ફ્રાન્સના મેક્રોને ઓસ્ટ્રેલિયાના PMના પત્નીને ‘સ્વાદિષ્ટ’ કહ્યા

ફ્રાન્સના રાષ્ટ્રપતિ મેક્રોનની તાજેતરના તેમના ઓસ્ટ્રેલિયાના પ્રવાસમાં એક સંયુક્ત પ્રેસ કોન્ફરન્સમાં ઓસ્ટ્રેલિયાના વડાપ્રધાન ટર્નબુલ તેમજ તેમના પત્નીની મહેમાનગતિના વખાણ કરવા જતા તેમની જીભ લપસી હતી. ફ્રાન્સના રાષ્ટ્રપતિ મેક્રોને જોઈન્ટ પ્રેસ સંવાદ દરમિયાન ઓસ્ટ્રેલિયાના પીએમના પત્નીને ‘સ્વાદિષ્ટ’ કહેતા હાજર તમામ લોકો સ્તબ્ધ થઈ ગયા હતા. મેક્રોને આ જાણી જોઈને કહ્યું હતું કે તેની જીભ લપસી હતી તેની કોઈ સ્પષ્ટતા કરાઈ નથી પરંતુ ઓસ્ટ્રેલિયન મીડિયામાં આ અંગે ભારે રમૂજ જોવા મળી હતી.