ચોમાસામાં વીજ કરન્ટથી બચવા આટલું કરો : DGVCL

દક્ષિણ ગુજરાત વીજ કંપની દ્વારા આગામી ચોમાસાની ઋતુમાં વીજગ્રાહકો અને જાહેર જનતાની વીજ સલામતી અર્થે તકેદારી રાખવા અનુરોધ

આગામી ચોમાસાની ઋતુમાં દક્ષિણ ગુજરાત વીજ કંપની દ્વારા વીજગ્રાહકો અને જાહેર જનતાની વીજ સલામતી અર્થે તકેદારી રાખવા અને સાવચેતીના ભાગરૂપે નીચે મુજબની માર્ગદર્શિકા જાહેર કરાઈ છે. :જે મુજબ
• કોઈપણ જગ્યાએ વીજળીનો થાંભલો કે તાર તૂટેલો કે ભયજનક રીતે નમેલો જણાય તો તૂટેલા ઝુલતા તારને કોઈપણ સંજોગોમાં અડકવું નહી અનેતુરંત જ આપની નજીકની વીજ કંપનીની સ્થાનિક પેટા વિભાગીય કચેરીનો સંપર્ક કરી જાણ કરવી અથવા ટોલ નંબર ૧૯૧૨૩ કે ૧૮૦૦૨૩૩ ૩૦૦૩ પર જાણ કરો અને સંભવિત વીજ અકસ્માતને ટાળો.
• વીજસ્થાપનના ઉપકરણો જીવંત સ્વરૂપે વીજવાહક હોવાથી સલામતીની દ્રષ્ટિએ સાવચેત રહેવું જરૂરી છે.
• વીજ સાધનો માટે યોગ્ય ક્ષમતાના ફયુઝ, એમ.સી.બી. તથા ઈ.એલ.સી.બી. નો ઉપયોગ કરવો.
• વીજળીના થાંભલા કે તેના અર્થીગ વાયર કે સ્ટ્રીટલાઈટના થાંભલા સાથે ધાતુનો તાર બાંધી કપડાં સુકવવા નહિં અથવા પશુઓને પણ ત્યાં બાંધવા નહિં.
• વરસાદના સમયે ભેજવાળા વાતાવરણમાં ઘરના વીજસ્થાપનોમાં લાગતા વીજ આંચકાઓથી બચવા ઈ.એલ.સી.બી. અવશ્ય લગાડવી.
• કોઈપણ બાંધકામ ચાલતું હોય તો તે સ્થળ પાસેથી પસાર થતી વીજ લાઈન અને થાંભલાથી સલામત અંતર અવશ્ય જાળવવું.
• વીજ લાઈનની નીચે તેમજ ટ્રાન્સફોર્મર સેન્ટરને અડીને વાહનો ઉભા રાખવા નહિં કે પાર્ક કરવા નહિં તેમજ વધુ ઉંચાઈના વાહનો વીજ લાઈનની નીચેથી સાવચેતીપૂર્વક પસાર કરવામાં આવે તેની ખાસ કાળજી લેવી.
• કારખાનાની ઘરની બારીમાંથી અથવા ગેલેરીમાંથી કોઈપણ જાતનો કચરો, પાણી, મેટાલીક યાર્ન, તાર, વાયર કે લોખંડનો ભંગાર વિગેરે વીજ લાઈન પર ફેંકશો નહીં. તેમ કરવાથી ઈલેકટ્રીક કરંટ (શોક) લાગવાનો ભય રહે છે.
• વીજ વિક્ષેપ જેવાં કે મીટર બોક્ષમાં સ્ટ્રીટ લાઈટ પોલ પર ટ્રાન્સફોર્મર પર કે અન્ય કોઈ જગ્યાએ શોર્ટ સર્કીટ જણાય તો અમારા ૨૪ ૭ કોલ સેન્ટર નંબર ૧૯૧૨૩અથવા૧૮૦૦ ૨૩૩ ૩૦૦૩અથવા મોન્સુન કન્ટ્રોલ રૂમનો ટેલીફોન નંબર ૦૨૬૧-૨૫૦૬૨૯૯ તથા મો.નં.૯૮૭૯૨ ૬૮૯૫૯ પર જાણ કરી વીજ સલામતીમાં ભાગીદાર બનો.આ ઉપરાંતવીજ સંબંધિત સમસ્યાઓની નોંધણી અને નિરાકરણ માટે, વેબસાઇટ www.dgvcl.comપર ઉપલબ્ધ આપની સ્થાનિક કચેરીઓ સ્થિત ૨૪ કલાક કાર્યરત ફોલ્ટ સેન્ટર્સ નંબરનો પણ સંપર્ક સાધવો