાજકારણને લાવવાનો પ્રયાસ કર્યો નથી. તેથી આ ચેમ્બર સમગ્ર દક્ષિણ ગુજરાતમાં સર્વસ્વીકૃત બિનરાજકીય ઔદ્યોગિક સંગઠન બની શકી છે.

ચેમ્બર ઓફ કોમર્સના મંત્રી શ્રી નિખિલભાઈ મદ્રાસીએ જણાવ્યું….

ચેમ્બર ઓફ કોમર્સના મંત્રી શ્રી નિખિલભાઈ મદ્રાસીએ જણાવ્યું હતું કે સંસ્થાના સ્થાપના કાળના મહાજનોએ સંસ્થાને આર્થિક રીતે પગભર કરવા માટે ફરી ફરીને પોતાની ઝોળીઓ ફેલાવી હતી. એટલે એમના પ્રદાનને ક્યારેય પણ ભૂલી શકાય જ નહિ. ચેમ્બરે એક્ઝીબીશનની શરૂઆત વનિતા વિશ્રામના પ્રાંગણમાંથી કરી હતી અને ત્યારે સ્ટોલ ભેગા કરવા માટે તે સમયના પ્રમુખ અને હોદ્દેદારો સંસ્થાએ સંસ્થાએ ફરતા અમોએ જોયા છે. અનેક તકલીફો વચ્ચે જાતે શારીરિક શ્રમ કરીને આ એક્ઝીબીશનોને સફળ બનાવવાના પ્રયત્નો થયા હતા. જેને કારણે આજે સમગ્ર ભારતના એકમાત્ર ૧,૧૬,૦૦૦ સ્ક્વેર ફૂટના પિલરલેસ ડોમમાં અમો એક્ઝીબીશનનું આયોજન કરી શકીએ છીએ. જેને માટે ભૂતકાળના શિલ્પીઓએ નાંખેલો મજબૂત પાયો જવાબદાર છે.

ચેમ્બર ઓફ કોમર્સના વર્તમાન ખજાનચી શ્રી મનીષભાઈ કાપડિયાએ જણાવ્યું

ચેમ્બર ઓફ કોમર્સના વર્તમાન ખજાનચી શ્રી મનીષભાઈ કાપડિયાએ જણાવ્યું હતું કે અમે તો ખૂબ યુવાન છીએ. અમે અમારા વડીલોને કામ કરતા જોઈ જોઇને શીખ્યા છે. અને એમના રસ્તે આગળ વધી રહ્યા છીએ. સંસ્થાન સ્થાપના કાળના મહાનુભાવોએ કરેલા સંઘર્ષની અમે કલ્પના પણ નથી કરી શકતા. માત્ર આ તકે તેઓને લાખ લાખ સલામ કરીએ છીએ. જેઓ સ્વર્ગસ્થ થયા છે તેઓના આશીર્વાદ અમોને અવિરત મળ્યા જ કરે અને જેઓ હજી પણ કાર્યરત છે તેવા ભૂતપૂર્વ પ્રમુખો અમને પ્રેરણાના પીયુષ સતત પૂરા પાડ્યા જ કરે એવું અમો ઈચ્છીએ છીએ.

સ્થાપના દિને યોજાયો સ્નેહમિલન સમારોહ

SGCCIના આજે 81માં સ્થાપના દિવસે ચેમ્બરના વર્તમાન વહીવટકર્તાઓ પ્રમુખ શ્રી દિનેશ નાવડીયા, ઉપપ્રમુખ શ્રી આશિષ ગુજરાતી, સેક્રેટરી શ્રી નિખીલ મદ્રાસી અને ખજાનચી શ્રી મનિષ કાપડીયા અને તેમની ટીમ દ્વારા ચેમ્બરના માનવંતા પૂર્વ પ્રમુખો તેમજ ગણ્યમાન્ય ઉદ્યોગપતિઓ સાથે એક સ્નેહમિલન સમારોહનું આયોજન સાંજે કર્યું છે.

Principal Objectives

The Southern Gujarat Chamber of Commerce and Industry shall strive to be a world class Chamber of Commerce by:

• Representing views of Trade and Industry to various levels of Government
• Networking Global Trade and commerce to benefit  members.
• To promote Quality Systems in the Trade and Industry that meet world class levels and standards.
• Promoting Trade and Industry Internationally through linkages.
• Instituting Recognition Schemes for Individuals and Companies to promote excellence.
• To upgrade technical know-how in the Trade and Industry through various Seminars, Conferences and Workshops.

જયેશ બ્રહ્મભટ્ટ 98253 44944

NEET-JEE જેવી પરીક્ષાઓમાં પ્રોફેશનલ ટિચીંગના બહાને ધો.11-12 સાયન્સના વાલીઓના બેથી અઢીલાખ રૂપિયા ખંખેરી લેતા ધંધાદારી કોચિંગ ક્લાસીસો ને સુરતની આશાદીપ ગ્રુપ, પીપી સવાણી સ્કુલ, ભૂલકાભવન, ભૂલકા વિહાર જેવી સાયન્સ સ્કુલોએ ધોબીપછાડ આપી છે. 2020માં NEET-JEE પરફોર્મન્સમાં કોચિંગ ક્લાસીસો કરતા સુરતની સ્કુલોનું પરફોર્મન્સ જબરદસ્ત જોવા મળ્યું છે તેમાં પણ આશાદીપ ગ્રુપ ઓફ સ્કુલ્સના 14 જેટલા વિદ્યાર્થીઓ 600 પ્લસ સ્કોર નીટમાં લાવી ચૂક્યા છે. જેઇઇ મેઇન્સ અને એડવાન્સ્ડમાં પણ આશાદીપ સ્કુલના વિદ્યાર્થીઓએ ડંકો વગાડ્યો હતો.

