સેન્સેક્સ ફરી 40Kને પાર

આજે તા.31મી મે 2019ને શુક્રવારે શેરબજારમાં ઉછાળા સાથે શરૂઆત થઈ હતી, તા.30મી મે 2019ના રોજ મોદી સરકાર 2.0ની શપથવિધિની સીધી અસર શુક્રવારે ઉઘડતા બજારે જોવા મળી હતી.

તા.23મી મે 2019ના રોજ પરીણામોની જાહેરાત સાથે જ સેન્સેક્સએ લાઇફટાઇમ હાઇ સપાટી સર કરી હતી. એ પછી આજે સેન્સેક્સે ફરી 40 હજારની સપાટી કૂદાવી હતી.

આજે શુક્રવાર તા.31મી મે એ નિફ્ટીએ 12 હજારની સપાટી પાર કરી હતી. મોદી સરકાર પર વિશ્વાસ કાયમ રાખતા શેરબજારમાં બેન્કિંગ તેમજ આઈટી શેરોમાં લેવાલીના જોરે શરૂઆતી કામકાજમાં સેન્સેક્સ 271 પોઈન્ટ ઉપર 40,122.34ની ઊંચાઈએ સ્પર્શ્યો હતો. નિફ્ટી આંક પણ 81.20 પોઈન્ટ ઉપર ખૂલતા 12,027ને સ્પર્શ્યો હતો.