BNI સુરતે વધુ એક ચેપ્ટર ‘લક્ષ્ય’ લોંચ કર્યું

સુરત, ઓક્ટોબર, 2018:બિઝનેસ નેટવર્ક ઇન્ટરનેશનલ (બીએનઆઇ) સુરતે 29મી જુલાઇ 2016ના રોજ સ્થાપના બાદ રેફરલ માર્કેટિંગ તરીકે ઓળખાતા સુપરલેટિવ ટેક્નો (ટેક્નોલોજી આધારિત નેટવર્કિંગ ઓર્ગેનાઇઝેશન)ના 16માં ચેપ્ટર બીએનઆઇ લક્ષ્યને આજે લોન્ચ કરવાની જાહેરાત કરી હતી. શહેરના ડુમસ રોડ ખાતે ટીજીબી હોટલમાં આયોજિત બીએનઆઇ લક્ષ્યના ભવ્ય લોન્ચ પ્રસંગે શહેરના 150થી વધુ અગ્રણી કારોબારીઓ ઉપસ્થિત રહ્યાં હતાં. ઉલ્લેખનીય છે કે બીએનઆઇ લક્ષ્ય ચેપ્ટરમાં 35થી વધુ સ્થાપક સભ્યો સામેલ છે, જેઓ ચેપ્ટર્સમાં વિવિધ  બિઝનેસ કેટેગરીનું પ્રતિનિધિત્વ કરે છે અને વિવિધ ક્ષેત્રોમાં કામગીરી ધરાવે છે.

મહત્વપૂર્ણ છે કે બીએનઆઇ સુરતે માત્ર બે વર્ષમાં જ કુલ 16ચેપ્ટર્સ લોન્ચ કર્યાં છે, જેમાંથી 7 ચેપ્ટર્સ 1100થી વધુ સભ્યો ધરાવે છે. આગામી મહિનાઓમાં બીએનઆઇ સુરત વધુ 7 ચેપ્ટર્સ લોન્ચ કરીને 350થી વધુ સભ્યોને ઉમેરવાનું લક્ષ્ય ધરાવે છે. બીએનઆઇ સુરતે સભ્યોને વિવિધ ક્ષેત્રો અંગે સમજ આપવા નોલેજ સિરિઝ તથા 74 દેશોમાં ટેક્નો – નેટવર્કિંગ દ્વારા કારોબાર વિસ્તરણમાં મદદરૂપ બનવા તથા માર્ગદર્શન આપવા બીએનઆઇ એક્ઝિમ ફોરમ અને દેશના 67 શહેરોમાં ટેક્સટાઇલ ક્ષેત્રે ઉપલબ્ધ તકો સાંપડવામાં મદદરૂપ બનવા બી2બી ટેક્સટાઇલ ફોરમ જેવી મહત્વપૂર્ણ પહેલ કરી છે, જેને સભ્યો તરફથી ખુબજ સારો પ્રતિસાદ સાંપડ્યો છે.

બિઝનેસ નેટવર્ક ઇન્ટરનેશનલ (બીએનઆઇ) વિશ્વનું સૌથી મોટું અને 35વર્ષ જૂનું રેફરલ ઓર્ગેનાઇઝેશન છે. સુરતના જાણીતા સીએ ગૌરવ વી. સંઘવી અને ડો. નીધિ સંઘવી બીએનઆઇ સુરતના એક્ઝિક્યુટિવ ડિરેક્ટર્સ છે.બીએનઆઇ સુરત વિવિધ ક્ષેત્રના હજારો કારોબારીઓને એક પ્લેટફોર્મ ઉપર લાવીને તેમને કારોબારમાં વૃદ્ધિ સાધવામાં મદદરૂપ બન્યું છે. બીએનઆઇ સકારાત્મક અભિગમ સાથે સભ્યોને સહયોગ આપે છે, જેની મદદથી તેઓને કારોબાર વિસ્તારવામાં મદદ મળે છે. બીએનઆઇની વિશેષતા એ છે કે પ્રત્યેક પ્રોફેશનના એક સભ્યને જ બીએનઆઇ ચેપ્ટરનું પ્રતિનિધિત્વ કરવા મળે છે.

-x-x-x-