ધો.11-12 સાયન્સમાં NEET-JEE માટે પ્રાઇવેટ કોચિંગની જગ્યાએ સ્કુલોમાં જ એડમિશન લેવાનો આગ્રહ રાખો

સુરત શહેરના વાલીઓ અને વિદ્યાર્થીઓને ખાસ જણાવવાનું કે ધો.11-12 સાયન્સમાં NEET-JEEના ખાનગી કોચિંગ ક્લાસીસોની જગ્યાએ રેગ્યુલર સ્કુલમાં જ પ્રવેશ મેળવવો જોઇએ. હાલમાં જે પરફોર્મન્સ આવ્યા છે તેમાં કોચિંગ ક્લાસીસો કરતા સ્કુલના પરફોર્મન્સ ઉજળા છે.

આશાદીપ ગ્રુપ ઓફ સ્કુલ્સ અનબિટન

છેલ્લા એક દાયકાથી વધુ સમયથી સુરત શહેર જ નહીં બલ્કે સમગ્ર ગુજરાતમાં ધો.12 સાયન્સ કોમર્સના પરીણામમાં એકચક્રી શાસન કરી રહેલા સુરતની આશાદીપ ગ્રુપ ઓફ સ્કુલ્સના વિદ્યાર્થીઓ હવે જેઇઇ અને નીટ જેવી નેશનલ એન્ટ્રન્સ ટેસ્ટના પરફોર્મન્સમાં પણ અનબિટન બની રહ્યા છે. નીટ-2020ના પરીણામ બાદ આશાદીપ આઇ.આઇ.ટી.ના એક સાથે 14 વિદ્યાર્થીઓએ 600 પ્લસ સ્કોર કરીને રેકોર્ડ સર્જી દીધો છે.

• 1. હિંગરાજીયા પ્રિયલ – 691
• 2. સાવલિયા ખુશી – 639
• ૩. ધામેલીયા રાજ – 633
• 4. કાછડિયા સ્મિત – 633
• 5. બલદાણીય હાર્દિક – 625
• 6. ગજેરા દિક્ષિત – 618
• 7. લખાણી ધ્રુમિત – 616
• 8. ઉંધાડ કેલ્વીન – 615
• 9. માવાણી તૃષિત – 614
• 10. ભાલાળા સ્મિત – 608
• 11. પટેલ હર્ષ – 604
• 12. ખોયાણી પ્રેશીતા – 603
• 13. કાકડિયા જય – 602
• 14. મકવાણા લલિત -600

નીટ 2020માં સુરત સમેત દક્ષિણ ગુજરાતમાં 691નો સર્વોચ્ચ સ્કોર ધરાવતા આશાદીપ સ્કુલના વિદ્યાર્થી પ્રિયલ જીતુભાઇ હિગરાજીયાની તસ્વીર

તા.16મી ઓક્ટોબરે રાત્રે આઠ વાગ્યા બાદ જાહેર થયેલા નીટ 2020 પરીક્ષાના પરીણામમાં રાત્રે 10 કલાકે મળેલી લેટેસ્ટ માહિતી મુજબ આશાદીપ ગ્રુપ ઓફ સ્કુલ્સના ધો.12 સાયન્સ બાયોલોજીના વિદ્યાર્થી હિગરાજીયા પ્રિયલ જીતુભાઇએ 720માંથી 691નો સ્કોર હાંસલ કરીને સમગ્ર સુરત શહેર તેમજ ગુજરાતમાં અનબિટન સ્કોર કર્યો છે. નીટ 2020ના પરીણામો ધીરે ધીરે બહાર આવી રહ્યા હોઇ, સ્કુલ સંચાલકો દ્વારા કોઇ જ દાવો કરાયો નથી કે તેમની સ્કુલનો વિદ્યાર્થી ટોપર છે પરંતુ, સી.આઇ.એ. લાઇવ અને શિક્ષણ સર્વદાને મળેલી પ્રાથમિક માહિતી મુજબ સુરત શહેર જિલ્લામાં હજુ સુધી નીટ 2020માં 691થી વધુ સ્કોર ધરાવતા વિદ્યાર્થીની માહિતી બહાર આવી નથી.

કૌશલ વિદ્યાભવનના કૌશલ ભાયાણીએ 640 સ્કોર કર્યો

સુરતમાં વરાછા રોડ પર આવેલા કૌશલ વિદ્યાભવનના વિદ્યાર્થી કૌશલ ભાયાણીએ નીટ 2020માં 720માંથી 640 સ્કોર કર્યો હોવાની માહિતી શાળાના આચાર્ય શ્રી હરેશભાઇએ આપી હતી.

