WHO : વુહાનની લેબને કલીનચીટ

કોરોના વાઈરસ પ્રાણીમાંથી માનવીમાં દાખલ થયો હોય શકે તેવી સંભાવના ડબ્લ્યૂએચઓ (વર્લ્ડ હેલ્થ ઓર્ગેનાઈઝેશન)ના નિષ્ણાતોએ મંગળવારે વ્યક્ત કરી હતી.

વૂહાનની લેબોરેટરીમાંથી વાઈરસ ભૂલથી અથવા જાણીબૂઝીને લીક થયો હતો તેવી થિયરીને હૂની ટીમે નકારી કાઢી છે. ચીનના અને હૂના વૈજ્ઞાનિકોની એક ટીમ દ્વારા ૨૬ દિવસની વૂહાનની મુલાકાત પછી આવું તારણ આપ્યું હતું.

વિશ્ર્વ આરોગ્ય સંગઠન (વર્લ્ડ હૅલ્થ ઑર્ગેનાઇઝેશન)ના નિષ્ણાતોએ મંગળવારે જણાવ્યું હતું કે કોરોના વાઇરસ ચીનની પ્રયોગશાળામાંથી નહિ, પણ પ્રાણીમાંથી માનવોમાં ફેલાયો હોવાની શક્યતા છે.

વિશ્ર્વ આરોગ્ય સંગઠનના અન્ન સુરક્ષા અને પ્રાણીઓના રોગોને લગતા નિષ્ણાત પીટર બેન એમ્બારેકે મધ્ય ચીનના શહેર વુહાનની મુલાકાત બાદ આ સંભાવના વ્યક્ત કરી હતી. વિજ્ઞાનીઓની ટુકડી વુહાન શહેરમાં કોરોના વાઇરસના ઉદ્ગમસ્થાનની તપાસ કરી રહી છે.

ચીનના વુહાન શહેરમાં ૨૦૧૯ના ડિસેમ્બરમાં કોરોના વાઇરસનો પ્રથમ દરદી નોંધાયો હોવાનું કહેવાય છે.

વુહાન ઇન્સ્ટિટ્યૂટ ઑફ વાઇરોલોજીએ વાઇરસના નમૂના ભેગા કર્યા હોવાથી આ પ્રયોગશાળામાંથી કોરોના વાઇરસ ફેલાયો હોવાના સમાચાર ફેલાયા હતા.

નિષ્ણાત પીટર બેન એમ્બારેકે જણાવ્યું હતું કે અમને પ્રાથમિક અભ્યાસમાં કોરોના વાઇરસ કોઇ પ્રાણીમાંથી માનવોમાં ફેલાયા હોવાનું લાગે છે. થીજવેલા ખોરાકમાંથી કોરોના વાઇરસ માનવોમાં ફેલાયો હોવાની શક્યતા વધુ છે.

ચીનના કેટલાક સ્થળે વાંસમાં જોવા મળતા ઉંદરો અને કીડીઓ ખાતું ભીંગડાવાળું પ્રાણી પેન્ગોલિન જેવા પ્રાણીઓ ખોરાક તરીકે વપરાતા હોવાથી તેઓમાંથી કોરોના વાઇરસ માનવોમાં ફેલાયા હોવાની સંભાવનાની તપાસ થઇ રહી છે.