‘તારક મહેતા….’ માંથી દયાભાભી OUT

ભારતીય ટીવી પરદાની સૌથી લોકપ્રિય કોમેડી સિરીયલ પૈકિની એક તારક મહેતા કા ઉલ્ટા ચશ્માના ચાહકો માટે એક આંચકારૂપ સમાચાર છે. ફાઇનલ રિપોર્ટ અનુસાર આ શ્રેણીમાં હવે ફરી કયારેય પણ દિશા વાંકાણી દયાભાભીના લોકપ્રિય પાત્રમાં જોવા મળશે નહીં. દિશા વાંકાણીએ ગોકુલધામ સોસાયટીમાં વાપસી કરવાનો ઇન્કાર કરી દીધો છે. તારક મહેતા શોના પ્રોડયૂસર આસિત મોદીએ સ્વીકારી લીધું છે કે અમારે નવા દયાભાભી શોધવા રહ્યા. શોથી કોઇ મોટું નથી. તારક મહેતા કા ઉલ્ટા ચશ્મા હવે નવા ચહેરા સાથે આગળ વધશે, કારણ કે દયાબેન વિના અમારું ફેમિલી અઘૂરું છે.

આસિત મોદીએ એમ પણ કહ્યંy કે આપણા દેશમાં કામકાજી મહિલાઓ પ્રેગનેન્ટ થતી રહે છે, મેટરનિટી બ્રેક લે છે અને ફરી કામ પર વાપસી કરે છે. અમે દિશાને સમય આપ્યો હતો. અમે તેની ઘણી રાહ પણ જોઇ પણ હવે નવા દયાભાભી શોધવા જ રહ્યા. અમે નવા દયા ભાભી શોધવાની પ્રોસેસ શરૂ કરી દીધી છે. અત્રે એ ઉલ્લેખનિય રહેશે કે દિશા વાંકાણી સપ્ટેમ્બર 2017થી શોમાં નથી. નવે. 2017માં પુત્રીને જન્મ આપ્યો હતો.