સુરતીઓને યોગ કરાવ્યા શિલ્પા શેટ્ટીએ

દર વર્ષેની જેમ આ વર્ષે પણ યોગ દિવસને પ્રોત્સાહન આપવા અગાઉથી જ તૈયારીઓ શરૂ થઈ ગઈ છે. વિવિધ સ્થળોએ યોગ કરીને વધુમાં વધુ લોકોને યોગ સાથે જોડવાની કવાયત હાથ ધરાઈ છે. જેના ભાગ રૂપે બોલિવુડની સૌથી ફિટ ગણાતી એક્ટ્રેસ શિલ્પા શેટ્ટી સુરત આવી હતી અને સરસાણા સ્થિત ચેમ્બર ઓફ કોમર્સના કન્વેન્સન સેન્ટર ખાતે સવારના પહોરમાં એકત્રિત સુરતીઓને યોગના પાઠ ભણાવ્યા હતા.

સુરત આવેલી શિલ્પા શેટ્ટીએ સુરતની મુલાકાત દરમિયાન સુરતની પ્રચલિત ફૂડ ડીશીસ પણ આરોગી હતી. પ્રસ્તુત તસ્વીરમાં ફાફડા, જલેબી, ચટણીની જયાફત ઉડાતતી શિલ્પા શેટ્ટી દ્રશ્યમાન છે.