કોંગોની મોમ્બોયો નદીમાં બોટ ડૂબી: ૫૦ના મોત

અંતરિયાળ વાયવ્ય દિશામાં ડેમોક્રેટીક રિપબ્લિક ઑફ કૉંગો (ડીઆરસી)માં એક નદીમાં થયેલા બોટ અકસ્માતમાં ૫૦ જણના મોત થયા હોવાનું અધિકારીઓએ જણાવ્યું હતું.

ત્શુપા પ્રાંતના વાઇસ ગવર્નર રિચાર્ડ બોયો લુકાના જણાવ્યા મુજબ આ અકસ્માત બુધવારે રાતે મોમ્બોયો નદીમાં થયો હતો. સ્થાનિક રહેવાસીઓના જણાવ્યા મુજબ અમને ગુરુવાર સુધીમાં ૪૯ મૃતદેહ મળ્યા હતા. એક લાપતા છે. આ બોટમાં પેસેન્જરો ઉપરાંત માલનો મોટો જથ્થો હતો.

બોટ મોન્કોટો શહેરથી માબાંદાકા (ઇક્વેટીયર પ્રાંત) જઇ રહી હતી. બોટ ડૂબવાનું કારણ જાણી શકાયું નથી. તેમ જ લાપતા પેસેન્જરની સંખ્યાની પણ હજી સુધી ખબર પડી નથી, એવું બોયોએ જણાવ્યું હતું. અલબત્ત, તેમણે એવું કહ્યું હતું કે આ બોટ રાતે ટ્રાવેલ કરતી હતી અને સરકારી સલામતી પગલાં સંદર્ભમાં કંઇક ગેરકાનૂની હતું અને
બોટમાં લાઇટો ન હતી.

ડીઆરસીની નદીઓમાં આ પ્રકારની ઘટનાઓ સામાન્ય છે. ખખડધજ બોટો, વધુ સંખ્યાથી પેસેન્જરો તથા માલ ભરવો, સલામતીના પગલાંનો સદંતર અભાવને કારણે અકસ્માતો સર્જાતા રહે છે.