‘રેસ-3’ સાથે સલમાન ખાન ફિલ્મ ડિસ્ટ્રીબ્યૂટર બનશે

સુપરસ્ટાર સલમાન ખાન તેની આગામી ઈદ પર રીલિઝ થઈ રહેલી ફિલ્મ રેસ-3 સાથે ફિલ્મ ડિસ્ટ્રીબ્યુશનના બિઝનેસમાં પણ ઝંપલાવશે.

સલમાને ફિલ્મ બજરંગી ભાઈજાન સાથે ફિલ્મ પ્રોડક્શન પણ શરૂ કર્યું હતું અને સલમાન ખાન ફિલ્મનું બેનર બનાવ્યું છે. રેસ-3માં સલમાનખાન સહ નિર્માતા તો છે જ અને હવે સલિમ ખાનના નામે તે આ ફિલ્મનું ડિસ્ટ્રીબ્યુશન કાર્ય પણ સંભાળશે. સલમાનના પિતા સલિમ ખાન પોતે પણ આ બિઝનેસ પર નજર રાખી રહ્યા છે.

સલમાનની આગામી મલ્ટિસ્ટારર ફિલ્મ માટે બે ડિસ્ટ્રીબ્યૂટર મેદાનમાં હતા પણ આ ફિલ્મનું ડિસ્ટ્રીબ્યુશન સલમાને પોતે જ કરવાનું નક્કી કર્યું છે. આ ફિલ્મનું ટ્રેઈલર અને એક સોંગ રીલિઝ થઈ ગયું છે અને તેને ખુબ જ સારો પ્રતિસાદ પણ સાંપડ્યો છે તે જોતા ઈદના તહેવારે રીલિઝ થનારી આ થ્રિલર ફિલ્મને સારો પ્રતિસાદ મળવાની સંભાવના છે.

આ ફિલ્મ રેમો ડિસુઝાએ ડિરેક્ટ કરી છે અને રમેશ તોરાની આ ફિલ્મના સહ નિર્માતા છે.