આજે ભારત વેસ્ટઇન્ડિઝ સામે સિરીઝ-વિજય માટે રમશે

વેસ્ટ ઇન્ડિઝ સામેની પ્રથમ વન-ડે વરસાદને કારણે ધોવાઈ ગયા બાદ બીજી મૅચ જીતી લીધા બાદ ભારત આજે ત્રીજી અને છેલ્લી વન-ડે (સાંજે ૭.૦૦થી લાઇવ) રમશે જે જીતીને ભારતીયો ૨-૦થી વ્હાઇટવૉશ કરવા કોઈ કસર બાકી નહીં રાખે.

શિખર ધવન કૅરેબિયનો સામેની ટી-ટ્વેન્ટી સિરીઝમાં માત્ર ૧, ૨૩, અને ૩ રન બનાવી શક્યો હતો તેમ જ બીજી વન-ડેમાં બે રનમાં આઉટ થઈ ગયો હોવાથી હવે તેના પર આજે સફળ થવા માટે જોરદાર દબાણ રહેશે. એ ઉપરાંત, મિડલ-ઑર્ડરમાં રિષભ પંત તથા શ્રેયસ ઐયર વચ્ચે પણ સફળતા માટેની હરીફાઈ થશે. શ્રેયસે ગઈ વન-ડેમાં ૬૮ બૉલમાં ૭૧ રનના યોગદાનનો ઝમકદાર પર્ફોર્મન્સ નોંધાવ્યો હતો.