સોમનાથ મંદિરના દર્શનાર્થીઓને વીમા કવચ

જ્યોતિર્લીંગ ભગવાન સોમનાથ મંદિર ટ્રસ્ટ દ્વારા દર્શનાર્થે આવતા યાત્રિકો માટે વીમો લેવામાં આવ્યો છે. સોમનાથમાં કોઇ અઘટિત બનાવ વખતે કોઇ યાત્રાળુનું મોત થાય તો તેના વારસોને વળતર મળી શકે જેથી યુનાઇટેડ ઇન્ડિયા ઇન્સ્યોરન્સ કંપનીને દર વર્ષે રૂ. સવા લાખનું પ્રિમિયમ ચૂકવવામાં આવનાર છે.

બાર જ્યોતિર્લીંગ પૈકી પ્રથમ જ્યોતિર્લીંગ સોમાથ મહાદેવનાં દર્શનાર્થે દેશ-િવદેશમાંથી લાખોની સંખ્યામાં યાત્રિકો સોમનાથ આવતા હોય છે ત્યારે સુરક્ષા માટે સોમનાથ ટ્રસ્ટ દ્વારા વીમો ઉતારવામાં આવ્યો છે. સોમનાથ ટ્રસ્ટ દ્વારા યુનાઈટેડ ઇન્ડિયા ઇન્સ્યોરન્સ કંપનીને દર વર્ષે રૂ. સવા લાખનું પ્રિમિયમ ચૂકવવામાં આવનાર છે.

પ્રિમિયમ અંતર્ગત સોમનાથ મંદિર સંકુલ, ટ્રસ્ટના ગેસ્ટ હાઉસો, કાર્તિકી પૂર્ણિમાના મેળા, ટ્રસ્ટ હેઠળના તમામ મંદિરોને આવરી લેવાયા છે. એક વખતમાં કંપની વધુમાં વધુ રૂ. 12.5 કરોડ અને આ પ્રકારના સંજોગોમાં વર્ષ દરમિયાન વધુમાં વધુ રૂ. 25 કરોડનું વળતર ચૂકવવામાં આવનાર હોવાનું જાણવા મળે છે.