સંતાન પ્રાપ્તિની ટ્રીટમેન્ટ માટે આવેલી શહેરની એક પરણિતા સાથે દુષ્કર્મ કર્યાની પોલીસ ફરીયાદ જેની સામે નોંધાયેલી છે એ સુરતના નાનપુરાની મી એન્ડ મમ્મી હોસ્પિટલના ડો. પ્રફુલ દોશી આજે ત્રીજા દિવસે પણ પોલીસની પહોંચની બહાર છે. પોલીસ કાર્યવાહીથી સંતાતા ફરતા ડો.પ્રફુલ દોશીને શોધવા માટે પોલીસ તમામ પ્રયાસો કરી રહી છે. ડો. પ્રફુલ દોશી દંપતિ સાથે ઘરોબો ધરાવતા લોકો સુધી પોલીસે પહોંચીને કોઇપણ સંજોગોમાં તેમને હાજર કરાવવા માટે ચીમકીઓ આપી દીધી છે. અલબત્ત હજુ સુધી ડો.પ્રફુલ દોશીએ પોલીસમાં હાજર થવા અંગે કોઇ હરકત કરી નથી. ડો.નિરવ શાહ અને ડો.રૂપલ શાહે ડો. દોશીને કારણે મુશ્કેલીમા મૂકાવું પડ્યું છે. બે દિવસથી પોલીસે બન્નેની આકરી પૂછપરછ કરી છે અને હજુ પણ તેમના પર પ્રેશર છે કે તાત્કાલિક ડો. પ્રફુલને હાજર કરાવે અન્યથા આકરી પોલીસ કાર્યવાહીનો સામનો કરવો પડશે.

ડો.પ્રફુલ દોશી સામેના પોલીસ કેસ અંગે શહેરના તબીબ આલમમાં ઘેરા પ્રત્યાઘાત પડ્યા છે. તબીબોમાં મોરલ એથિક્સના મુદ્દે ડો.પ્રફુલ દોશીના મુદ્દે બે ફાડચા પડી ગયા છે. તબીબો માને છે કે જો ડો. પ્રફુલ દોશી નિદોર્ષ હોત તો તેમણે પોલીસ કાર્યવાહીથી સંતાવાને બદલે તેનો સામનો કરવો જોઇતો હતો. તેની જગ્યાએ ત્રણ દિવસથી લાપતા બનીને ડો.પ્રફુલ દોશીએ એ શંકાને બળવતર બનાવી છેકે તેઓ કસૂરવાર છે.

ગઇકાલ તા.7મી સપ્ટેમ્બરે પોલીસે ડો.નિરવ શાહની પૂછપરછ કરી હતી આજે સૂત્રોએ આપેલી માહિતી મુજબ ડો.નિરવ શાહના પત્ની ડો.રૂપલ શાહની પોલીસે ઘનિષ્ઠ પૂછપરછ કરી હોવાની વિગતો જાણવા મળી છે. ડો.રૂપલ શાહ અને ડો.દોશી દંપતિ એક જ પ્રીમાઇસીસમાં કન્સલ્ટીંગ ધરાવવા સાથે અમૂક બિઝનેસમાં પાર્ટનર હોવાનું જાણવા મળે છે.

ડો.રૂપલ શાહ કે ડો.નિરવ શાહ જાણે છે કે ડો.પ્રફુલ દોશી ભૂગર્ભમાં કયા સ્થળે છૂપાયા હોઇ શકે. મિડીયા રિપોર્ટ પ્રમાણે ડો.દોશી મુંબઇ કે ઉત્તર ગુજરાત તરફ હોવાની શંકા છે, અલબત્ત તેમના વિષે પોલીસ કોઇ ચોક્કસ માહિતી મેળવી શકી નથી.

બીજી તરફ ભોગ બનેલી પરણિતાને ન્યાય અપાવવા માટે પ્રજાપતિ સમાજ સામે આવ્યો છે. તા.7મી સપ્ટેમ્બરે પોલીસ તંત્રમાં રજૂઆતો કર્યા બાદ પ્રજાપતિ સમાજના આગેવાનોએ સમાજની એક મિટીંગ અમરોલીમાં બોલાવી છે. જે અંગે મિડીયામાં આ પ્રમાણે મેસેજ વાઇરલ થયા છે.

