ઇથિયોપિયન યુવકના પેટમાંથી ૧૨૨ ખીલા, ૪ પિન અને કાચના ટુકડા સર્જરી કરીને કઢાયા

૩૩ વર્ષના એક યુવક પર ઇથિયોપિયાના ડૉક્ટરોએ તાજેતરમાં સર્જરી કરી હતી

છેલ્લાં દસ વર્ષથી માનસિક બીમારી ધરાવતા ૩૩ વર્ષના એક યુવક પર ઇથિયોપિયાના ડૉક્ટરોએ તાજેતરમાં સર્જરી કરી હતી. એડિસ અબાબા શહેરની સેન્ટ પીટર્સ સ્પેશ્યલાઇઝ્ડ હૉસ્પિટલમાં ડૉક્ટરોએ એક યુવકના જઠરમાંથી દસ સેન્ટિમીટરના ૧૨૨ ખીલા, ચાર પિન, ટૂથપિક્સ અને કાચના ટુકડા સર્જરી કરીને કાઢ્યાં હતાં. આ યુવકે બે વર્ષ પહેલાં જ માનસિક બીમારીની દવાઓ બંધ કરી હતી અને એ પછી તેનું કંઈ પણ ગળી જવાનું બંધાણ ખૂબ જ વકર્યું હતું. તે પાણી સાથે આવી ધારદાર ચીજો ગળી જતો હતો. છેલ્લાં બે વર્ષથી એ તેના પેટમાં હતી છતાં તેના જઠરમાં ચીરો કે કાણું પડવા જેવું નુકસાન નહોતું થયું. જોકે હવે આ સામાન તેના પેટમાં સડવા લાગ્યો હતો જેને કારણે પેટમાં દુખાવો થવાની ફરિયાદ સાથે તેને હૉસ્પિટલમાં લાવવામાં આવેલો.