જેઇઇ એડવાન્સ્ડમાં પણ આશાદીપ ગ્રુપ અવ્વલ રહ્યું હતું

NEET માં 640 પ્લસ સ્કોર ધરાવતા હોય તેવા વિદ્યાર્થીઓની માહિતી તેમના સ્કોર કાર્ડ અને ફોટા સાથે 98253 44944 પર વ્હોટ્સ એપ કરવા વિનંતી, જેથી તેમને અહેવાલમાં સમાવી શકાય

• 4/10 એ સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીઝના વાઇસ પ્રેસિડેન્ટ તરીકે આશિષ ગુજરાતી ચૂંટાઇ આવ્યા
• 5/10 એ સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીઝ SGCCIની AGM
• 6/10 એ વિજયી મૂહૂર્તમાં સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીઝ SGCCI દિનેશ નાવડીયાની ટીમ ચાર્જ ગ્રહણ કરશે
• 7/10 બુધવારે 7/10 બુધવારે પ્લેટીનમ હોલ ખાતે સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીઝ SGCCI નવા પ્રમુખ તરીકે દિનેશ નાવડીયા માટે ઇન્સ્ટોલેશન સેરેમની
• દિનેશ નાવડીયાની ટીમમા વાઇસ પ્રેસિડેન્ટ તરીકે આશિષ ગુજરાતી, સેક્રેટરી તરીકે નિખીલ મદ્રાસી અને ખજાનચી તરીકે મનીષ કાપડીયા ચાર્જ ગ્રહણ કરશે

Jayesh Brahmbhatt 98253 44944

સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીઝ SGCCIના નવા પ્રેસિડેન્ટ તરીકે દિનેશ નાવડીયા આગામી તા.7મી ઓક્ટોબરને બુધવારે સત્તાવાર રીતે ચાર્જ લેશે. દિનેશ નાવડીયા સાથે તેમની સમગ્ર ટીમનો પદગ્રહણ સમારોહ પ્લેટિનમ પ્લાઝા ખાતે યોજાશે. દિનેશ નાવડીયાને એક મહિના માટે સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીઝ SGCCIના ઇન્ચાર્જ પ્રેસિડેન્ટ બનાવાયા હતા એ સમય દરમિયાન જ તેમણે ચેમ્બર ઓફ કોમર્સની પ્રવૃત્તિઓને એવી ધમધમાવી દીધી હતી કે તેમના વિરોધી જૂથે તરકટ રચીને પ્રમુખ પદથી દૂર રાખવાના પ્રયાસો કરી જોયા હતા. પરંતુ, વિરોધીઓની એકેય કારી કારગત નિવડી ન હતી.

આજરોજ તા.4 ઓક્ટોબર 2020ના રોજ સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીઝ SGCCI વાઇસ પ્રેસિડેન્ટ પદની ચૂંટણીમાં આશિષ ગુજરાતીનો વિજય થયા બાદ આવતીકાલ તા.5મી ઓક્ટોબર 2020ના રોજ વર્તમાન પ્રેસિડેન્ટ કેતન દેસાઇએ સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીઝ SGCCIની એન્યુઅલ જનરલ મિટીંગ ઝુમ એપ્લિકેશન પર યોજી છે.

સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીઝ SGCCI વાઇસ પ્રેસિડેન્ટની ચૂંટણીમાં આશિષ ગુજરાતી વિજયી

અપેક્ષા મુજબ જ સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીઝ SGCCIના વાઇસ પ્રેસિડેન્ટ પદ માટેની ચૂંટણીમાં આશિષ ગુજરાતીનો વિજય થયો હતો. સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીઝ SGCCI વિતેલા વર્ષથી જ દિનેશ નાવડીયા અને બીએસ અગ્રવાલની બનેલી ધરી શક્તિશાળી નિવડી છે અને સતત બીજા વર્ષે દિનેશ નાવડીયા જૂથે વાઇસ પ્રેસિડેન્ટ પદની ચૂંટણી જીતી લીધી છે. જે રીતે પ્રચારમાં બન્ને ઉમેદવારો આશિષ ગુજરાતી અને મિતીશ મોદી વચ્ચે કાંટાની ટક્કર હોવાનો પ્રભાવ ઉભો કરાયો હતો એનાથી વિપરીત આશિષ ગુજરાતીએ આસાનીથી અને મોટા માર્જિન સાથે સધર્ન ગુજરાત ચેમ્બર ઓફ કોમર્સ એન્ડ ઇન્ડસ્ટ્રીઝ SGCCI વાઇસ પ્રેસિડેન્ટ પદ માટેની ચૂંટણી જીતી લીધી છે.

આશિષ ગુજરાતીની જીત નિશ્ચિત હતી

SGCCIની 2022ની લિડરશીપ માટે અભ્યાસુ ઉદ્યોગપતિ આશિષ ગુજરાતીએ 2019માં જ બેઝ તૈયાર કરી દીધો હતો

સોમવારે 5/10 એ ચેમ્બરની AGM