ગોંડલની 26 પેઢી, જામનગરની-2, ઉંઝા-2 મહેસાણા-2, ખેડબ્રહ્મા, પાટણ, સિધ્ધપુર, સુરત, ડીસાની 1-1 પેઢી મળી કુલ 46 સ્થળોએ તપાસ

સુરતની કુંભટ એડ પ્રા.લી.માંથી 540 કરોડના બેનામી વ્યવહારો ઝડપાયાં છે. જ્યાં સર્વિસ ટેકસ ન ભરી કૌભાંડ આચરવામાં આવ્યાનું બહાર આવ્યું છે. આ પેઢીના કર્મચારીઓને ત્યાં પણ વ્યાપક દરોડા પાડી તપાસ કરવામાં આવી છે. ઉતર ગુજરાત અને સૌરાષ્ટ્રનાં મળી 46 સ્થળોએ સ્ટેટ જીએસટી દ્વારા પાડવામાં આવેલાં દરોડામાં એક હજારથી વધુનું બોગસ બિલિંગ કૌભાંડ ઝડપાયું છે. આ દરોડામાં 26 પૈકી તો એકલાં ગોંડલની છે. જામનગરની બે મળી સૌરાષ્ટ્રની 28 અને ડીસા-ઉંઝા, પાટણની 15 પેઢીઓ પર તવાઇ ઉતારવામાં આવી છે.

જાણવા મળ્યાં મુજબ સુરતની કુંભટ એક કંપનીનું જ 500 કરોડનું બેનામી વ્યવહારોનું ષડયંત્ર ખુલ્યું છે. આમ સુરતનો હિસ્સો આ કૌભાંડમાં એક જ પેઢી હોવા છતાં 50 ટકા થયો છે.

સ્ટેટ જીએસટીની અન્વેષણ વિંગે જુન-2018માં કેસ્ટર અને મસ્ટર્ડ ઓઇલ સંદર્ભે દરોડાની કાર્યવાહી કરેલ હતી. જે સંદર્ભે તાજેતરમાં ર્ગેંડલ ખાતેના 26 તથા ડીસા-ઉંઝા-પાટણના 15 સહિતના કુલ 46 સ્થળોએ દરોડાની કાર્યવાહી હાથ ધરવામાં આવી છે. તપાસમાં બ્રોકર અને હિસાબનીશના સ્થળોનો પણ સમાવેશ થાય છે. દરોડાની કામગીરી સંખ્યાબંધ દસ્તાવેજો કબજે કરાયા છે. હિસાબનીશના ગોંડલ ખાતેના સ્થળેથી પણ સંખ્યાબંધ હિસાબી સાહિત્ય જપ્ત કરવામાં આવ્યું છે.

આ સમગ્ર પ્રકરણે અંદાજે રૂ.1000 કરોડથી વધુનું બોગસ બિલીંગ ઝડપાયું છે, જેમાં વેરાની મોટી રકમ સંડોવાયેલ છે. અત્રે ઉલ્લેખનીય છે કે, અગાઉની તપાસમાં મે.ખુશીયા ઇન્ડસ્ટ્રીઝ પ્રા.લી.રસાણા, ડીસાના કેસમાં રૂ.20 કરોડની ખોટી ટેક્સ ક્રેડિટ મળી આવી હતી. જેના અનુસંધાને કંપનીની મિલકતો ઉપર ટાંચ મુકી આગળની કાર્યવાહી હાથ ધરવામાં આવી છે.

બોગસ બિલીંની મોડસ ઓપરંડી મુજબ, એડીબલ અને નોન-એડીબલ ઓઇલના બિલ વિના થયેલાં વેંચાણો સામે બિલો મેળવી તેની સકામે વેપારીઓની જરૂરિયાત મુજબ બિલો ઇસ્યુ કરવામાં આવે છે. આમ, જે વેપારીને માલનું ખરેખર વેચાણ કરવામાં આવેલ હોય તેણે બિલ મેળવવું ન હોય એને તે અન્વયેનું બિલ, બિલીંગ ઓપરેટરો એટલે કે બોગસ પેઢીઓને વેચી દઇ, બિલીંગ ઓપરેટરો દ્વારા અન્ય જે વેપારીને બિલની જરૂર હોય તેને બિલનું વેચાણ કરવામાં આવે છે.

આ ઉપરાંત રાઇસ બ્રાન્ડ ઓઇલની ગુજરાત બહારથી ખરીદી કરી તેને બિલ વિના વેચી ટેક્સ ક્રેડિટ લઇ તેની સામે વેચાણ ઇનવોઇસ ઇસ્યુ’ કરવામાં આવતા હોવાનું પણ પકડાયું છે.

ઉંઝા ખાતેના બ્રોકર હાર્દિક કોર્પોરેશન તથા ડીસા ખાતેના ગણેશ કેન્વાસીંગને પણ તપાસમાં આવરી લેવામાં આવ્યા છે. જેમાં વાંધાજનક દસ્તાવેજો જપ્ત કરવામાં આવ્યાં છે. આ ઉપરાંત કર્ણાટક સ્ટેટ જીએસટી સાથેના સંયુક્ત ઓપરેશનમાં મોહન ઢાબા, મુ.બસાવાકલ્યાણ, જી.બિદરના સ્થળે પણ તપાસ હાથ ધરવામાં આવેલી.