વિશ્વમાં સૌથી વધુ યુઝ થઈ રહેલા મેસેજિંગ એપ વોટ્સએપ પોતાના યુઝર્સ માટે નવું ફીચર લઈને આવ્યું છે. આ ફીચરમાં યુઝર્સ ફોન સ્ટોરેજમાંથી ડિલીટ કરેલા મીડિયા ફાઈલ્સને રી-ડાઉનલોડ કરી શકશે. વોટ્સએપના રિપોર્ટ મુજબ આ સેવા હાલ એન્ડ્રોઈડ યુઝર્સ માટે જ ઉપલબ્ધ કરાવવામાં આવશે અને નવા અપડેટ સાથે જ તેનો યુઝ કરી શકાશે.
નવા ફીચર અંતર્ગત જો તમે વોટ્સએપ ફોલ્ડરમાંથી કોઈ ઈમેજ, વીડિયો, વોઈસ મેસેજ તેમજ અન્ય મીડિયા ફાઈલ ડિલીટ કરી નાંખી હશે તો હવે તેને પરત મેળવવું સરળ બનશે. યુઝર્સ ત્રણ મહિના જૂની ફાઈલ્સ પણ વોટ્સએપ સર્વર પરથી ડાઉનલોડ કરી શકશે. જો કે આ સેવા મીડિયા ફાઈલ્સ પરુતી જ સિમિત રહેશે ટેક્સ્ટને તમે ડાઉનલોડ કરી શકશો નહીં.
અત્યાર સુધી જ્યારે રિસીવર કોઈ ફાઈલ ડાઉનલોડ કરી લેતો હતો તો તેને સર્વર પરથી હટાવી દેવાતી હતી, પરંતુ હવે વોટ્સએપ ત્રણ મહિના સુધી સર્વર પર રાખશે. જેથી યુઝર્સ ત્રણ માસ જૂની ઈમેજ, વીડિયો, વોઈસ મેસેજ અથવા અન્ય ફાઈલ્સને રી-ડાઉનલોડ કરી શકશે. જો કે આ ફાઈલ્સ મોકલનારે તેને ડિલીટ ના કરી હોય તો જ તે પરત ડાઉનલોડ કરી શકાશે.