કલેક્ટર ધવલ પટેલે સુડાની ટી.પી. 35 કુંભારીયા માટે ખેડૂતો સાથે મિટીંગ યોજી

સુરત કલેક્ટર ડો. ધવલ પટેલએ આજે ટ્વીટ કરીને એવી જાણકારી આપી હતી કે તેમણે સુડાના ચીફ એક્ઝિક્યુટિવ તરીકેની ફરજના ભાગરૂપે આજે સુડાની ટાઉન પ્લાનિંગ સ્કીમ નં.35 જેમાં કુંભારીયા, દેવધ, સણિયા-હેમાદ વગેરેના વિસ્તારોને આવરી લેવામાં આવ્યા છે. આ વિસ્તારોમાં ટી.પી. રોડ ખુલ્લા કરવા માટે સ્થાનિક ખેડૂતોની સાથે મંત્રણા જરૂરી હતી. કલેક્ટરે તેમની ટ્વીટમાં જણાવ્યું હતું કે ખેડૂતો સાથેની મિટીંગ ફળદાયી નિવડી છે. તેમણે સ્થળ પર ટી.પી. સ્કીમના નક્શાઓ તેમજ અન્ય બાબતોની પણ ચકાસણી કરી હતી. તેમણે ખેડૂતોને સમજાવ્યા હતા કે આ વિસ્તારમાં ટી.પી. સ્કીમના અમલીકરણને પગલે સમગ્ર વિસ્તારનો આયોજનબદ્ધ રીતે વિકાસ શક્ય છે. તેમણે આજની મિટીંગમાં ગામવાસીઓ તરફથી સાંપડેલા સહકારની કદર કરી હતી.