WIPRO ઓગસ્ટથી નવી પેઢીના હાથમાં, સ્થાપક અઝિમ પ્રેમજી 31 જુલાઇએ રિટાયર્ડ
આઇટી સર્વિસિસ કંપની વિપ્રો લિમિટેડના સ્થાપક અને સખાવતી પ્રવૃત્તિઓ પર ધ્યાન કેન્દ્રીત કરતા અઝિમપ્રેમજી જુલાઇના અંત સુધીમાં કંપનીના એક્ઝિક્યુટિવ ચેરમેન અને મેનેજિંગ ડિરેક્ટર તરીકે નિવૃત્ત થઇ જશે.
53 વર્ષ સુધી કંપનીનું સુકાન સંભાળનાર 74 વર્ષીય અઝિમ પ્રેમજી નોન-એક્ઝિક્યુટિવ ડિરેક્ટર અને સ્થાપક ચેરમેન તરીકે યથાવત રહેશે તેમ કંપનીએ જણાવ્યું છે. ચીફ સ્ટ્રેટજી ઓફિસર અને બોર્ડના સભ્ય તેમજ તેમના પુત્ર રિષદ પ્રેમજીને કંપનીના એક્ઝિક્યુટિવ ચેરમેનપદનો હોદો અપાશે. કંપનીમાં નવા એમડી તરીકે સીઇઓ અબિદાલી ઝેડ નીમુચવાલાની નિમણૂક કરાશે.
આ ફેરફારો 30 જુલાઇથી અમલી બનશે રિષદની 31 જુલાઇ 2019થી 30 જુલાઇ 2024 સુધી પાંચ વર્ષ માટે ફુલ ટાઇમ ડિરેકટર તરીકે ફેરનિમણૂક કરાઇ છે. આ માટે શેરહોલ્ડરોની મંજૂરી લેવી પડશે.
અઝિમ પ્રેમજીએ જણાવ્યું છે કે, “અમે એક લાંબી અને સંતોષકારક મજલ કાપી છે. હું ભવિષ્યમાં મારી પરોપકારી ગતિવિધિઓ પર વધુ ધ્યાન કેન્દ્રિત કરવા પર વધુ સમય આપવા માગું છું. મને રિશદના નેતૃત્વ પર ભરોસો અને વિશ્વાસ છે. તેઓ કંપનીના વિકાસમાં વધુ સહયોગ આપશે.”
ભારતીય ઉદ્યોગપતિઓમાં અઝીમ પ્રેમજી સૌથી વધારે ઉદાર દાતા રહ્યા છે. માર્ચ મહિનામાં તેમણે તેમની માલિકીના 34 ટકા જેટલા વિપ્રોના શેર અઝીમ પ્રેમજી ફાઉન્ડેશનને દાનમાં આપ્યા હતા જે શિક્ષણ માટે સેવાકીય પ્રવૃત્તિ કરે છે. અત્યાર સુધીમાં તેમણે પોતાની 67 ટકા સંપત્તિ અથવા ₹1.45 લાખ કરોડનું દાન કર્યું છે. આ ફાઉન્ડેશન દ્વારા 2010માં અઝીમ પ્રેમજી યુનિવર્સિટીની સ્થાપના કરવામાં આવી હતી. પ્રેમજી પરિવાર સોફ્ટવેર નિકાસકાર કંપનીમાં 74 ટકા હિસ્સો ધરાવે છે.
પ્રેમજીએ બે વર્ષ અગાઉ વિદ્યાર્થીઓ સાથેની વાતચીતમાં જણાવ્યું હતું કે વિપ્રોની સ્થાપના મારા પિતા હશમ પ્રેમજીએ કરી હતી. મેં તેની પ્રોડક્ટ રેન્જ અને ડાઇવર્સિફિકેશનમાં યોગદાન આપ્યું છે.
અમે જે કામ ભૂતકાળમાં કરતા આવ્યા હતા તેને વધુ સારી રીતે કરવા માટે મને પ્રેરણા મળી હતી. 1996માં પ્રેમજી 21 વર્ષની વયે સ્ટેન્ફર્ડ કોલેજ છોડીને ભારત આવ્યા હતા અને પિતાના મૃત્યુ પછી વિપ્રોનો હવાલો સંભાળ્યો હતો. વિપ્રોનું અસલ નામ વેસ્ટર્ન ઇન્ડિયા વેજિટેબલ પ્રોડક્ટ લિ. હતું અને ત્યારે તે મુખ્યત્વે ખાદ્યતેલ બનાવતી કંપની હતી
આપના કે આપની સંસ્થાના કોઇપણ પ્રકારના સમાચાર, ઇવેન્ટ કવરેજ, ઇન્વિટેશન, બ્લોગ રાઇટિંગ વગેેરે માટે સંપર્ક કરો : 98253 44944
For any News, Event coverage, Reporting, Invitations etc, Please Feel Free to contact on : 98253 44944
आपके किसी भी प्रकार के न्युज, इवेन्ट कवरेज, इन्विटेशन्स आदि के लिए कृपया संपर्क करें : 98253 44944
You Can Find us on Google Play store too : Download Now