152 સીટ મળે તો મહારાષ્ટ્રમાં BJP સાથે ગઠબંધનની શિવસેનાની તૈયારી

ભાજપ સાથેના પોતાના સંબંધોમાં ઉતાર-ચઢાવના વચ્ચે શિવસેનાએ મહારાષ્ટ્ર વિધાનસભાની આગામી ચૂંટણીમાં જો 152 સીટ મળે તો ભાજપા સાથે ગઠબંધનમાં લડવાની ઓફર રજૂ કરી છે. જોકે, ભાજપ હાઇકમાન્ડ કે મહારાષ્ટ્ર ભાજપાને શિવસેનાની આ ઓફર બાબતે ઝાઝો રસ પડતો નથી. શિવસેનાની ઓફર મુજબ મહારાષ્ટ્ર વિધાનસભાની કુલ 288 સીટોમાંથી તેઓ 136 સીટો પરથી જ ભાજપા લડી શકશે, તેમાંથી જેટલા પર જીત મેળવશે એ આંકડો 136થી ઓછો થશે અને શિવસેનાને મુખ્યમંત્રી પદ આપવું પડી શકે. શિવસેનાનો આ નિર્ણય ઉદ્ધવ ઠાકરેના રાજકીય લક્ષ્યાંકો અનુસાર મુખ્યમંત્રી પદનો ઉમેદવાર તેમના પક્ષનો હોય.

આ સપ્તાહની શરૂઆતમાં માતોશ્રીમાં ભાજપ પ્રમુખ અમિત શાહ સાથેની બેઠક દરમિયાન ઉદ્ધવ ઠાકરેએ અમિત શાહ સમક્ષ શિવસેનાને 152 બેઠકો આપવાનો પ્રસ્તાવ મૂક્યો હતો. એક અહેવાલ મુજબ શાહે ઠાકરેના આ પ્રસ્તાવ પર કહ્યું હતું કે તે ટૂંક સમયમાં મુલાકાત કરશે અને ત્યારબાદ બેઠકોની વહેંચણી પર કોઈ ફોર્મ્યુલા બનાવી ચર્ચા કરશે.

ભાજપની નીતિ શિવસેનાને 130થી વધુ બેઠકો નહીં આપવા અંગેની

રાજ્યસભા ચૂંટણીમાં ભાજપ શિવાસેનાને 130થી વધુ બેઠકો નહીં આપી શકે. અમિત શાહે ભાજપના નેતાઓ, સભ્યો અને ધારાસભ્યોને કહ્યું છે કે તેઓ લોકસભા અને વિધાનસભા ચૂંટણીઓમાં એકલા ઉતરવાની પણ તૈયારી રાખે. તો બીજી તરફ શિવસેનાના એક નેતાએ જણાવ્યું હતું કે, ઠાકરેની આ નવી ફોર્મ્યુલા મહારાષ્ટ્રમાં પાર્ટીની તાકાત વધારવા માટે અપનાવવામાં આવી છે.