430 સુરતી નાગરિકોએ વિધિવત રીતે અપનાવ્યો બૌદ્ધ ધર્મ

સુરતમાં ધર્મ પરિવર્તન માટે 500થી વધુ વ્યક્તિઓએ પાંચ વર્ષ પહેલા કલેકટરને અરજી કરી હતી કે બાદ્વધર્મ અંગિકાર કરવા માટેની મંજૂરી આપો   આ ધર્મ પરિવર્તન માટે આખરે પાંચ વર્ષ બાદ સરકારે 432 વ્યક્તિઓને બૌદ્ધધર્મ અંગિકાર કરવાની મંજૂરી આપી છે. જે સુરતના ઇતિહાસમાં પ્રથમ વખત ધર્મ પરિવર્તનની ઘટના બનશે.

આજરોજ તા.19 જાન્યુઆરીને શનિવારે સવારે  સુરત શહેરના ગોડાદરા ખાતે આવેલા મંગલ પાંડે કોમ્યુનિટી હોલ  ખાતે બૌદ્ધધર્મ દિક્ષા અંગિકાર કરવાનો સમારોહ અનેક લોકોની ઉપસ્થિતિમાં યોજાયો હતો. આ સમારોહમાં 430 વ્યકિતઓ બૌદ્ધધર્મ અપનાવ્યો હતો.  સુરતમાં પ્રથમ વખત આ પ્રકારનો સમારોહ યોજાયો હોઇ, સમગ્ર દેશ દુનિયામાં આ મુદ્દો ભારે ચર્ચાસ્પદ બનવા પામ્યો છે.

બૌદ્ધધર્મ દીક્ષા અંગિકાર સમિતિના સુરતના કન્વીનર એડવોકેટ પરીક્ષિત રાઠોડએ જણાવ્યું હતું કે ધર્મ પરિવર્તન કરવા કાયદાની લાંબી પ્રકિયા પૂર્ણ કરાયા બાદ સુરત જિલ્લા કલેકટર તરફથી ધર્મ પરિવર્તનની મંજૂરી પ્રાપ્ત થઇ છે. જે અંગેના પ્રમાણપત્રના વિતરણ માટે આ સમારોહનું આયોજન કરાયું છે.